تحفظات دور کئے جائینگے، دریائے سندھ سے نہریں نکالنے کا معاملہ متفقہ ہے: وزیراعظم
اشاعت کی تاریخ: 7th, April 2025 GMT
اسلام آباد+ لاہور (خبر نگار خصوصی+ نوائے وقت رپورٹ) وزیراعظم شہباز شریف سے وزیر داخلہ محسن نقوی نے لاہور میں اہم ملاقات کی۔ ذرائع کے مطابق ایک ہفتے میں وزیر داخلہ نے تیسری بار وزیراعظم سے خصوصی ملاقات کی۔ ملاقات کے دوران دریائے سندھ سے نکالی جانے والی نہروں پر عوامی ردعمل پر بھی بات چیت ہوئی۔ باوثوق ذرائع نے بتایا کہ محسن نقوی نے وزیراعظم کو افغانیوں کی اپنے ملک واپسی کے لئے جاری آپریشن کے بارے میں بھی آگاہ کیا اور وزیراعظم کو بجلی کی قیمتیں کم کرنے پر بھی مبارکباد دی جبکہ امن و امان سمیت سیاسی صورتحال پر بریف کیا۔ بلوچستان اور کے پی کے میں امن و امان کے لئے اٹھائے گئے اقدامات پر بھی تبادلہ خیال کیا گیا۔ اس موقع پر گفتگو کرتے ہوئے شہباز شریف کا کہنا تھا کہ سندھ سے نہریں نکالنے کا معاملہ متفقہ ہے۔ ایس آئی ایف سی ملکی تقدیر بدلنے کا منصوبہ ہے۔ دریائے سندھ سے نہریں نکالنے کے معاملے پر سندھ کے تحفظات دور کئے جائیں گے۔ حکومتی اتحادی اپنے معاملات پارلیمنٹ اور کابینہ میں متفقہ طور پر طے کرتے ہیں۔ وزیراعظم نے کہا کہ حکومتی اتحادیوں میں بے مثال سیاسی ہم آہنگی ہیے ملکی ترقی کا پہیہ اپنے ٹریک پر چڑھ گیا ہیے اب کسی کو سیاسی تخریبی کارروائیوں کی اجازت نہیں دیں گے۔ ملک میں سیاسی ٹھہراؤ اور امن و امان کی صورتحال دن بدن ٹھیک ہو رہی ہے۔ ذرائع کا مزید کہنا تھا کہ وزیراعظم اور وزیر داخلہ کے درمیان چالیس منٹ تک ملاقات جاری رہی۔ وزیر داخلہ نے چئیرمین پی سی بی کی حیثیت سے وزیراعظم کو پی ایس ایل سیزن کی تیاریوں کے لئے اٹھائے گئے اقدامات سے بھی آگاہ کیا اور پی ایس ایل ٹورنامنٹ کے دوران سکیورٹی معاملات کے بارے میں بھی وزیراعظم کو تفصیلات بتائیں۔ علاوہ ازیں وزیراعظم نے کہا کہ حکومت صحت کے شعبے میں جدید ٹیکنالوجی کو بروئے کار لانے اور مضبوط شراکت داری کے قیام کے لیے پرعزم ہے۔ پاکستان نے ماں اور بچے کی صحت کے میدان میں قابل ذکر پیش رفت کی ہے، تاہم ہمارے سامنے اب بھی طویل سفر باقی ہے۔ عالمی یومِ صحت کے موقع پر اپنے پیغام میں شہباز شریف نے کہا کہ ہمیں اپنے نظامِ صحت کو مستحکم کرنا ہوگا۔ ڈیجیٹل ہیلتھ ٹولز کے استعمال، ڈیٹا پر مبنی پالیسی سازی اور کمیونٹی کی مؤثر شمولیت کے ذریعے ہم اس خلا کو پْر کرنے کے متمنی ہیں، جو خاص طور پر کم سہولت یافتہ اور دور دراز علاقوں میں صحت کی خدمات کی فراہمی میں حائل ہیں۔ ہمیں احتیاطی تدابیر پر مبنی صحت کی دیکھ بھال، یونیورسل ہیلتھ کوریج، دماغی صحت کی بہتری، اور صحت سے متعلق عدم مساوات کے خاتمے کو اپنی ترجیحات میں شامل کرنا ہوگا۔ ہمارا ہدف یہ ہونا چاہیے کہ جب اور جہاں بھی ان کی ضرورت ہو ہر فرد کو معیاری صحت کی سہولیات، تربیت یافتہ طبی عملہ، محفوظ علاج، اور ضروری ادویات بروقت اور بلا مالی رکاوٹ فراہم ہوں ۔ دوسری طرف وزریر اعظم سے چیئرمین ماڈل بازار ملک افضل کھوکھر نے ملاقات کی۔ انہیں نے بجلی بلوں میں ریلیف پر وزیر اعظم کو مبارکباد دی۔ اس موقع پر وزیر اعظم کا کہنا تھا کہ بجٹ میں عوام کو مزید ریلیف دیں گے۔
.ذریعہ: Nawaiwaqt
کلیدی لفظ: وزیراعظم کو وزیر داخلہ صحت کی
پڑھیں:
سیاسی جماعتیں کام کی تشہیر چاہتی ہیں، کراچی کے لیے میگا پراجیکٹس زیر غور ہیں، شرجیل انعام میمن
کراچی:سندھ کے سینئر وزیر شرجیل انعام میمن نے کہا ہے کہ سیاسی جماعتیں اچھے کام کی تشہیر چاہتی ہیں، کراچی کے لیے میگا پراجیکٹس زیر غور ہیں اور ہیوی ٹریفک کا حل نادرن بائی پاس ہے، دیہی سندھ کے اضلاع میں کراچی سے زیادہ لوڈ شیڈنگ ہوتی ہے۔
شرجیل انعام میمن سے صںعت کاروں سے خطاب میں کہا کہ بھارت کے ساتھ کشیدگی نے پوری دنیا کو پاکستان کی صلاحیتوں سے آگاہ کر دیا ہے، تاجر اور صنعت کار اس معرکے کو تنہا نہ دیکھیں معاشی حالات بہتر ہوں گے۔
ان کا کہنا تھا کہ تاجراورصنعت کار سیٹ بیلٹ باندھ لیں پاکستان ٹیک آف کے لیے تیار ہے، پاکستان میں کاروباری حالات بہتر ہوئے ہیں، مثبت اشاریے نظر آرہے ہیں اور مزید بہتری کے لیے مثبت سوچ کے ساتھ ہمیں اپنا کردار ادا کرنا ہوگا۔
سائیٹ ایسوسی ایشن آف انڈسٹری میں صنعت کاروں سے خطاب کرتے ہوئے سینئر وزیر شرجیل انعام میمن نے کہا کہ پاکستان پیپلزپارٹی سمجھتی ہے کہ بزنس کمیونٹی پاکستان کا اثاثہ ہے۔
انہوں نے کہا کہ وزیراعلیٰ سندھ مراد علی شاہ نےخصوصی طور پر صنعت کاروں کےساتھ ملاقاتیں کی ہیں، سیاسی جماعتیں اچھے کام کی تشہیر چاہتی ہیں، کراچی کے لیے میگا پراجیکٹس زیر غور ہیں۔
انہوں نے کہا کہ کراچی دنیا کےکئی ممالک سے بڑا ہے، پنجاب، خیبرپختونخواہ اور بلوچستان بھی ہمارے صوبے ہیں، وہاں سے بھی لوگ روزگار کے لیے سندھ آتے ہیں، ہمارےصوبے میں مواقع موجود ہیں لیکن کمی کوتاہی ہوئی تو تسلیم کریں گے۔
ان کا کہنا تھا کہ ملک میں صحت کی سب سے بہترین سہولیات کراچی میں ہیں، سندھ کی صحت عامہ کی سہولیات دیگر صوبوں سے بہتر اور مفت ہیں۔
شرجیل انعام میمن نے کہا کہ کراچی کے ہیوی ٹریفک کا حل نادرن بائی پاس ہے، سندھ بھر میں لوڈشیڈنگ ہے، دیہی سندھ کے اضلاع میں کراچی سے زیادہ لوڈشیڈنگ ہے۔
انہوں نے کہا کہ حیسکو، سیپکو اور کے-الیکٹرک اجتماعی سزا دیتی ہیں، وزیراعلیٰ مراد علی شاہ سندھ کے ایشوز پر زیرو ٹالرنس رکھتے ہوئے وفاق سے دوٹوک بات کرتے ہیں، وزیراعلیٰ سندھ سب سے زیادہ سندھ کے مسائل پر وفاق سے بات کرتے ہیں۔
ان کا کہنا تھا کہ سیلاب کے دوران سندھ میں 21 لاکھ گھر تباہ ہوئے، سیلاب متاثرین کےساڑھے 8لاکھ گھر بن چکےہیں۔
سینئر صوبائی وزیر شرجیل انعام میمن نے سائٹ ایریا کے روٹس پر بسیں چلانےکا اعلان کیا اور کہا کہ کراچی سرکلر ریلوے پراجیکٹس میں تجاوزات سمیت کئی مسائل آئے۔
انہوں نے کہا صوبے سے باہر کی رجسٹرڈ ہیوی گاڑیوں کے لیے میکنزم بنادیا ہے، باہر کی رجسٹرڈ گاڑیوں کو یہاں رجسٹرڈ کرانا ہوگا، 1500ہیوی گاڑیوں کو ضبط کیا ہےجو فٹنس کےقابل نہیں تھیں۔
ان کا کہنا تھا کہ دھرنا کلچر ختم کرنا ہوگا، دھرنا کلچر سے ملک کے عوام کو نقصان پہنچتا ہے، آئینی طریقہ کار کے تحت احتجاج کا حق ہے لیکن سڑک بند کرنےکا اختیار نہیں۔
آزادکشمیر میں خفیہ اطلاعات پر ہونیوالے آپریشن کے دوران ساتھیوں سمیت مارا جانے والا ’ زرنوش نسیم ‘ کون ہے؟ وہ معلومات جو آپ جاننا چاہتے ہیں