پاکستان کیخلاف مہم جوئی سے انکار کی سزا؛ مودی نے ناردرن کمانڈر کو عہدے سے ہٹا دیا
اشاعت کی تاریخ: 30th, April 2025 GMT
بھارتی فوج کے ناردرن کمانڈ کے سربراہ لیفٹیننٹ جنرل ایم وی سچندر کمار کو عہدے سے ہٹانے کی وجہ سامنے آگئی۔
بھارتی میڈیا کے مطابق پہلگام واقعے کے بعد ناردرن کمانڈ کے سربراہ لیفٹیننٹ جنرل ایم وی سچندر کمار کو عہدے سے ہٹا کر ان کی جگہ لیفٹیننٹ جنرل پراتک شرما کو تعینات کیا گیا تھا۔
مودی سرکار کی بھارتی فوج کے کمان میں تبدیلی کی وجہ صرف یہ تھی کہ لیفٹیننٹ جنرل ایم وی سچندر کمار نے پاکستان پر حملہ کرنے کا حکم ماننے سے انکار کردیا تھا۔
ذرائع کے مطابق لیفٹیننٹ جنرل ایم وی سچندر کمار کا یہ بھی کہنا تھا کہ یہ وقت مناسب نہیں اور اس طرح جنگ چھیڑنے کا بڑا خمیازہ بھگتنا پڑے گا۔
ناردرن کمانڈ کے سربراہ ایم وی سچندر کمار نے نہ صرف پاکستان پر حملے کی پالیسی سے گریز کیا بلکہ پہلگام واقعے کے بعد اس کا الزام بھی پاکستان پرعائد نہیں کیا تھا۔ یہ بات مودی سرکار کو بری لگی تھی۔
جس کے بعد بھارتی حکومت نے انٹیلیجنس اور سیکیورٹی ناکامی کا سارا ملبہ لیفٹیننٹ جنرل کمار پر ڈال دیا تھا۔
.
ذریعہ: Express News
پڑھیں:
لینے کے دینے پڑ گئے؛ مودی کی لوک سبھا میں آپریشن سندور کی خفت مٹانے کی ناکام کوشش
لوک سبھا میں اپوزیشن جماعتوں کے ارکان اسمبلی نے بھارتی وزیرِ اعظم کے آپریشن سندور میں ناکامی کے ثبوت پیش کرتے ہوئے مودی کو آڑے ہاتھوں لے لیا۔
بھارتی وزیر اعظم نریندر مودی اپوزیشن رہنماؤں کے ٹھوس دلائل اور ناقابل تردید شواہد کا تو جواب نہ دے سکے لیکن آپریشن سندور پر روایتی جھوٹ کے انبار لگا دیے۔
امریکی صدر اور عالمی میڈیا کی بارہا تصدیق کے باوجود مودی نے آپریشن سندور کا حقیقی انجام عبرت ناک شکست ماننے سے انکار کردیا۔
آپریشن سندور پر جاری لوک سبھا اجلاس میں نریندر مودی کا کہنا تھا کہ دنیا کے کسی بھی رہنما نے بھارت سے آپریشن روکنے کا مطالبہ نہیں کیا تھا۔
نریندر مودی نے کہا کہ 9 مئی کی رات کو امریکی نائب صدر نے مجھ سے 3 سے 4 بار رابطہ کرنے کی کوشش کی۔
امریکی نائب صدر نے خبردار کیا کہ پاکستان کی طرف سے بڑا حملہ ہو سکتا ہے جس پر میں نے کہا تھا کہ حملہ ہوا تو ہمارا جواب اُس سے کہیں بڑا ہوگا۔
نریندر مودی نے ایک اور بے بنیاد بڑھک ماری کہ میں نے امریکی نائب صدر کو جواب دا کہ ہم گولی کا جواب توپ سے دیں گے۔
بھارتی وزیراعظم نے ایک اور سفید جھوٹ بولا کہ 9 اور 10 مئی کی درمیانی رات کو ہم نے پاکستان کی طاقت تباہ کر دی تھی۔
نریندر مودی نے مزید کہا کہ آج پاکستان کو اندازہ ہو گیا کہ بھارت کا ہر جواب پہلے سے کہیں زیادہ غیر متوقع ہوتا ہے۔
بھارتی وزیراعظم نے ایک اور بڑھک ماری کہ اگر آئندہ ضرورت پیش آئی تو پاکستان کو جواب دینے کے لیے کسی بھی حد تک جا سکتے ہیں۔
نریندر مودی نے کہا کہ میں ایک بار پھر دہرانا چاہتا ہوں، آپریشن سندور اب بھی جاری ہے۔ پاکستان نے دوبارہ غلطی کی تو منہ توڑ جواب دیا جائے گا۔
یاد رہے کہ بھارتی جارحیت کے جواب میں پاکستان کے آپریشن بنیان المرصوص نے مودی کا جنگی جنون زمین بوس کر دیا تھا۔
جس کی تصدیق امریکی جریدے واشنگٹن پوسٹ اور نیو یارک ٹائمز نے بھی کی تھی۔ بی بی سی کے ریجنل ایڈیٹر اینبرسن اتھر جان نے بھی پاکستان کی دفاعی برتری کا اعتراف کیا تھا۔
اربعین پالیسی 2025 ایران کی زائرین کے لیے خدمات قابل تحسین ہیں۔ خواجہ رمیض حسن