ایران میں موساد ایجنٹ کو پھانسی دیدی گئی
اشاعت کی تاریخ: 30th, April 2025 GMT
محسن لنگرنشین کو موساد کے ساتھ تعاون اور 2022ء میں سپاہ پاسداران انقلاب کے رکن کرنل حسن صیاد خدائی کے قتل میں آپریشنل اور تکنیکی مدد فراہم کرنے پر مجرم قرار دیا گیا تھا۔ اسلام ٹائمز۔ ایران میں موساد کے ایجنٹ کو پھانسی دیدی گئی۔ ایران کی عدلیہ نے موساد ایجنٹ کی پھانسی سے آگاہ کیا جنہیں صیہونی رژیم کے لیے جاسوسی کے جرم میں سزا سنائی گئی تھی۔ مہر نیوز ایجنسی رپورٹ کے مطابق، ایران کی عدلیہ نے موساد کے ایجنٹ محسن لنگرنشین کی پھانسی سے آگاہ کیا جنہیں صیہونی رژیم کے لیے جاسوسی کے جرم میں سزا سنائی گئی تھی۔ لنگرنشین کو موساد کے ساتھ تعاون اور 2022ء میں سپاہ پاسداران انقلاب کے رکن کرنل حسن صیاد خدائی کے قتل میں آپریشنل اور تکنیکی مدد فراہم کرنے پر مجرم قرار دیا گیا تھا۔ نیو یارک ٹائمز کی رپورٹ کے مطابق اسرائیلی حکومت نے کرنل خدائی کے قتل میں ہاتھ ہونے کا اعتراف کیا تھا۔لنگرنشین کو اکتوبر 2020ء میں موساد نے بھرتی کیا اور انہوں نے خفیہ ٹریننگ کے بعد جنوری 2021 میں اپنا پہلا مشن انجام دیا۔ ایرانی حکام نے کہا کہ لنگرنشین کا ایران سے بیرون ملک موساد کے اعلیٰ عہدیداروں اور کارندوں کے ساتھ قریبی رابطہ تھا۔
.ذریعہ: Islam Times
کلیدی لفظ: موساد کے
پڑھیں:
اسرائیلی حملے کا خطرہ برقرار ہے، ایرانی آرمی چیف
ایرانی فوج کے سربراہ جنرل امیر حاتمی نے کہا ہے کہ اسرائیلی حملے کا خطرہ بدستور برقرار ہے لیکن میزائل اور ڈرون بھی تیار ہیں۔
جنرل حاتمی نے کہا کہ اگر دشمن کا خطرہ صرف ایک فیصد بھی ہو، تو اسے سو فیصد سمجھا جانا چاہیے۔ ہمیں دشمن کو کمزور نہیں سمجھنا چاہیے اور ممکنہ خطرات کو نظر انداز نہیں کرنا چاہئے۔
انہوں نے کہا کہ ایرانی میزائل اور ڈرون طیارے اسرائیل کے خلاف جوابی کارروائیوں کے لیے پہلے کی طرح تیار ہیں۔
ایران نے ڈیڑھ ماہ قبل بھی اسرائیلی بمباری کے شروع ہونے کے بعد اسرائیل کے طول و عرض میں ڈرونز کے علاوہ بیلیسٹک میزائلوں سے سخت جواب دیا تھا۔ ایرانی جواب اسرائیلی اور اس کے سب اتحادیوں کے لیے حیران کن رہا تھا۔
پچھلے ماہ اسرائیلی وزیر دفاع کاٹز نے ایک بار پھر انتباہ کیا تھا کہ اگر ایران نے اسرائیل کیلئے کوئی خطرہ بننے کی کوشش کی تو پھر سے ایران پر حملہ کر دیا جائے گا۔
ایف بی آر میں عالمی معیار کے ڈیجیٹل ایکو سسٹم کی تشکیل کی منظوری دیدی گئی