کمشنر کراچی نے نان چپاتی کی نئی قیمتیں مقرر کردیں
اشاعت کی تاریخ: 18th, April 2025 GMT
کراچی:
کمشنر کراچی نے شہر میں نان چپاتی کی قیمتیں مقرر کردیں، زائد قیمت وصول کرنے والوں کو قانونی کاروائی کا سامنا ہوگا۔
کمشنر کراچی کے جاری کردہ نوٹی فیشن کے مطابق کراچی میں 100 گرام کی چپاتی کی قیمت 10 روپے مقرر کی گئی ہے، 120 گرام کا نان 15 روپے میں فروخت ہوگا، 150 گرام کا نان 17 روپے اور 180 گرام کے نان کی 22 روپے سرکاری قیمت مقرر کی گئی ہے۔
کمشنر نے ہدایات دی ہیں کہ تنور مالکان نرخ نامہ نمایاں جگہ آویزاں کریں تاکہ شہری بآسانی دیکھ سکیں، قیمت بڑھانے پر سخت کارروائی عمل میں لائی جائے گی۔
کمشنر کراچی سید حسن نقوی کا کہنا ہے کہ سرکاری نرخ سے زائد قیمد پر چپاتی یا نان فروخت کیے جار ہے ہوں تو ان کی فوری شکایت درج کرائی جائے جس پر سخت کاروائی عمل میں لائی جائے گی، نرخ نامہ ہر تندور اور دکان پر آویزاں ہونا چاہیے۔
کمشنر کراچی حسن نقوی کا کہنا ہے کہ خلاف ورزی پر فوری کارروائی کی جائے گی اس سلسلے میں نان چپاتی نرخ مانیٹرنگ کے لئے کنٹرول روم قائم کردیا گیا ہے شہری شکایت کے لئے فوری طور 02199203443 پر رابطہ کریں۔
.ذریعہ: Express News
کلیدی لفظ: کمشنر کراچی
پڑھیں:
ایک لاکھ جرمانہ ؟؟ گاڑی مالکان کیلئے پریشان کن خبر آ گئی
شہر قائد میں رانگ سائیڈ سے گاڑی لانے پر ایک لاکھ جرمانے کا فیصلہ کیا گیا ہے۔
تفصیلات کے مطابق سندھ میں موٹر وہیکلز قوانین میں ترمیم کر دی گئی، رانگ سائیڈ آنے پر گاڑی پر ایک لاکھ روپے، سرکاری گاڑی پر 2 لاکھ روپے اور موٹر سائیکل پر 25 ہزار روپے جرمانہ ہوگا۔
بغیر لائسنس بائیک چلانے پر 25 ہزار روپے، اور بغیر لائسنس کار چلانے پر 50 ہزار روپے کا چالان کیا جائے گا۔
وزیر قانون سندھ کا کہنا ہے کہ ای چالان گھر کے پتے پر بھیجے جائیں گے، 4 سیٹر رکشوں پر مکمل پابندی عائد کر دی جائے گی، ون ویلنگ پر ایک لاکھ روپے جرمانہ ہوگا، اگلی بار 2 سے 3 لاکھ روپے جرمانہ ہوگا۔
موٹر وھیکلز ترمیمی قوانین کے مطابق بھاری، مال بردار گاڑیوں میں 5 کیمرے، واٹر ٹینکر اور ڈمپر میں ٹریکر سنسر لگانا لازمی قرار دے دیا گیا۔
واضح رہے کہ گزشتہ روز وزیر قانون و داخلہ سندھ ضیا الحسن لنجار کی زیر صدارت اجلاس میں رکشوں سے متعلق حتمی فیصلہ کرنے کے ساتھ تمام اقسام کے ٹریفک سے متعلق اہم فیصلے ہوئے ہیں۔ وزیر قانون نے کہا کہ ٹریفک چالان جمع نہ کرانے پر گاڑی ٹرانسفر یا فروخت نہیں ہوگی، جب کہ ٹریفک قوانین کی خلاف ورزیوں کے کیسز کے لیے ٹریفک مجسٹریٹ کی تعیناتی کی جائے گی۔
بلوچستان میں دہشتگردی کے نیٹ ورکس کے پیچھے بھارت کا ہاتھ ہے، فیلڈ مارشل