اسرائیلی فوج کے غزہ پر حملے جاری، مزید 40فلسطینی شہید
اشاعت کی تاریخ: 2nd, May 2025 GMT
غزہ(اردوپوائنٹ اخبارتازہ ترین-انٹرنیشنل پریس ایجنسی۔ 02 مئی ۔2025 )اسرائیلی فوج کی جانب سے غزہ پر جاری حملوںکے نتیجے میں گزشتہ 24گھنٹوں کے دوران مزید 40فلسطینی شہید ہوگئے دوسری جانب اسرائیل نے شام میں صدارتی محل کے قریب ڈرون حملہ کیا جس میں دمشق کے نواح میں شامی فورسز کو نشانہ بنایا گیا. عرب نشریاتی ادارے کے مطابق اسرائیلی فوج کے بے گھر فلسطینیوں پر حملے جاری ہیں جس کے نتیجے میں 24 گھنٹوں میں مزید 40 سے زیادہ فلسطینی شہید ہوگئے رپورٹ کے مطابق اسرائیل کی جانب سے غزہ میں کھانے پینے کے سامان اور امداد کی بندش تیسرے ماہ میں داخل ہوگئی ہے جس سے لوگوں کی مشکلات میں مزید اضافہ ہوتا جارہا ہے.
(جاری ہے)
دوسری جانب اسرائیل کی فضائیہ نے شام کے صدارتی محل کے قریب ایک علاقے کو ڈرون حملے کا نشانہ بنایا ہے امریکی ادارے کے مطابق اس حملے سے قبل اسرائیل نے شامی حکام کو خبردار کیا تھا کہ وہ جنوبی شام میں اقلیتی فرقے کے آباد دیہاتوں کی طرف جانے سے گریز کریں رپورٹ کے مطابق جمعے کے دن کے آغاز پر یہ حملہ دارالحکومت دمشق کے قریب دروز اقلیتی فرقے سے تعلق رکھنے والے جنگجوں اور شامی حکومت کے حامی بندوق برداروں کے درمیان کئی دنوں کی جھڑپوں کے بعد کیا گیا ہے. ان جھڑپوں میں درجنوں افراد ہلاک یا زخمی ہوئے ہیں اسرائیلی فوج نے ایک بیان میں کہا کہ لڑاکا طیاروں نے دمشق میں صدر حسین الشارع کے محل سے ملحقہ علاقے کو نشانہ بنایا تاہم اس حملے کی مزید تفصیلات نہیں بتائیں. حکومت کے حامی شامی ذرائع ابلاغ کا کہنا ہے کہ یہ حملہ دمشق شہر سے نظر آنے والی پہاڑی پر پیپلز پیلس کے قریب کیا گیا دروز مذہبی فرقہ ایک اقلیتی گروہ ہے جس کا آغاز 10ویں صدی میں شیعہ اسلام کی شاخ اسماعیلی سے ایک الگ شاخ کے طور پر ہوا دنیا بھر میں تقریبا 10 لاکھ دروز میں سے نصف سے زیادہ شام میں رہتے ہیں زیادہ تر دیگر دروز لبنان اور اسرائیل میں رہتے ہیں دروز کمیونٹی گولان کی پہاڑیوں میں بھی آباد ہے جسے اسرائیل نے 1967 کی مشرق وسطی کی جنگ میں شام سے قبضہ کر لیا تھا اور 1981 میں اپنے ساتھ الحاق کر لیا تھا. شام میں زیادہ تر دورز کمیونٹی جنوبی صوبہ سویدا اور دمشق کے مضافات میں آباد ہے اسرائیلی وزیراعظم نیتن یاہو نے حملے کو شامی حکومت کے لیے پیغام قرار دے دیتے ہوئے کہا کہ دروز کمیونٹی کے خلاف کوئی خطرہ یا فورسز بھیجنے کی اجازت نہیں دیں گے.
ذریعہ: UrduPoint
کلیدی لفظ: تلاش کیجئے اسرائیلی فوج کے مطابق کے قریب
پڑھیں:
شیخانی پولیس چوکی پر ڈاکوئوں کاحملہ، 5 اہلکار شہید، 2 زخمی،ایک ڈاکو ہلاک
صادق آباد میں شیخانی پولیس چوکی پر ڈاکوئوں کے حملے میں 5 اہلکار شہید اور2 زخمی ہوگئے،ایک ڈاکو بھی ماراگیا ۔ ترجمان پولیس صاد ق آباد کے مطابق رحیم یارخان کی شیخانی پولیس چوکی پر ڈاکوئوں کی جانب سے حملہ کیا گیا جس میں 5 پولیس اہلکار شہید اور 2 زخمی ہوگئے ، فائرنگ کے تبادلے میں ایک ڈاکو بھی مارا گیا۔پولیس کے مطابق شہیداہلکاروں میں محمد عرفان ، محمد سلیم اور محمد خلیل، کانسٹیبل نخیل،غضنفر عباس شامل ہیں ،شہید ہونے والے 2 اہلکاروں کا تعلق رحیم یارخان جبکہ 3 کا تعلق بہاول نگر سے ہے ۔ پولیس چوکی پرڈاکوئوں کے حملے میں شہید 5 پولیس اہلکاروں کی لاشیں شیخ زید ہسپتال منتقل کردی گئیں۔پولیس اور ڈاکوئوں کے درمیان دو طرفہ فائرنگ کے تبادلے میں ایک ڈاکو ہلاک ہوگیا، حملے کے بعد پولیس کی بھاری نفری کا کرائم کنٹرول ڈیپارٹمنٹ ،ایلیٹ فورس کے ہمراہ بھاری ہتھیاروں سے مقابلہ جاری ہے، پولیس کی شیخانی پوسٹ پر حملہ کے بعد ڈی پی او عرفان علی سموں بھاری نفری کے ہمراہ موقع پر پہنچ گئے، پولیس حملہ کر کے فرار ہونے والے ڈاکوئوں سے مقابلہ اور تعاقب جاری رکھے ہوئے ہے ۔ ڈی پی او عرفان علی سموں نے کہا کہ پولیس ڈاکوئوں کے خلاف بھاری ہتھیار اور بکتر بند گاڑیاں استعمال کر رہی ہے، ڈاکوئوں کو بزدلانہ حملہ کا خمیازہ بھگتنا پڑے گا، ڈاکو ریاست اور قانون سے بالاتر نہیں ہو سکتے، ڈاکوئوں کو کیفر کردار تک پہنچا کر دم لیں گے۔ دوسری جانب شیخانی پولیس چوکی پر کچے کے ڈاکوئوں کے حملے میں 5 ایلیٹ اہلکاروں کی شہادت کے معاملے پر آئی جی پنجاب پولیس ڈاکٹر عثمان انور نے نوٹس لے لیا ، آر پی او بہاولپور سے رپورٹ طلب کر لی، آئی جی پنجاب نے ڈی پی او رحیم یار خان کو فائرنگ میں ملوث ڈاکوئوں کی فوری گرفتاری کا حکم دے دیا ،آئی جی پنجاب نے شہریوں کی جان و مال کی حفاظت کے دوران شہادت کا رتبہ پانے والے ایلیٹ فورس اہلکاروں کی عظیم قربانی کو خراج عقیدت پیش کیا ہے ۔آئی جی پنجاب عثمان انورنے کہا کہ ڈاکوئوں نے رات کی تاریکی کا فائدہ اٹھا کر چھپ کر بزدلانہ حملہ کیا، پنجاب پولیس کا مورال بلند، بزدلانہ کارروائیاں جانیں قربان کرنے والی پولیس فورس کا مورال پست نہیں کر سکتیں، کچے کے ڈاکوئوں کے خلاف پولیس آپریشن بھرپور طاقت سے جاری رہے گا۔
مٹھی بھر دہشتگرد بلوچستان اور پاکستان کی ترقی نہیں روک سکتے، ڈی جی آئی ایس پی آر