رواں مالی سال 2024-25 کے پہلے 8 ماہ میں جولائی 2024 تا فروری 2025 ترسیلات زر کے حوالے سے پاکستان کو 24 ارب ڈالر کے حصول کے ساتھ اس کا موازنہ گزشتہ مالی سال کی اسی مدت سے کیا جائے تو یہ 32.55 فی صد سے زیادہ اضافے کو بیان کرتا ہے۔
ترسیلات زر بھیجنے والے تارکین وطن ہوتے ہیں، چند سالوں سے یہ سلسلہ چل نکلا ہے کہ ان میں سے بیشتر افراد جوکہ زیادہ تر غیر ہنرمند ہوتے ہیں، یعنی ان کے پاس کسی قسم کا ہنر یا کسی قسم کی کوئی ٹیکنیکل ایجوکیشن نہیں ہوتی ہے ایجوکیشن تو ہوتی ہے لیکن میٹرک، انٹر آرٹس، بی اے یا بعض ایم اے بھی ہوتے ہیں، ہمارے ملک کی تعلیم کا یہ بھی عجیب معاملہ ہے کہ کالج کی تعلیم ہو یا پرائیویٹ میٹرک تا ایم اے کی تعلیم ہو ایک طالب علم 12 سے 16 سال اپنی زندگی کے تعلیم کے حصول کے لیے صرف کرکے بی اے یا ایم اے کی ڈگری ریگولر یا پرائیویٹ بھی حاصل کر لیتا ہے لیکن بعض افراد کا کہنا ہے کہ انگریزی بولنے تک کے وہ ماہر نہیں ہوتے۔
بہرحال ملک میں گزشتہ آٹھ دہائیوں سے اب تک ٹیکنیکل ایجوکیشن کی طرف کوئی خاص توجہ نہ دی جاسکی۔ بعض افراد کا کہنا ہے کہ اس میں 1990 تک کی دہائی میں بننے والی فلموں کا بڑا ہاتھ ہے جس میں دکھایا جاتا ہے کہ ہیرو نے بی اے کیا اور وہ ایک بڑی سی مل کا منیجر تعینات ہوجاتا ہے، لہٰذا میٹرک کے بعد طالب علموں کی صحیح طور پر رہنمائی نہ ہونے کے باعث بی اے کرنے لگ جاتے ہیں اور عموماً انگریزی کے پرچے میں فیل ہو کر کئی سال ضایع کر دیتے ہیں۔
اب صورت حال یہ ہوگئی ہے کہ بیرون ملک افراد کے بارے میں جیساکہ سنتے رہتے ہیں کہ ان بے روزگار نوجوانوں کو بھی اس بات کا جنون ہوتا ہے یا پھر امریکا یا کینیڈا پہنچ کرکوئی روزگار تلاش کر لیں بہت سے افراد اس سلسلے میں غیر قانونی طریقے اختیار کرتے ہیں اور موت کے سوداگروں کے ہتھے چڑھ جاتے ہیں جو ان کو کسی ملک میں لے جا کر کشتی کو ایسے مسافروں سے لبا لب بھر دیتے ہیں اور انھیں مرنے کے لیے کھلے سمندر میں چھوڑ دیا جاتا ہے۔
بعض افراد کا کہنا ہے کہ ایک طرف متعلقہ ملک کے ساحل پرکھڑے سپاہی فائرنگ کرتے رہتے ہیں۔ اس کے ساتھ سمندر میں شارک مچھلیاں ان کا انتظارکررہی ہوتی ہیں اور پھر بدقسمتی سے کشتی الٹ گئی تو بہت سی جانیں ضایع ہو جاتی ہیں جن میں اکثر پاکستانیوں کی بھی ہوتی ہیں۔ کئی عشروں سے یہ کھیل کھیلا جا رہا ہے لیکن موت کے سوداگروں کی وقتی طور پر زور و شور سے تلاش ہوتی ہے چند ہاتھ لگ بھی جاتے ہیں تو کیا؟ باقی سب اسی طرح سے اپنے مکروہ دھندوں میں ملوث رہتے ہیں۔
سال 2024 میں 7 لاکھ سے زائد پاکستانی ملازمتوں کے لیے بیرون ملک گئے۔ رپورٹ میں بتایا گیا کہ بیرون ملک موجود پاکستانیوں کی جانب سے بھیجی گئی ترسیلات زر پاکستانی معیشت کی بحالی میں اہم کردار ادا کر رہی ہے۔ دوسری طرف یہ افراد اپنے اسکلز کو مزید نکھارکر اور جدید ٹیکنالوجی کو پاکستان میں منتقل کرنے کا سبب بھی بن رہے ہیں۔ اس طرح2024 میں 34 ارب 60 کروڑ ڈالر سے زائد کا زرمبادلہ پاکستان بھیجا گیا، لیکن رواں مالی سال کے پہلے 8 ماہ میں اس سلسلے میں مسلسل ریکارڈ اضافہ نوٹ کیا گیا۔
صرف ماہ فروری میں ملک میں 3 ارب 12 کروڑ ڈالر کی ترسیلات زر موصول ہوئیں جو سالانہ بنیادوں پر 32.
