بنگلا دیش اور پاکستان کے درمیان ثقافتی تعاون کو مضبوط بنانے کا عزم
اشاعت کی تاریخ: 4th, May 2025 GMT
کراچی میں بنگلا دیشی ڈپٹی ہائی کمیشن میں بنگالی نیا سال منایا گیا۔
بنگلا دیشی ڈپٹی ہائی کمیشن کراچی نے 03 مئی 2025 کو اپنے دفتر میں بنگالی نیا سال پویلا بوئشاکھ 1432 منایا۔ اس موقع پر ایک رنگا رنگ شام منعقد کی گئی جس میں بنگلا دیش کے فن، ثقافت، روایات، تہوار اور کھانوں کو اجاگر کیا گیا۔
اس تہوار میں ترکی، جاپان، ملائیشیا، سری لنکا کے قونصل جنرلز، ویتنام کے ٹریڈ آفیسر، برطانوی ڈپٹی ہیڈ آف مشن، ارکان پارلیمنٹ، مختلف ممالک کے آنریری قونصل جنرلز، سرکاری و اقوام متحدہ کے حکام، صحافی، کاروباری رہنما، ماہرین تعلیم، کالم نگار، ثقافتی کارکنوں سمیت خواتین و بچوں نے بھرپور شرکت کی۔
تقریب میں ثقافتی روابط، عوامی سطح پر رابطوں، ثقافتی گروپوں کے تبادلے اور سیاحت کو فروغ دینے پر زور دیا گیا۔
کراچی میں بنگلا دیش کے ڈپٹی ہائی کمشنر ایس ایم محبوب عالم نے ثقافت سمیت مختلف شعبوں میں دو طرفہ تعلقات کو مضبوط بنانے کے لیے کی گئی کوششوں کو دہرایا۔
اس موقع پر مشن کی جانب سے بنگلا دیش کی ثقافتی تاریخ کو اجاگر کیا گیا۔ بنگالی موسیقی، گرمجوش مہمان نوازی، دیہی زندگی کی رنگین جھلکیاں اور تہواروں نے شرکاء کو بے حد متاثر کیا۔
یہ جشن نہ صرف بنگلا دیش کی بھرپور ثقافت، روایات اور ورثے کو اجاگر کرنے کا ذریعہ بنا بلکہ پاکستان اور بنگلا دیش کے درمیان ثقافتی روابط کو فروغ دینے، عوامی سطح پر رابطے بڑھانے اور دو طرفہ تعلقات کو مضبوط بنانے کی اہمیت پر بھی روشنی ڈالی۔
.ذریعہ: Express News
پڑھیں:
پاکستان اور ایران کے درمیان 13 معاہدوں اور مفاہمتی یادداشتوں پر دستخط
اسلام آباد(ڈیلی پاکستان آن لائن) ایرانی صدر مسعود پزشکیان کے دورہ پاکستان کے دوران پاکستان اور ایران کے درمیان 13 معاہدے اور مفاہمت کی یادداشتیں طے پا گئی ہیں۔
نجی ٹی وی چینل دنیا نیوز کے مطابق وزیراعظم ہاؤس میں معاہدوں اور مفاہمتی یادداشتوں پر دستخط اور دستاویزات کے تبادلے کی خصوصی تقریب ہوئی جس میں وزیراعظم شہباز شریف، کابینہ کے ارکان اور ایرانی صدر مسعود پزشکیان اپنے وفد کے ساتھ شریک ہوئے۔
پاکستان اور ایران نے سائنس و ٹیکنالوجی اور انفارمیشن ٹیکنالوجی کے شعبوں میں علیحدہ علیحدہ معاہدوں کی دستاویزات کا تبادلہ کیا، سیاحت، ثقافت اور ورثہ کے تبادلے کے لیے معاہدہ بھی طے پایا جبکہ میٹرالوجی، موسمیاتی تبدیلیوں اور قدرتی آفات سے نمٹنے کے شعبے میں تعاون پر بھی معاہدے پر دستخط ہوئے۔
سندھ حکومت کا بجلی صارفین کو مفت سولر سسٹم دینے کا فیصلہ
میری ٹائم سیفٹی اینڈ فائر فائٹنگ کے شعبے میں تعاون، عدالتی معاونت اور اصلاحات کے حوالے سے بھی ایم او یو پر دستخط کیے گئے، سال 2013 میں طے پانے والے ایئر سیفٹی معاہدے کے ذیلی ایم او یو کی دستاویز کا تبادلہ بھی کیا گیا۔
مصنوعات کے معیارات پر عملدرآمد کے معاہدے کے لیے ایم او یو پر بھی دستخط ہوئے، سیاحتی اور ثقافتی تعاون کے شعبے میں معاہدے کے علاوہ دونوں ممالک کے درمیان فری ٹریڈ ایگریمنٹ پر عملدرآمد کے لیے مشترکہ اسٹیٹمنٹ کی تیاری کے لیے بھی معاہدہ کیا گیا۔
معروف ہالی ووڈ اسٹار نے وزن کم کرنے کیلئے اوزیمپک کے استعمال کا اعتراف کرلیا