پاکستان کے خلاف ٹی 20 سیریز کے لیے بنگلا دیشی اسکواڈ کا اعلان
اشاعت کی تاریخ: 5th, May 2025 GMT
ڈھاکا:
بنگلہ دیش کرکٹ بورڈ (بی سی بی) نے متحدہ عرب امارات اور پاکستان کے خلاف ٹی ٹوئنٹی سیریز کے لیے 16 رکنی اسکواڈ کا اعلان کردیا۔
وکٹ کیپر بلے باز لٹن داس کو باضابطہ طور پر ٹی ٹوئنٹی ٹیم کا کپتان مقرر کردیا گیا ہے۔ وہ نجم الحسن شانتو کی جگہ ٹیم کی قیادت کریں گے جنہوں نے رواں سال کے آغاز میں کپتانی سے استعفیٰ دے دیا تھا، آف اسپنر مہدی حسن اسکواڈ میں نائب کپتان کے طور پر شامل ہیں۔
لٹن داس نے گزشتہ برس دسمبر میں شانتو کے انجرڈ ہونے پر ویسٹ انڈیز کے خلاف تین میچز پر مشتمل ٹی ٹوئنٹی سیریز میں بھی ٹیم کی قیادت کی تھی، 30 سالہ لٹن داس ایک ٹیسٹ، سات ون ڈے اور چار ٹی ٹوئنٹی میچز میں بنگلہ دیش کی قیادت کر چکے ہیں۔
حال ہی میں لٹن داس پاکستان سپر لیگ (پی ایس ایل) 10 میں کراچی کنگز کا حصہ تھے تاہم تربیت کے دوران انگلی کی چوٹ لگنے کے باعث وہ لیگ سے باہر ہوگئے تھے۔
نجم الحسن شانتو ان پانچ کھلاڑیوں میں شامل ہیں جو اسکواڈ میں واپس آئے ہیں۔ دیگر واپسی کرنے والے کھلاڑیوں میں توحید ہردوئے، تنویر اسلام، مستفیض الرحمان اور شرف الاسلام شامل ہیں۔
واضح رہے کہ بنگلہ دیش پہلے متحدہ عرب امارات کا دورہ کرے گا جہاں 17 اور 19 مئی کو شارجہ میں دو ٹی ٹوئنٹی میچز کھیلے جائیں گے۔ اس کے بعد بنگلہ دیشی ٹیم پاکستان روانہ ہوگی جہاں وہ 25 مئی سے 3 جون تک پانچ میچوں پر مشتمل سیریز کھیلے گی۔
بنگلہ دیش کا ٹی ٹوئنٹی اسکواڈ:
لٹن داس (کپتان)، تنزید حسن، پرویز حسین، سومیہ سرکار، نجم الحسن شانتو، توحید ہردوئے، شمیع حسین، جاکر علی، رشاد حسین، مہدی حسن (نائب کپتان)، تنویر اسلام، مستفیض الرحمان، حسن محمود، تنزیم حسن سقیب، ناہید رانا اور شرف الاسلام۔
.
ذریعہ
ذریعہ: Express News
کلیدی لفظ: بنگلہ دیش ٹی ٹوئنٹی لٹن داس
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