سویڈن؛ ہیئرسیلون میں فائرنگ سے 3 افراد ہلاک
اشاعت کی تاریخ: 30th, April 2025 GMT
UPPSALA:
سویڈن کے شہر اپسالا میں واقع ہیئر سیلون میں فائرنگ سے 3 افراد ہلاک ہوگئے۔
غیرملکی خبرایجنسی رائٹرز کی رپورٹ کے مطابق پولیس نے مقامی میڈیا کو بتایا کہ اپسالا میں ہونے والی فائرنگ سے 3 افراد ہلاک ہو گئے ہیں، جس کی تفتیش شروع کردی گئی ہے اور مشتبہ شخص کی تلاش جاری ہے۔
سویڈن کے وزیر انصاف گونر اسٹرومر کا کہنا تھا کہ وزارت انصاف کا پولیس سے رابطہ ہے اور کیس کے حوالے سے پیش رفت کی قریب سے نگرانی کی جا رہی ہے۔
گونر اسٹرومر نے کہا کہ اپسالا کے وسطی علاقے میں فائرنگ میں یہ واقعہ پیش آیا ہے، یہ وہی جگہ ہے کہاں اپسالا کے شہریوں نے والپرگس نائٹ شروع کرچکے ہیں اور جو واقعہ پیش آیا ہے وہ انتہائی تشویش ناک ہے۔
اس سے قبل پولیس نے بتایا تھا کہ انہیں عام شہریوں کی جانب سے اطلاع ملی تھی جنہیں فائرنگ کی آواز آئی تھی، جس کے بعد ایمرجنسی سروس کے اہلکاروں کو اس طرف بھیج دیا گیا تھا۔
تفتیش کاروں نے بیان میں تصدیق کی ہے کہ فائرنگ کے نتیجے میں 3 افراد کی ہلاکت ہوئی ہے اور پولیس اس کی تفتیش قتل عام کے طور پر کر رہی ہے۔
سویڈن کے مقامی میڈیا نے بتایا کہ فائرنگ کا واقعہ ہیئرسیلون میں یا پھر قریب ہی پیش آیا ہے، عینی شاہدین نے بتایا کہ ہم نے 5 فائر کی آوازیں سنی اور لوگوں کو محفوظ جگہ کی تلاش میں دوڑتے ہوئے دیکھا۔
یاد رہے سویڈن میں رواں برس فروری میں ایک تعلیمی ادارے میں فائرنگ کا بدترین واقعہ پیش آیا تھا، جس میں 10 افراد ہلاک ہوگئے تھے۔
سویڈن کے شہر اوریبرو میں پیش آنے والے مذکورہ واقعے کو ملک میں شہریوں پر فائرنگ کا بدترین واقعہ قرار دیا گیا تھا، جہاں 35 سالہ ایک ملازم نے طلبہ اور اساتذہ پر فائر کھول دیا تھا۔
.ذریعہ: Express News
کلیدی لفظ: میں فائرنگ افراد ہلاک سویڈن کے پیش آیا
پڑھیں:
بھلوال میں پرانی دشمنی پر مخالفین کی فائرنگ سے 3 افراد قتل
— فائل فوٹوبھلوال میں پرانی دشمنی پر مخالفین کی فائرنگ سے 3 افراد قتل جبکہ خاتون سمیت 2 افراد زخمی ہوگئے۔
پولیس کے مطابق نواحی علاقے سالم میں ڈیرے پر سوئے افراد پر مخالفین نے فائرنگ کردی جس کے نتیجے میں باپ بیٹے سمیت 3 افراد جاں بحق ہوگئے۔
پولیس نے بتایا کہ ملزمان نے مقدمے کی رنجش پر نوجوان کو قتل کیا۔
زخمیوں کو طبی امداد کےلیے اسپتال منتقل کردیا گیا ہے۔
پولیس کا کہنا ہے کہ واقعہ پرانی دشمنی کا شاخسانہ ہے جبکہ ملزمان کی گرفتاری کیلئے چھاپے مارے جارہے ہیں۔
ملک بھر میں عیدالاضحیٰ آج مذہبی عقیدت و احترام کے ساتھ منائی جا رہی ہے