آصف زرداری کی علالت، صدر کا خصوصی طیارہ ایک ہفتہ انتظار کے بعد اسلام آباد چلا گیا
اشاعت کی تاریخ: 8th, April 2025 GMT
کراچی (ڈیلی پاکستان آن لائن )صدر آصف علی زرداری کے زیر استعمال خصوصی طیارہ ایک ہفتہ تک کراچی میں کھڑا رہنے کے بعد اسلام آباد چلا گیا۔
نجی ٹی وی جیونیوز کے مطابق پاکستان ایئر فورس کا طیارہ "پاکستان ون" وزیراعظم کے سفر کے لئے مخصوص ہے تاہم 29 مارچ کو صدر آصف علی زرداری عیدالفطر اپنے آبائی شہر نواب شاہ منانے کے لئے اسی طیارے میں اسلام آباد سے نواب شاہ پہنچے تھے۔ عید کی رات گئے صدر مملکت کی طبیعت خراب ہونے پر انہیں رات 4 بجے ہنگامی طور پر اسی طیارے میں کراچی منتقل کیا گیا تھا۔
جس کے بعد سے آصف علی زرداری مقامی ہسپتال میں داخل اور زیر علاج ہیں ان کی طبیعت بہتر ہونے اور اندازے سے پیر تک ہسپتال سے ڈسچارج کرنے کا اعلان کیا گیا مگر صدر مملکت تاحال ہسپتال میں ہی زیرعلاج ہیں۔
ان کا خصوصی طیارہ پیر کی صبح 8 بجے کراچی کے جناح انٹرنیشنل ایئرپورٹ سے اسلام آباد روانہ ہوگیا۔
نیشنل سیکیورٹی اینڈ وار کورس کیلئے کن افسران کو نامزد کیا گیا ؟نام سامنے آ گئے
مزید :.ذریعہ: Daily Pakistan
کلیدی لفظ: اسلام آباد
پڑھیں:
چیئرمین سی ڈی اے محمد علی رندھاوا نے اسلام آباد کے لیے کون کون سے منصوبوں کی منظوری دی؟
چیئرمین کیپیٹل ڈویلپمنٹ اتھارٹی (سی ڈی اے) و چیف کمشنر اسلام آباد محمد علی رندھاوا کی زیر صدارت جمعرات کو سی ڈی اے بورڈ کا 16واں اجلاس منعقد ہوا، جس میں بورڈ کے ممبران اور متعلقہ افسران نے شرکت کی۔ اجلاس میں شہری سہولت، اسپتالوں کی بہتری اور انتظامی امور سے متعلق متعدد اہم منصوبوں کی منظوری دی گئی۔
اجلاس میں فیصلہ کیا گیا کہ قبر کھدائی اور میت بس کے چارجز معاف کیے جائیں گے اور قبرستانوں میں اضافی میت بسیں فراہم کی جائیں گی تاکہ شہریوں کو دکھ کی گھڑی میں سہولت فراہم کی جا سکے۔
مزید پڑھیں: شاہ اللہ دتہ میں اسپورٹس انکلیو بنایا جائے گا، چیئرمین سی ڈی اے
کیپیٹل اسپتال کے معیار کو بہتر بنانے اور آمدن بڑھانے کے لیے انسٹیٹوشنل بیسڈ پرائیویٹ پریکٹس (آئی بی پی پی) کے تحت پرائیویٹ مریضوں کی فیسوں پر نظر ثانی کی جائے گی۔ چیئرمین نے اسپتال کے لیے جدید کمپیوٹرز اور کیش لیس نظام کے آلات فراہم کرنے کی بھی ہدایت دی۔
سی ڈی اے انٹرنشپ پالیسی 2025 کی منظوری دی گئی، جس کے تحت پاکستان کی بہترین یونیورسٹیوں سے فارغ التحصیل گریجویٹس کو شفاف اور میرٹ پر مبنی انٹرنشپ فراہم کی جائے گی تاکہ ادارے میں جدید مہارتوں سے لیس افرادی قوت میسر ہو۔
مزید پڑھیں: اللہ نے پاکستان کی عزت رکھی، چیئرمین پی سی بی محسن نقوی
اجلاس میں نیو اسلام آباد انٹرنیشنل ایئرپورٹ کے قریب اے این ایف آفس کے قیام اور اسلام آباد میں پولیس اسٹیشن کی تعمیر کے لیے زمین کی منظوری دی گئی۔ سیکٹر F-10 کی سروس روڈ (ایسٹ) کا نام قومی کھلاڑی ’ارشد ندیم روڈ‘ رکھنے کی تجویز وفاقی حکومت کو بھیجی جائے گی۔
اسلام آباد میونسپل سالڈ ویسٹ مینجمنٹ کی لینڈ فل سائٹ کے استعمال کے لیے راولپنڈی ویسٹ مینجمنٹ کمپنی (آر ڈبلیو ایم سی) کے ساتھ کرایہ اور خدمات کی مدت میں توسیع کی منظوری بھی دی گئی۔
مزید پڑھیں: اسلام آباد: دکھ کے لمحات میں شہری سہولت، قبر کھدائی اور میت بس سروس اب بلا معاوضہ
علاوہ ازیں، گریڈ 15 اور 16 میں تعینات سٹیٹسکل اسسٹنٹ ملازمین کے اپ گریڈیشن کے طریقہ کار کی منظوری فنانس ڈویژن کے رولز کے مطابق دی گئی۔
چیئرمین سی ڈی اے محمد علی رندھاوا نے تمام فیصلہ جات پر شفاف اور مؤثر عملدرآمد کو یقینی بنانے کی ہدایت کی تاکہ اسلام آباد کی تعمیر و ترقی اور شہری سہولت کی فراہمی بہترین انداز میں ممکن ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد چیئرمین سی ڈی اے محمد علی رندھاوا
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے