مصری وزیر خارجہ کا ایرانی عوام کیساتھ اظہار یکجہتی
اشاعت کی تاریخ: 28th, April 2025 GMT
بدر عبد العاطی سے اپنی ایک ٹیلیفونک گفتگو میں ایرانی وزیر خارجہ کا کہنا تھا کہ اس وقت ضروری ہے کہ غزہ اور مغربی کنارے سے فلسطینیوں کی جبری نقل مکانی کے صیہونی منصوبے کو روکا جائے۔ اسلام ٹائمز۔ ایرانی وزیر خارجہ "سید عباس عراقچی" سے اُن کے مصری ہم منصب "بدر عبد العاطی" نے ٹیلیفونک گفتگو کی۔ اس موقع پر مصری وزیر خارجہ نے شہید رجائی پورٹ پر دھماکے کا نشانہ بننے والے افراد سے اظہار ہمدردی کیا اور زخمیوں کی جلد صحت یابی کے لئے دعا کی۔ اپنی گفتگو کے دوران بدر عبد العاطی نے صیہونی جرائم کو روکنے اور غزہ کی بے گناہ عوام تک انسانی امداد کی رسائی کے لئے مصر کی کوششوں سے ایرانی وزیر خارجہ کو آگاہ کیا۔ دوسری جانب سید عباس عراقچی نے غزہ میں خوراک اور ادویات کو روکنے اور اس کے ساتھ ساتھ بے گناہ لوگوں کے قتل کو انسانیت کی تاریخ میں ایک ایسا جرم قرار دیا جس کی ماضی میں مثال نہیں ملتی۔ انہوں نے کہا کہ فلسطینیوں کی نسل کشی اور اسرائیلی جرائم میں امریکہ و صیہونی رژیم کے حواری ملک برابر کے شریک ہیں۔ ایرانی وزیر خارجہ نے کہا کہ اس وقت ضروری ہے کہ غزہ اور مغربی کنارے سے فلسطینیوں کی جبری نقل مکانی کے صیہونی منصوبے کو روکا جائے۔ انہوں نے اِن انسانیت سوز جرائم پر عالمی برادری کی خاموشی کو حیرت انگیز قرار دیا۔ آخر میں سید عباس عراقچی نے اپنے مصری ہم منصب کو امریکہ کے ساتھ ہونے والے غیر مستقیم مذاکرات میں تازہ ترین پیش رفت سے آگاہ کیا۔
.ذریعہ: Islam Times
کلیدی لفظ: ایرانی وزیر خارجہ
پڑھیں:
کوئٹہ، فلسطینی عوام سے اظہار یکجہتی کیلئے شٹرڈاؤن ہڑتال، دکانیں بند
سیاسی جماعتوں اور تاجر تنظیموں کی شٹرڈاؤن ہڑتال کی کال پر آج کوئٹہ و دیگر شہروں میں کاروبار اور دکانیں بند رہیں۔ اسلام ٹائمز۔ بلوچستان کے صوبائی دارالحکومت کوئٹہ سمیت مختلف شہروں میں فلسطینی عوام سے اظہار یکجہتی کیلئے مختلف سیاسی جماعتوں اور تاجر تنظیموں کی جانب سے شٹرڈاؤن ہڑتال کی گئی۔ اس موقع پر تاجروں نے اپنی دکانیں، مارکیٹس، بازار اور کاروبار بند کرکے فلسطین بلخصوص غزہ کے مظلوم عوام سے ہمدردی اور حمایت کا اظہار کیا۔ سیاسی، سماجی اور تاجر تنظیموں کی جانب سے شٹرڈاون ہڑتال کی مکمل حمایت کی گئی۔ صوبائی دارالحکومت سمیت صوبے کے مختلف شہروں میں شٹرڈاؤن ہڑتال جاری ہے۔
ڈیرہ اسماعیل خان، ڈیرہ جات جیپ ریلی نادر مگسی نے جیت لی