بھارتی فوج کی ظالمانہ کارروائی، مقبوضہ کشمیر میں درجن کے قریب گھر تباہ کردیے
اشاعت کی تاریخ: 27th, April 2025 GMT
بھارتی فوج نے مقبوضہ کشمیر اسرائیلی روش اختیار کرتے ہوئے معصوم شہریوں کے مکانات دھماکا خیر مواد سے تباہ کرنے شروع کردیے ہیں۔
یہ بھی پڑھیں: مقبوضہ کشمیر میں بھارتی فوج کی کارروائیاں، 2 ہزار سے زیادہ بے گناہ کشمیری گرفتار
کشمیر میڈیا سروس کے مطابق بھارتی فوج گزشتہ چند روز کے دوران مقبوضہ جموں و کشمیر میں کم از کم 11 مکانات کو دھماکا خیز مواد سے تباہ کرچکی ہے، دھماکہ خیز مواد سے گھروں کو تباہ کیے جانے سے اطراف کی عمارتیں اور مکانات بھی متاثر ہوتے ہیں۔
بھارتی فوج کی ظالمانہ کارروائیوں پر ناقدین کا کہنا ہے کہ بھارتی فوج، اسرائیلی فوج کی حکمت عملی کی نقل کرتے ہوئے کشمیریوں کے گھروں کو مسمار کررہی ہے تاکہ انہیں بے گھر کیا جاسکے اور بھارتی جبر کے خلاف مزاحمت کرنے والوں کا حوصلہ توڑا جاسکے۔
یہ بھی پڑھیں: مقبوضہ کشمیر کے ضلع اننت ناگ میں سیاحوں پر حملہ، دفتر خارجہ کا اظہار افسوس
مقبوضہ کشمیر کی سابق وزیر اعلیٰ محبوبہ مفتی نے بھارتی حکومت پر عام کشمیریوں کے گھر تباہ کرنے کا الزام عائد کرتے ہوئے کہا ہے کہ بھارت دہشتگردوں اور عام شہریوں میں فرق کرے، حکومت خود کو اُن بے گناہ افراد سے دور نہ کرے جو دہشتگردی کے خلاف ہیں۔
محبوبہ مفتی نے کہا کہ ہزاروں افراد گرفتار کیے گئے ہیں اور متعدد عام کشمیریوں کے گھروں کو دھماکوں سے اڑایا جارہا ہے، حکام یقینی بنائیں کہ بے گناہ افراد کے گھر نہ گرائے جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت بھارتی فوج تباہ دھماکا شہری محبوبہ مفتی مسمار مقبوضہ کشمیر مکانات وزیراعلی.ذریعہ: WE News
کلیدی لفظ: بھارت بھارتی فوج تباہ دھماکا محبوبہ مفتی مکانات وزیراعلی بھارتی فوج کے گھر فوج کی
پڑھیں:
اورکزئی ؛ کوئلے کی کان میں گیس بھر جانے سے دھماکا، 3 مزدور جاں بحق
ویب ڈیسک : خیبرپختونخوا کے ضلع اورکزئی میں کوئلے کی کان میں گیس بھر جانے کے باعث دھماکا ہوا، جس کے نتیجے میں 3 مزدور جاں بحق ہوگئے۔
اورکزئی پولیس کے مطابق حادثہ اورکزئی کے علاقے کریز میں واقعہ جنگل لیز مائن نمبر 3 میں پیش آیا، جہاں کوئلے کی کان میں اچانک گیس بھر جانے کی وجہ سے دھماکا ہوگیا، جس سے کان میں کام کرنے والے 3 مزدور دم گھٹنے سے جان کی بازی ہار گئے۔
پولیس کا کہنا ہے کہ حادثے کی اطلاع پر اورکزئی انتظامیہ اور پولیس نے اور دیگر اداروں نے مل کر ریسکیو آپریشن کیا، تینوں مزدوروں رحیم اللہ، اسلم خان اور شیر رحمان کی لاشیں کان سے باہر نکالیں۔
مرغی کی قیمت نے شہریوں کے ہوش اڑا دئیے
پولیس نے بتایا کہ مرنے والے مزدوروں کا تعلق ضلع شانگلہ سے ہے تاہم میتوں کو آبائی ضلع شانگلہ کے لیے روانہ کر دیا گیا۔
چیف جسٹس کی سربراہی میں کمیٹی کا اجلاس، لاپتا افراد کے معاملے پر گہری تشویش