مودی حکومت کی ہٹ دھرمی، پاکستانی خاندان بھارت چھوڑنے پر مجبور
اشاعت کی تاریخ: 6th, May 2025 GMT
نئی دہلی(اُردو پوائنٹ اخبارتازہ ترین - این این آئی۔ 06 مئی2025ء) پہلگام فالس فلیگ حملے کے بعد بھارت میں پاکستانی نژاد خاندانوں کے خلاف حکومتی کارروائیوں میں شدت آ گئی ہے۔ بھارتی ٹی وی کے مطابق مودی حکومت کی جانب سے بھارت میں گزشتہ 15 سال سے جموں میں مقیم ایک پاکستانی نژاد کشمیری خاندان کو ملک چھوڑنے کا حکم دے دیا گیا۔خاتون شہری نے میڈیا سے گفتگو میں کہا کہ ہمیں بھارت سے نہیں بلکہ اپنے گھروں سے نکالا جا رہا ہے۔
دو معصوم بچوں کی تعلیم اور مستقبل تباہ کر کے ہمیں زبردستی ملک بدر کیا جا رہا ہے۔ انہوں نے سوال اٹھایا کہ اگر زمین تنگ کر دی گئی ہے تو کم از کم شوہر اور بچوں کو بھی ساتھ جانے کی اجازت دی جائے۔ خاتون نے کہا کہ "ہم پر صرف پاکستانی ہونے کا الزام ہے، کیا یہ انسانیت ہی"خاتون نے پہلگام حملے کے پس منظر میں کہا کہ "حملہ آور نہ ہندو تھے نہ مسلمان، وہ صرف جاہل اور شدت پسند تھے۔(جاری ہے)
" انہوں نے امید ظاہر کی کہ پاکستان انہیں قبول کرے گا اور وہاں وہ محفوظ اور پرامن زندگی گزار سکیں گے۔سیاسی تجزیہ کاروں نے مودی حکومت کے اس فیصلے کو غیر انسانی اور متعصبانہ قرار دیا ہے اور کہا ہے کہ مودی سرکار کی مسلم دشمن پالیسی اب معصوم خاندانوں کی جبری ہجرت کا باعث بن رہی ہے، جو عالمی سطح پر بھارت کے کردار کو مشکوک بنا رہی ہے۔.ذریعہ: UrduPoint
کلیدی لفظ: تلاش کیجئے
پڑھیں:
مودی سرکار کا جنگی جنون بے قابو، خطے کا امن خطرے میں ڈالنے کی نئی کوششیں بے نقاب
ہندوتوا کے نظریے پر گامزن بھارتی حکومت کے جنگی عزائم ایک بارپھرکھل کرسامنے آگئے ہیں، انتہا پسند مودی سرکار نے اپنے عسکری جنون کی ایک اورجھلک دکھاتے ہوئے انڈین آرمی کو بھاری جنگی سازوسامان سے لیس کرنے کی تازہ کارروائیوں کا آغاز کردیا ہے۔
بھارتی میڈیا کے مطابق انڈین آرمی نے 212 عدد 50 ٹن وزنی ٹینک ٹرانسپورٹر ٹریلرز کی خریداری کے لیے 224 کروڑ روپے مالیت کا معاہدہ کیا ہے، یہ معاہدہ ’آتم نربھربھارت‘ یعنی خود انحصار بھارت کے نام نہاد منصوبے کے تحت اینجسکیڈس ایروسپیس کمپنی کے ساتھ کیا گیا ہے۔
یہ بھی پڑھیں:بھارت کا جنگی جنون، پاکستانی مسلح افواج اور قوم کا دندان شکن جواب تیار
یہ ٹریلرزجدید ہائیڈرولک اورپنیومیٹک لوڈنگ ریمپس سے لیس ہیں اورانہیں بھاری ٹینکوں اورجنگی گاڑیوں کی تیز رفتاراورمحفوظ نقل و حرکت کے لیے تیار کیا گیا ہے۔ تجزیہ کاروں کے مطابق یہ اقدام بھارت کی جنگی تیاریوں میں غیر معمولی تیزی کا مظہر ہے، جو نہ صرف پاکستان بلکہ خطے کے دیگر ہمسایہ ممالک کے لیے بھی سنگین خطرے کی گھنٹی ہے۔
دوسری جانب، مودی حکومت کی جانب سے نوجوانوں کو عسکری ذہنیت اپنانے پر آمادہ کرنے کی خطرناک کوششیں بھی سامنے آئی ہیں۔ بھارتی میڈیا نے انکشاف کیا ہے کہ انڈین آرمی نے لداخ میں نیشنل کیڈٹ کور کے کیڈٹس کے لیے آرمی اٹیچمنٹ اورتربیتی کیمپ کا انعقاد کیا۔
مزید پڑھیں:بھارت میں جنگی جنون عروج پر، ریاستِ بہار میں بلیک آؤٹ اور جنگی ڈرل کا اعلان
ان کیمپس میں نوجوانوں کو ہتھیار چلانے، نقشہ خوانی اور جسمانی فٹنس کی خصوصی تربیت دی گئی، تجزیہ نگاروں کے مطابق یہ کیمپ محض تربیت نہیں بلکہ ایک جارحانہ ذہن سازی کا حصہ ہیں، جس کا مقصد بی جے پی اور آر ایس ایس کے ہندوتوا ایجنڈے کو فروغ دینا اور قوم کو ایک جنگی مشین میں تبدیل کرنا ہے۔
ماہرین کا کہنا ہے کہ بھارت کی جانب سے اسلحہ سازی، جنگی مشقوں میں اضافہ اور نوجوانوں کی عسکری ذہن سازی دراصل مودی حکومت کے مذموم سیاسی عزائم کی عکاسی کرتے ہیں، جو عوامی توجہ معاشی بحرانوں سے ہٹانے کے لیے قومی وسائل کو جنگی جنون کی بھینٹ چڑھا رہی ہے۔
مزید پڑھیں:بھارتی جنگی جنون، افواہوں کا بازار گرم
بین الاقوامی مبصرین خبردار کر چکے ہیں کہ اس قسم کے اقدامات سے جنوبی ایشیا میں عدم استحکام بڑھ سکتا ہے اور امن و ترقی کے امکانات کو شدید دھچکا پہنچ سکتا ہے۔
پاکستان کی جانب سے بارہا واضح کیا جا چکا ہے کہ وہ کسی بھی بھارتی مہم جوئی کا بھرپوراورمؤثرجواب دینے کی مکمل صلاحیت رکھتا ہے اور خطے میں امن کی ہرکوشش کومودی سرکارکے جنگی جنون کے ہاتھوں یرغمال بننے نہیں دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آتم نربھربھارت انڈین آرمی بھارت پاکستان جنوبی ایشیا عسکری جنون مودی سرکار ہندوتوا
کراچی کے گولفر سعد حبیب نے امریکا میں منعقدہ چیمپئن شپ میں دوسری پوزیشن حاصل کرلی