بھارت کی پھر کھلی جارحیت، پاکستان میں 12 ڈرونز بھیج دیے
اشاعت کی تاریخ: 8th, May 2025 GMT
فضائی حدود کی خلاف ورزی کرنے والے تمام 12 ہیرپ ڈرونز گرادیے، ایک شہری شہید
لاہور میں ایک ڈرون فوجی تنصیب کو نشانہ بنانے میں کامیاب، 4 جوان زخمی ہوگئے، ترجمان
ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ 7 اور 8 مئی کی درمیانی شب بھارت نے ایک مرتبہ پھر کھلی جارحیت کی ہے، پاکستان کی مسلح افواج نے تمام 12 ہیرپ ڈرونز گرادئیے،
لاہور میں ڈرون حملے میں پاک فوج کے 4جوان زخمی جبکہ میانو میں ایک شہری شہید اور ایک زخمی ہوا۔
آئی ایس پی آر نے میڈیا بریفنگ میں بتایا کہ بھارت نے گزشتہ رات ایک بار پھر کھلی جارحیت کرتے ہوئے پاکستانی فضائی حدود کی خلاف ورزی کی ہے،
مختلف شہروں میں بھارت کی جانب سے بھیجے گئے تمام12ہیرپ ڈرونز مار گرادئیے گئے ہیں۔ترجمان پاک فوج نے بتایاکہ لاہور، گوجرانوالہ، چکوال، راولپنڈی، اٹک، بہاولپور، میانو، چھور اور کراچی کے قریب بھارتی ڈرون گرائے گئے ہیں جن کا ملبہ جمع کر لیا گیا ہے۔
انہوں نے کہا کہ افسوس کہ لاہور میں ایک ڈرون فوجی تنصیب کو نشانہ بنانے میں کامیاب ہوگیا جس کے نتیجے میں پاک فوج کے 4 فرد زخمی ہوگئے جبکہ آلات کو جزوی نقصان پہنچا ہے۔
.ذریعہ: Juraat
پڑھیں:
''بھارتی حملہ کھلی جنگی جارحیت ہے،، ڈی جی آئی ایس پی آر کی سی این این سے گفتگو
راولپنڈی(ڈیلی پاکستان آن لائن) پاک فوج کے ترجمان میجر جنرل احمد شریف چوہدری نے امریکی نشریاتی ادارے سی این این کو انٹرویو دیتے ہوئے کہا ہے کہ بھارت کی جانب سے کیا گیا حملہ واضح طور پر جنگی اقدام ہے، جس کا پاکستان فوری اور مؤثر جواب دے رہا ہے۔ڈی جی آئی ایس پی آر نے انکشاف کیا کہ بھارتی حملوں میں عبادت گاہوں کو نشانہ بنایا گیا جس کے نتیجے میں معصوم شہری جاں بحق ہوئے۔ ان کا کہنا تھا کہ یہ کارروائیاں نہ صرف عالمی قوانین کی خلاف ورزی ہیں بلکہ انسانیت کے خلاف جرم بھی ہیں۔انہوں نے بتایا کہ جب یہ انٹرویو جاری تھا، اس وقت بھی پاکستانی فوج بھارتی جارحیت کا جواب دے رہی تھی۔
بھارتی طیارے پلوامہ میں ایک سکول پر گرے، مقبوضہ وادی کے صحافی نے ویڈیو شیئر کردی
ڈی جی آئی ایس پی آر نے مزید کہا کہ پاکستان کو بین الاقوامی قانون کے تحت مکمل حق حاصل ہے کہ وہ اپنی خودمختاری اور شہریوں کا دفاع کرے۔ترجمان پاک فوج نے دعویٰ کیا کہ پاکستان نے دو بھارتی جنگی طیارے مار گرائے ، ایک بھٹنڈہ اور دوسرا اکھنور کے علاقے میں۔ان کا کہنا تھا کہ پاکستان امن کا خواہاں ہے لیکن کسی بھی جارحیت کا منہ توڑ جواب دینے کی بھرپور صلاحیت رکھتا ہے۔ انہوں نے عالمی برادری سے اپیل کی کہ وہ بھارت کی جانب سے خطے میں پیدا کیے جانے والے خطرناک صورتحال کا نوٹس لے۔
مزید :
حکومت، آجر اور مزدور تنظیموں کے درمیان مؤثر سہ فریقی مکالمہ کیا جائے، شوکت عزیز صدیقی