67 ہزار پاکستانیوں کا حج خطرے میں، وزیر اعظم سے رابطے کا فیصلہ
اشاعت کی تاریخ: 17th, April 2025 GMT
سینیٹ کی کمیٹی برائے مذہبی امور نے بڑی تعداد میں پاکستانیوں کی پرائیویٹ حج ادائیگی خطرے میں پڑنے سے متعلق معاملے پر وزیر اعظم سے ملاقات کے لیے خط لکھنے کا فیصلہ کیا ہے۔
رواں ماہ چار اپریل کو وزیر اعظم شہباز شریف نے 67 ہزار کے قریب پاکستانیوں کی حج ادائیگی خطرے میں پڑنے کی اس سنگین صورت حال کا نوٹس لیتے ہوئے تحقیقات کا حکم دیا تھا، جس کی وجہ نجی حج گروپ آرگنائزرز کی جانب سے سعودی حکومت کی شرائط پر بروقت عملدرآمد نہ کرنا بتایا جا رہا ہے۔
سینیٹ کی مذہبی امور کی کمیٹی نے جمعرات کو اس معاملے پر وزیر اعظم کو خط لکھنے اور ان سے ملاقات کے لیے رابطہ کرنے کا کہا ہے۔
دوسری جانب وزارت مذہبی امور نے کمیٹی اجلاس میں بتایا کہ وزیراعظم نے مستقبل میں ایسی صورت حال دوبارہ درپیش نہ آنے کے لیے سینیٹر مصدق ملک کی زیر صدارت ایک کمیٹی تشکیل دی ہے جس کے رکن وزیر مذہبی امور بھی ہیں۔
ایوان بالا کی قائمہ کمیٹی برائے مذہبی امور کے چیئرمین سینیٹ عطا الرحمن کی زیر صدارت اجلاس میں سیکریٹری وزارت مذہبی امور نے بتایا کہ ’ہماری وزارت کو وزارت خارجہ نے بتایا ہے کہ 10 ہزار پرائیویٹ حج کا کوٹہ پاکستان کو ملا ہے، اس سے زیادہ نہیں مل سکے گا۔ اب تقریباً 67 ہزار حجاج رہ گئے ہیں جو حج نہیں کر سکیں گے۔‘
دوسری جانب سعودی حکام واضح کر چکے ہیں کہ مقررہ وقت میں زون الاٹ نہ ہونے اور منیٰ میں محدود گنجائش کے باعث ان افراد کو ایڈجسٹ کرنا ممکن نہیں ہو گا۔
سابق وفاقی وزیر برائے مذہبی امور چوہدری سالک حسین، جو ایک ماہ قبل وفاقی وزیر برائے مذہبی امور تھے اور اس مسئلے پر کام کر رہے تھے، نے انڈپینڈنٹ اردو کو بتایا تھا کہ حج 2025 کے انتظامات سے متعلق منعقدہ پریزنٹیشن کے دوران ’وزیر اعظم نجی عازمین حج کے 77 ہزار کوٹے سے متعلق صورت حال کا سنجیدگی سے نوٹس لے چکے ہیں جس کے منسوخ ہونے کا خطرہ ہے۔‘
انہوں نے کہا کہ ’سعودی عرب کے الیکٹرانک پورٹل کی بندش کے باعث یہ نازک مسئلہ پیدا ہوا ہے۔ اس حوالے سے سعودی عرب میں پاکستان کے سفیر نے کہا ہے کہ طوافہ (Tawafa) کمپنی کی ادائیگی کی آخری تاریخ میں توسیع ممکن نہیں ہے۔‘
انڈپینڈنٹ اردو کو حاصل دستاویز جو نجی حج کے سٹیٹس کی تفصیل سے متعلق ہے، کے مطابق سعودی حکومت نے حج 2024 کے لیے نئے ضوابط متعارف کروائے، جن کے مطابق نجی کمپنیوں کے پاس کم از کم 500 حجاج کا کوٹہ ہو گا۔
ضوابط کی اس شق کے تحت 902 حج گروپ آرگنائزرز کو 163 بڑے اداروں، جنہیں ’منظم‘ کے نام سے جانا جاتا ہے، میں اکٹھا کر دیا گیا۔
اس بریف کے مطابق رواں سال 2025 کے حج کے لیے اکتوبر- نومبر 2024 میں سعودی حکومت نے آپریٹر کا کوٹہ 500 سے بڑھا کر 2000 حجاج کر دیا اور منظم کی تعداد کم کر کے 41 کر دی۔
نومبر میں نجی حج گروپ آرگنائزرز کو حج بکنگ کے لیے پیشگی شرائط پوری کرنے کی ہدایت کی گئی ہے تاہم انہوں نے سروس پرووائڈر معاہدے کو عدالت میں چیلنج کر دیا۔
بعد ازاں سندھ ہائی کورٹ نے 28 دسمبر کو حج پیکجز کو حتمی شکل دینے کا عمل روکتے ہوئے اس پر حکم امتناع جاری کر دیا۔
دستاویز میں کہا گیا ہے کہ جہاں ایک جانب حکومتی سیکٹر نے سعودی عرب میں 88 ہزار 380 افراد کی ڈیڈلائن کو پورا کیا وہیں نجی شعبے کو محدود فنڈز کی وجہ سے مشکلات کا سامنا کرنا پڑا۔
22 دسمبر 2024 کو سعودی عرب میں نجی عازمین حج پروگرام کی بکنگ زونز میں تاخیر اور سعودی عرب میں ان گروپس کے فنڈز میں ناکافی رقوم سے متعلق ایک اجلاس ہوا۔
اس کے نتیجے میں اضافی رہائش کے لیے زون ایک اور پانچ میں کیمپوں کی ادائیگی کرنے کے بعد زون دو اور چار کے لیے 10 روز کے اندر طے کرنا تھی، ورنہ یہ جگہیں دیگر ممالک کو دستیاب کی جانے کا کہا گیا۔
دستاویز کے مطابق بار بار یاد دہانی کے باوجود کیمپوں کے لیے ادائیگی کرنے میں حج گروپ آرگنائزرز ناکام رہے اور 14 فروری کی حتمی ڈیڈلائن گزرنے کے باوجود طوافہ کی ادائیگی نہیں ہوئی تو کدانا (منیٰ میں جگہ) واپس کر دی گئی، سوائے ان 13 ہزار 620 عازمین حجاج کی جگہوں کے جن کی ادائیگی ہو چکی تھی۔
جوائنٹ سیکرٹریٹ وزارت مذہبی امور نے کہا کہ حج آرگنائزر کا موقف تھا کہ ’41 منظم کے بجائے 902 حج آرگنائزرز کو حج کوٹہ سرٹیفیکیٹ جاری کریں۔ ساتھ ساتھ حج آرگنائزر سمجھ رہے تھے کہ گذشتہ سالوں کی طرح اس مرتبہ بھی تاریخ میں توسیع کر دی جائے گی۔ وزارت نے واضح کیا تھا کہ صورت حال خراب ہونے کی صورت میں حکومت پاکستان کو شرمندگی اٹھانا پڑے گی۔‘
جوائنٹ سیکرٹری کے مطابق یہ بھی فیصلہ کیا گیا کہ ’جو فرد 30 لاکھ روپے سے زائد کا حج کرے گا اس کا ڈیٹا سکیورٹی ایجنسیوں اور فیڈرل بورڈ آف ریوینیو کے ساتھ شیئر کیا جائے گا، اور 14 فروری کی ڈیڈ لائن ستمبر 2024 میں دے دی گئی تھی۔‘
اجلاس میں سیکریٹری وزارت مذہبی امور نے کہا کہ ’22 دسمبر کو سعودی کمپنی نے بتا دیا تھا کہ 25 فیصد پیسے جمع کروانے تھے لیکن ہوپ کے پاس اتنے پیسے بھی نہیں تھے۔ اگلے روز ہمیں پتہ چلا کہ یہ عدالت چلے گئے ہیں، جہاں ایک ماہ ضائع ہو گیا اور رقوم کی ترسیل پر روک دیا گیا۔‘
سیکرٹری وزارت مذہبی امور کے مطابق حج آرگنائزر بضد تھے کہ معاہدہ 41 کے بجائے 902 کے ساتھ کیا جائے۔
سیکرٹری وزارت مذہبی امور نے کمیٹی کو بتایا کہ وزیر اعظم نے اس معاملے پر تحقیقات کے لیے جس کمیٹی کی تشکیل کی تھی اس نے تین روز میں انہیں رپورٹ جمع کروانی تھی۔
انہوں نے بتایا کہ وہ رپورٹ کابینہ سیکریٹری نے وزیر اعظم کو جمع کروا دی ہوگی۔
کوآرڈ ی نیٹر ہوپ نے اجلاس میں بتایا کہ جہاں انڈیا کو 10 ہزار پرائیویٹ حجاج کا کوٹہ ملنے کے بعد مزید 10 ہزار کا کوٹہ مل گیا ہے وہیں پاکستان کو بھی مزید کوٹہ دیا جانا چاہیے۔
ذریعہ: Daily Mumtaz
کلیدی لفظ: حج گروپ ا رگنائزرز کی ادائیگی اجلاس میں کے مطابق بتایا کہ صورت حال کا کوٹہ کر دیا تھا کہ کے لیے نے کہا
پڑھیں:
حج اگلے سال سے موسم بہار میں داخل، گرمیوں میں اگلا حج 25 سال بعد ہوگا، سعودی محکمہ موسمیات
نیشنل سینٹر فار میٹیورولوجی (این سی ایم) کے ترجمان حسین القحطانی نے اعلان کیا ہے کہ رواں سال کا حج موسم گرما میں آخری حج ہے۔
انہوں نے وضاحت کی کہ آئندہ 8 حج کے سیزن موسمِ بہار میں ہوں گے، جس کے بعد 8 حج موسمِ سرما میں ادا کیے جائیں گے۔ پھر حج خزاں میں آئے گا اور تقریباً 25 سال بعد حج ایک بار پھر موسمِ گرما میں آئے گا۔
یہ بھی پڑھیے: بہتر حج انتظامات، گرمی سے متاثرہ عازمین کی تعداد میں 90 فیصد کمی ریکارڈ
این سی ایم کے ترجمان نے بتایا کہ یہ تبدیلی قمری کیلنڈر کے چکر کی وجہ سے ہو رہی ہے، جو آئندہ برسوں میں حجاج کرام کو زیادہ معتدل موسم میں عبادات کی ادائیگی کا موقع فراہم کرے گی۔
دوسری جانب اس سال شدید گرمی کی وجہ سے سعودی عرب کی وزارتِ صحت نے حج کے دوران عازمین کو صبح 10 بجے سے شام 4 بجے کے درمیان براہِ راست دھوپ سے بچنے کے لیے سخت ہدایات جاری کی ہیں تاکہ عازمین حج کو ہیٹ اسٹروک سے بچایا جاسکے۔
وزارت صحت نے عازمین کو چھتریوں کے استعمال، زیادہ پانی پینے اور حکام کی ہدایات پر عمل کرنے کی بھی تاکید کی ہے تاکہ گرمی کی شدت سے ہونے والی بیماریوں جیسے ہیٹ اسٹروک اور تھکن سے محفوظ رہا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بہار حج 2025 سعودی عرب گرمی
ڈیرہ غازی خان میں پنجاب پولیس کی کامیاب کارروائی، 4خوارجی دہشت گرد ہلاک