گاڑی اُڑا دیں گے، سلمان خان کو ایک مرتبہ پھر قتل کی دھمکی موصول
اشاعت کی تاریخ: 14th, April 2025 GMT
بالی ووڈ کے مشہور اداکار سلمان خان کو ایک اور جان سے مارنے کی دھمکی موصول ہوئی ہے۔
بھارتی میڈیا کی تازہ ترین رپورٹ کے مطابق یہ دھمکی پیر کے روز واٹس ایپ کے ذریعے ممبئی کے ورلی ٹریفک ڈپارٹمنٹ کے آفیشل نمبر پر بھیجی گئی ہے۔ پیغام میں کہا گیا کہ سلمان خان کو ان کے گھر میں قتل کر دیا جائے گا اور ان کی کار کو بم سے اُڑا دیا جائے گا۔
ممبئی پولیس اس معاملے پر فوری طور پر حرکت میں آگئی اور نامعلوم شخص کے خلاف ایف آئی آر درج کر لی ہے۔ سیکیورٹی اداروں نے سلمان خان کی رہائش گاہ کے اردگرد حفاظتی اقدامات مزید سخت کر دیے ہیں۔
View this post on InstagramA post shared by Times Applaud Trends (@timesapplaudtrends)
واضح رہے کہ یہ پہلی بار نہیں ہے کہ جب سلمان خان کو اس نوعیت کی دھمکیاں موصول ہوئی ہوں۔ اس سے قبل بھی انہیں مختلف طریقوں سے قتل کی دھمکیاں دی جاچکی ہیں جس کے بعد اداکار کی سیکیورٹی میں خاطر خواہ اضافہ کیا گیا تھا۔
بھارتی میڈیا کا کہنا ہے کہ پولیس واقعے کی مکمل تحقیقات کر رہی ہے، جبکہ خفیہ ایجنسیاں بھی اس دھمکی کے پیچھے موجود عناصر کا سراغ لگانے میں مصروف ہیں۔
.ذریعہ: Express News
کلیدی لفظ: سلمان خان کو کی دھمکی
پڑھیں:
کراٹے کمبیٹ کے 3 مرتبہ عالمی چیمپیئن شاہ زیب رند وزیراعظم سے نالاں کیوں؟
کوئٹہ سے تعلق رکھنے والے عالمی شہرت یافتہ کراٹے کمبیٹ فائٹر شاہ زیب رند نے ایک ویڈیو پیغام میں وزیراعظم شہباز شریف سے وعدہ پورا نہ کیے جانے پر شکوہ کیا ہے، شاہ زیب نے بتایا کہ تیسری مرتبہ کراٹے کمبیٹ مقابلوں میں عالمی چیمپئن بننے پرانہوں نے پوری قوم کو مبارک باد پیش کی ہے۔
شاہ زیب زند نے کہا کہ یہ کامیابی میں اپنے وطن کے اُن لوگوں کے نام کرتا ہوں جنہوں نے ہمیشہ میری حوصلہ افزائی کی۔ میں ان تمام دعاؤں کا شکر گزار ہوں جن کی بدولت آج میں اس مقام پر ہوں۔
یہ بھی پڑھیں:
تاہم انہوں نے افسوس کا اظہار کرتے ہوئے کہا کہ گزشتہ برس بھارت سے جیت کر واپس آنے پر وزیراعظم نے انہیں وزیراعظم ہاؤس بلا کر انعامی رقم دینے کا وعدہ کیا تھا، جو تاحال پورا نہیں ہو سکا۔
شاہ زیب کے مطابق، ان کے والد نے بارہا وزیراعظم آفس سے رابطہ کرنے کی کوشش کی، مگر کوئی مثبت جواب نہ ملا۔
مزید پڑھیں:
شاہ زیب رند نے کہا کہ وہ گزشتہ 6 ماہ سے امریکہ میں اپنی ٹریننگ جاری رکھے ہوئے ہوں، لیکن حکومت کی جانب سے وعدہ کی گئی رقم کا ایک روپیہ بھی نہیں ملا۔
انہوں نے امید ظاہر کی کہ ان کا پیغام وزیراعظم تک پہنچے گا اور ان کی آواز سنی جائے گی۔ ’میں جو بھی کر رہا ہوں، اپنے ملک کے لیے کر رہا ہوں، ہمیشہ سے خواب تھا کہ اپنے وطن کا پرچم دنیا بھر میں بلند کروں۔‘
مزید پڑھیں:
یاد رہے کہ شاہ زیب رند نے عالمی سطح پر پاکستان کی نمائندگی کرتے ہوئے کئی مواقع پر کامیابی حاصل کی ہے اور ملک کا نام روشن کیا ہے، مگر حکومتی عدم توجہی کا شکوہ اُن جیسے کھلاڑیوں کے حوصلے کو متاثر کرتا ہے۔
شاہ زیب رند حال ہی میں لائٹ ویٹ کیٹیگری میں برازیل کے فائٹر لوئز روچا کو ہرا کر تیسری بار عالمی چیمپیئن بنے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہ زیب رند فائٹر کراٹے لائٹ ویٹ کیٹیگری وزیراعظم ہاؤس ویڈیو پیغام
پاکستان نے تاریخ میں پہلی بار 1046 ارب روپے کے ترقیاتی اخراجات کیے، ترقیاتی اہداف کامیابی سے حاصل کر لئے ، وفاقی وزیر احسن اقبال