مالی سال 2024-25 کے پہلے 8 ماہ میں ترسیلات زر 24 ارب ڈالر تک پہنچ گئیں جوکہ گزشتہ مالی سال کے اسی عرصے میں موصولہ 8.1 ارب ڈالر کے مقابلے میں 32.55 فی صد زیادہ ہیں اور بتایا جا رہا ہے کہ یہ پاکستان کی تاریخ میں 8 ماہ کی مدت میں ترسیلات زر کی سب سے زیادہ سطح ہے۔ اس کے علاوہ اس دوران حکومت نے غیر قانونی ذرایع جیسے حوالہ ہنڈی پر سخت کریک ڈاؤن لگایا اس دوران زرمبادلہ کی شرح میں استحکام بھی رہا اور غیر رسمی منڈی میں کم منافع کی شرح نے غیر قانونی چینلز کے استعمال کی حوصلہ شکنی دیکھنے میں آئی اور اب آیندہ مہینوں میں بھی یہ تسلسل جاری رہ سکتا ہے۔
بشرطیکہ حکومت ان باتوں پر بھی غور کرتی رہے کہ بیرون ملک سے بہت سے پاکستانیوں کو ڈی پورٹ کیا جا رہا ہے یا بہت سے پاکستانیوں کو بے دخل کیا جا رہا ہے۔ ورک ویزا کے مسائل پیدا ہو رہے ہیں۔ اسی طرح انسانی اسمگلر کو کنٹرول کرنے میں ناکامی ہو رہی ہے۔ ابھی تک حکومت ملک میں کوئی ایسا وسیع پروگرام شروع نہ کر سکی جس میں ہر میٹرک یا مڈل بلکہ پرائمری تک کی تعلیم حاصل کرنے والے نوجوانوں کو ٹیکنیکل تعلیم اور ٹریننگ دی جائے۔
ذریعہ: Express News
کلیدی لفظ: ترسیلات زر بیرون ملک جا رہا ہے کی تعلیم مالی سال ملک میں ہیں اور
پڑھیں:
پاکستان کے لیے ناگزیر آئینی مرحلہ، 27ویں آئینی ترمیم کیوں ضروری ہے؟
پاکستان کی ترقی اور اہم آئینی و انتظامی امور میں بہتری کے لیے 27ویں آئینی ترمیم کا نفاذ ایک ناگزیر قومی ضرورت بنتا جا رہا ہے۔ مختلف حقائق کی روشنی میں درج ذیل نکات اس ترمیم کی اہمیت کو واضح کرتے ہیں۔
18ویں آئینی ترمیم کے بعد صوبوں کو تو اختیارات مل گئے، مگر بلدیاتی حکومتیں 90 فیصد اضلاع میں یا تو ختم کر دی گئیں یا انہیں بااختیار نہیں ہونے دیا گیا۔ آئین کے آرٹیکل 140-اے کے باوجود صوبوں نے گزشتہ 15 برسوں میں عوام کو مستقل مقامی حکومتیں فراہم نہیں کیں۔ 27ویں ترمیم اس خلا کو پُر کرنے کی کوشش ہے۔
عالمی ماڈلز جیسے جرمنی، ترکی، بھارت اور اٹلی میں آئینی عدالتیں الگ سے موجود ہیں جو پارلیمان کے قانون، فوجی فیصلوں اور سیاسی تنازعات میں صرف آئینی تشریح کرتی ہیں، حکومت نہیں چلاتیں۔
مزید پڑھیں: 27ویں آئینی ترمیم کے ذریعے صوبوں کے کون سے اختیارات وفاق کو مل سکتے ہیں؟ فیصل واؤڈا نے بتا دیا
پاکستان میں زیرِ التوا مقدمات کی تعداد 24 لاکھ سے زائد ہے اور ایک سول کیس کا اوسط فیصلہ 8 سے 10 سال میں آتا ہے۔ ایسے میں ایک آئینی عدالت کے قیام اور ججوں کے تبادلوں کے شفاف طریقۂ کار سے عدلیہ پر بوجھ کم ہو سکے گا، آئینی تنازعات کے فوری حل کی راہ ہموار ہوگی اور سپریم کورٹ کا بوجھ قریباً 25 فیصد کم ہو سکتا ہے۔
ایگزیکٹو مجسٹریٹس کے خاتمے کے بعد عدالتوں کا بوجھ 300 فیصد تک بڑھ گیا، جبکہ 70 فیصد مقدمات ایسے ہیں جو موقع پر مجسٹریل اختیارات سے حل ہو سکتے تھے۔
امن و امان، تجاوزات اور ذخیرہ اندوزی کے خلاف کارروائی میں صوبائی و انتظامی نظام بے اختیار نظر آتا ہے۔ اس لیے ایگزیکٹو مجسٹریٹ کے نظام کی بحالی ایک مؤثر قدم ہوگا۔
پاکستان میں آبادی کی شرحِ اضافہ 2.55 فیصد سالانہ ہے، جبکہ ایران میں 1.1 فیصد، بھارت میں 0.9 فیصد اور چین میں صرف 0.03 فیصد ہے۔ اگر آبادی کی منصوبہ بندی وفاقی سطح پر مربوط پالیسی کے تحت نہ کی گئی تو 2040 تک پاکستان کی آبادی 34 کروڑ تک پہنچ سکتی ہے، جس سے وسائل پر شدید دباؤ بڑھے گا۔
مزید پڑھیں: مقامی حکومتوں کو آئینی تحفظ کے لیے 27ویں آئینی ترمیم کی ضرورت ہو تو فوراً کی جائے، اسپیکر پنجاب اسمبلی
صوبہ سندھ اور بلوچستان میں آبادی بڑھنے کی رفتار 2.7 فیصد جبکہ شرح خواندگی 55 فیصد سے کم ہے۔ پنجاب میں خواندگی نسبتاً بہتر (66 فیصد) ہے مگر آبادی کے دباؤ کے باعث صحت، تعلیم اور بنیادی ڈھانچے پر بوجھ بڑھ رہا ہے۔ اس لیے قومی نصابِ تعلیم اور آبادی کنٹرول کی پالیسیاں وفاقی سطح پر نافذ ہونا ناگزیر ہیں۔
پاکستان میں سالانہ قریباً 19 لاکھ بچے اسکول سے باہر ہو رہے ہیں۔ صوبائی کارکردگی میں نمایاں فرق ہے: پنجاب 33 فیصد، سندھ 23 فیصد، خیبر پختونخوا 21 فیصد اور بلوچستان 36 فیصد۔ یہ فرق 18ویں ترمیم کے بعد کم ہونے کے بجائے مزید بڑھا ہے، اس لیے تعلیم کو دوبارہ وفاقی دھارے میں لانا ضروری سمجھا جا رہا ہے۔
ملک میں سرکاری اسکولوں کی تعداد ایک لاکھ 86 ہزار سے زائد ہے، مگر ان میں سے نصف سے زیادہ میں بنیادی سہولیات جیسے صاف پانی، بجلی، باتھ روم اور چار دیواری موجود نہیں۔
صوبائی حکومتوں نے تعلیمی بجٹ عمارتوں پر صرف کیا مگر معیارِ تعلیم، اساتذہ کی تربیت اور ٹیکنالوجی کو نظر انداز کیا۔ اس صورتِحال میں وفاقی معیار اور نگرانی ناگزیر ہے۔
مزید پڑھیں: توجہ ترقی پر مرکوز ہے، 27ویں آئینی ترمیم کی فی الحال کوئی ضرورت نہیں، اسحاق ڈار
دنیا کے 57 مسلم ممالک میں سے 42 میں دفاع، آبادی، تعلیم، الیکشن کمیشن اور عدلیہ کے بنیادی اختیارات وفاق کے پاس ہیں۔ پاکستان ان چند ممالک میں شامل ہے جہاں آبادی اور تعلیم مکمل طور پر صوبوں کے حوالے کر دی گئی، جس سے قومی بیانیے، سلامتی اور شناخت میں تضادات پیدا ہوئے۔
این ایف سی ایوارڈ کے تحت صوبوں کو ملنے والی رقم گزشتہ 15 برس میں 10 گنا بڑھ گئی، مگر صوبائی ٹیکس وصولی میں صرف 70 تا 80 فیصد اضافہ ہوا۔ خرچ بڑھنے کے باوجود آمدن میں بہتری نہ آنے سے وفاقی مالیاتی بحران شدت اختیار کر چکا ہے۔
دفاعی بجٹ پر اکثر تنقید کی جاتی ہے، حالانکہ پاکستان اپنے جی ڈی پی کا صرف 1.7 فیصد دفاع پر خرچ کرتا ہے، جبکہ سول اخراجات سود، پنشن، سبسڈیز اور گورننس، مجموعی بجٹ کا 52 فیصد تک لے جاتے ہیں۔ اصل اصلاح انہی شعبوں میں ناگزیر ہے، دفاع میں نہیں۔
مزید پڑھیں: حکومت 27ویں آئینی ترمیم کے ذریعے ملٹری کورٹس قائم کرنے والی ہے؟
بلوچستان کے بجٹ کا 83 فیصد حصہ تنخواہوں، پنشن اور انتظامی اخراجات پر صرف ہوتا ہے، جبکہ ترقیاتی اخراجات بمشکل 17 فیصد رہ جاتے ہیں۔ صوبہ وفاق سے زیادہ فنڈز کا مطالبہ تو کرتا ہے، مگر ٹیکس اصلاحات، ریونیو بڑھانے اور مقامی حکومتوں کے قیام پر توجہ نہیں دیتا۔
یہی عدم توازن دیگر صوبوں میں بھی موجود ہے اور یہی وہ ادارہ جاتی و مالیاتی خلا ہے جسے 27ویں آئینی ترمیم پُر کرنے کی کوشش کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ویں آئینی ترمیم آبادی، دفاع پاکستان صحت، تعلیم صوبے، وفاق ناگزیر آئینی مرحلہ
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف