پہلگام واقعہ کی شفاف تحقیقات کیلئے پاکستان تعاون کرے گا،محسن نقوی
اشاعت کی تاریخ: 26th, April 2025 GMT
اسلام آباد(نیوز ڈیسک)وزیر داخلہ محسن نقوی کا کہنا ہے کہ بی ایل اے اور ”را“ 2 نہیں ایک ہی ہیں، پہلگام واقعہ کی شفاف تحقیقات کیلئے پاکستان تعاون کرے گا۔ ہم اس ڈرامے کو بے نقاب کرنا چاہتے ہیں۔ بھارت نے کبھی پاکستان میں دہشت گردی کی مذمت نہیں کی۔ دنیا کو دیکھنا ہوگا کہ دہشت گردی کون کر رہا ہے؟
لاہورمیں وفاقی وزیر داخلہ محسن نقوی نے نیوز کانفرنس کرتے ہوئے کہا ہے کہ پابندیوں سے بھارت کو نقصان اور پاکستان کو فائدہ ہے، پاکستان میں دہشت گردی میں بھارتی ”را“ملوث ہے، پاکستان پرامن ملک ہے، دہشت گردی کی مذمت کرتا ہے۔
محسن نقوی نے نیوز کانفرنس میں کہا کہ پاکستان کی معاشی ترقی بھارت سے ہضم نہیں ہو رہی، پہلگام واقعے سے پاکستان کا کوئی تعلق نہیں، پاکستان غیر جانبدار تحقیقات کا حصہ بننے کیلئے تیار ہے۔
وفاقی وزیر داخلہ نے کہا کہ پہلگام واقعہ کی شفاف تحقیقات کروائی جائیں، بے بنیاد پروپیگنڈے کو ختم کیا جائے، ہم اپنی سلامتی پر کوئی سمجھوتا نہیں کریں گے، پہلگام واقعہ کی شفاف تحقیقات کیلئے پاکستان تعاون کرے گا۔ ہم اس ڈرامے کو بے نقاب کرنا چاہتے ہیں۔
محسن نقوی نے مزید کہا کہ ہم نے خیبر پختونخوا میں دہشت گردوں کو کنٹرول کیا، بھارت نہیں چاہتا کہ پاکستان میں دہشت گردی کنٹرول ہو، بھارت پاک آرمی کو مصروف کر کے دہشت گردی کو ہوا دینا چاہتا ہے، بی ایل اے اور ”را“ 2 نہیں ایک ہی ہیں۔
انھوں نے کہا کہ پاکستان نے بھارتی 7 دھماکے کرنے کی مذموم سازش ناکام بنا دی ہے، بھارت 7 آئی ای ڈیز سے دھماکے کرنا چاہتا تھا، پاکستان میں 3 روز میں 7 آئی ای ڈیز پکڑی گئیں۔
محسن نقوی نے کہا کہ آج تک اتنے بڑے واقعے کی ایف آئی آر 10منٹ میں نہیں ہوئی، ، پہلگام واقعہ کی چند منٹ بعد ہی ایف آئی آر درج کرانا سوالیہ نشان ہے۔ بھارت، پاکستان اور کینیڈا میں دہشت گردی میں ملوث ہے، بھارت نے کبھی پاکستان میں دہشت گردی کی مذمت نہیں کی۔
وزیر داخلہ کا کہنا تھا کہ بھارت دہشت گردوں کو اپنے چینلز پر ہیرو بنا کر پیش کرتا ہے، دنیا کو دیکھنا ہوگا کہ دہشت گردی کون کر رہا ہے؟ انھوں نے واضح کیا کہ پاکستان کا دہشت گردی سے کوئی تعلق نہیں ہے۔
محسن نقوی نے نیوز کانفرنس میں بھی کہا کہ کشمیر ایک متنازع علاقہ ہے، اپنے مؤقف سے نہیں ہٹیں گے، ہمارے پاس بھارت کی دہشت گردی کے بہت شواہد موجود ہیں، ہم جنگ کیلئے بھارت سے زیادہ تیار ہیں، ہم جنگجو قوم ہیں، بھارت سندھ طاس معاہدہ ختم ہی نہیں کرسکتا.
انھوں نے نیوز کانفرنس میں کہا کہ بھارت کچھ کرتا ہے تو ہم مکمل طور پر تیار ہیں۔ اطلاعات ہیں کہ اسرائیلی مقبوضہ کشمیر میں اترے ہیں، بھارت کے حوالے سے پوری قوم متحد ہے۔
مزیدپڑھیں:’پاکستانیوں کو نکال رہے ہیں تو عدنان سمیع کا کیا ہوگا؟‘ سوال پر گلوکار کو مرچیں لگ گئیں
ذریعہ: Daily Ausaf
کلیدی لفظ: پاکستان میں دہشت گردی نے نیوز کانفرنس محسن نقوی نے وزیر داخلہ کہ پاکستان کہا کہ
پڑھیں:
محسن نقوی کی بنگلہ دیش اہم ملاقات، ویزا فری انٹری سمیت سیکیورٹی تعاون پر اہم پیشرفت
ڈھاکہ میں وفاقی وزیرداخلہ محسن نقوی نے بنگلہ دیش کے وزیر داخلہ لیفٹیننٹ جنرل (ر) جہانگیر عالم چودھری سے ملاقات کی۔
بنگلہ دیشی وزیر داخلہ نے وزارت داخلہ آمد پر پرتپاک خیرمقدم کیا اور محسن نقوی کو گارڈ آف آنرز پیش کیا گیا۔
یہ بھی پڑھیں:محسن نقوی نے بھارتی اعتراض رد کرتے ہوئے ایشین کرکٹ کونسل کا اجلاس بنگلہ دیش میں طلب کرلیا
ملاقات میں باہمی دلچسپی کے امور اور دوطرفہ تعلقات پر تبادلہ خیال کیا گیا۔
دونوں وزرائے داخلہ نے سفارتی و سرکاری پاسپورٹس پر ویزا فری انٹری کی سہولت دینے پر اصولی اتفاق کیا، جبکہ انٹرنل سکیورٹی، پولیس ٹریننگ، انسداد منشیات اور انسانی اسمگلنگ کے خلاف تعاون بڑھانے پر بھی بات چیت ہوئی۔
انسداد دہشت گردی کے لیے مشترکہ اقدامات اور پولیس اکیڈمیز میں ٹریننگ پروگرامز کے تبادلوں پر گفتگو کی گئی۔
بنگلہ دیشی وزیر داخلہ نے پاکستانی ہم منصب کا شکریہ ادا کرتے ہوئے ان کے دورے کو دوطرفہ تعلقات کے فروغ کیلئے اہم قرار دیا۔
دونوں ممالک کے درمیان تعاون کے فروغ کے لیے مشترکہ کمیٹی قائم کر دی گئی، جس کی سربراہی پاکستان کی جانب سے وفاقی سیکرٹری داخلہ خرم آغا کریں گے۔
بنگلہ دیش کا اعلیٰ سطحی وفد عنقریب سیف سٹی پراجیکٹ اور نیشنل پولیس اکیڈمی کا دورہ کرنے اسلام آباد آئے گا۔
ملاقات میں دونوں ممالک کے اعلیٰ حکام بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش جہانگیر عالم چودھری محسن نقوی وزیر داخلہ
یرغمالیوں کی رہائی اور غزہ جنگ بندی کے لیے حالات سازگار ہیں: اسرائیلی آرمی چیف