ابوظہبی میں خودکار روبوٹیکسی سروس، 2026 میں مکمل آغاز کا منصوبہ
اشاعت کی تاریخ: 30th, April 2025 GMT
ابوظہبی میں خودکار روبوٹیکسی سروس کےآزمائشی مرحلہ کو توسیع دیتے ہوئے 2026 میں باضابطہ طور میں اس کے مکمل آغاز کا اعلان کیا گیا ہے۔
یہ بھی پڑھیں:اڑن کھٹولا یا فضائی ٹیکسی، بوستان کے رہائشی کار مکینک نے سب کو حیران کردیا
امارات نیوز ایجنسی وام کے مطابق محکمہ بلدیات و ٹرانسپورٹ سے منسلک ادارہ انٹیگریٹڈ ٹرانسپورٹ سینٹر (ابوظہبی موبیلیٹی) نے آٹوگو (کنٹسوجی ہولڈنگ کی ذیلی کمپنی) اور اپالو گو (چین کی کمپنی بائیڈو کی ذیلی کمپنی) کے تعاون سے خودکار روبوٹیکسی سروس کو مزید وسعت دی ہے۔
یہ آزمائشی مرحلہ 2026 میں اس سروس کے مکمل آغاز کی تیاریوں کا حصہ ہے، جو ابوظہبی کے اسمارٹ اور مؤثر نقل و حمل کے وژن کے مطابق ہے۔
چھٹی نسل کی روبوٹیکسی گاڑیوں (آر ٹی 6) کو اس انداز میں تیار کیا گیا ہے کہ وہ مصنوعی ذہانت سے چلنے والے جدید نظام کے ذریعے درست سمت میں نیوی گیشنز کر سکیں اور سڑک کی حقیقی صورتحال کے مطابق فوری ردعمل دے سکیں۔
یہ منصوبہ ابوظہبی موبیلیٹی کی اس وسیع حکمت عملی کا حصہ ہے جس کا مقصد حقیقی دنیا کے حالات میں سروس کی کارکردگی کا جائزہ لے کر اسے بتدریج وسعت دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2026 ابو ظہبی ربو ٹیکسی.
ذریعہ
ذریعہ: WE News
کلیدی لفظ: ربو ٹیکسی
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع