لیفٹیننٹ کرنل کے 7 سالہ شہید بیٹے کی نماز جنازہ، صدر، وزیراعظم، آرمی چیف کی شرکت
اشاعت کی تاریخ: 8th, May 2025 GMT
اسلام آباد؍ راولپنڈی (اپنے سٹاف رپورٹر سے) آزاد جموں و کشمیر میں بھارتی فوج کی بلا اشتعال کراس بارڈر جارحیت کے دوران لیفٹیننٹ کرنل ظہیرعباس طوری کے سات سالہ کمسن صاحبزادے ارتضیٰ عباس طوری شہید ہوگئے جن کی نماز جنازہ اسلام آباد میں ادا کر دی گئی نماز جنازہ میں صدر زرداری، وزیراعظم شہباز شریف ، سینیٹر اسحٰق ڈار ، خواجہ محمد آصف ، عطاء اللہ تارڑ ، آرمی چیف جنرل سید عاصم منیر ، چیف آف نیول سٹاف ایڈمرل نویدِ اشرف سمیت سینئر حاضر سروس و ریٹائرڈ فوجی افسروں، عسکری و سول اہلکاروں ، فوجی جوانوں اور شہید کے عزیز واقارب نے شرکت کی نماز جنازہ ادا کرنے کے بعد شہباز شریف نے بھارت کی جانب سے بلا اشتعال جارحیت کی شدید مذمت کی اور کہا کہ معصوم شہریوں، بچوں، خواتین اور بزرگوں کو نشانہ بنانا انتہائی قابل افسوس، سفاک اور مذموم حرکت ہے صدر مملکت اور وزیراعظم نے مسلح افواج کو خراج تحسین پیش کرتے ہوئے کہا کہ ہماری افواج بھارت کو ہر محاذ پر سخت اور دندان شکن جواب دے رہی ہیں۔ انہوں نے یہ بات زور دے کر کہی کہ بین الاقوامی قانون کی ان سنگین خلاف ورزیوں اور انسانیت کے اصولوں کی پامالی کا فیصلہ کْن جواب دیا جائے گا۔
.
ذریعہ
ذریعہ: Nawaiwaqt
پڑھیں:
سابق گورنر چودھری سرور کے بیٹے انس برطانیہ کے وزیر تجارت نامزد
لندن، لاہور (نمائندہ خصوصی، خصوصی نامہ نگار) سابق گورنر پنجاب چودھری محمد سرور کے بیٹے انس سرور برطانیہ کے نئے وزیر تجارت مقرر ہوگئے۔ برطانوی وزیر اعظم اینڈی برنہم نے انس سرور کو وزیر تجارت مقرر کر دیا ہے۔ وہ اپنی نئی تقرری کے بعد ہاؤس آف لارڈ کے ممبر بھی بن جائیں گے۔ انس سرور کو برطانیہ کے تینوں ہاؤسز کا ممبر بننے کا منفرد اعزاز بھی حاصل ہو گیا ہے، وہ اس سے پہلے برطانوی سیاست میں مختلف اہم ذمہ داریاں انجام دے چکے ہیں۔ برطانیہ بھر میں پاکستانیوں نے خوشی کا اظہار کیا ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم