بھارت کا پاکستان کے خلاف ایک اور مذموم منصوبہ بے نقاب
اشاعت کی تاریخ: 8th, May 2025 GMT
بھارت نے 6 اور 7 مئی کی رات کو پاکستان کے خلاف غیرقانونی اور غیرذمہ دارانہ جارحیت کی۔ بھارت نے پہلگام واقعے میں پاکستان کے ملوث ہونے کے کسی بھی الزام کے ثبوت پیش نہیں کیے اور پاکستان کی جانب سے غیرجانبدار اور غیرجانبدارانہ تفتیش کی پیش کش کو قبول نہیں کیا۔ اس سے ظاہر ہوتا ہے کہ اس کا پیشگی جارحیت کا منصوبہ تھا۔
اس کے علاوہ یہ حملے شہری اہداف پر کیے گئے۔ پاکستان نے اپنے دفاع میں ذمہ داری اور بھرپور جارحانہ انداز میں جواب دیا اور بھارتی فضائیہ کے طیاروں کو مار گرایا۔
یہ جدید ٹیکنالوجیز اور پلیٹ فارمز کے خلاف ایک غیرمعمولی کامیابی ہے جس کا اعتراف دنیا بھر میں ہو رہا ہے۔ اسی طرح موثر طریقے سے پوسٹس، بٹالین ہیڈکوارٹرز اور بریگیڈ ہیڈکوارٹرز پر کیے گئے حملوں میں تقریباً 40-50 بھارتی فوجی ہلاک ہوئے ہیں۔
یہ بھی پڑھیے: بھارت کابزدلانہ حملہ: ریاستی سرپرستی میں دہشتگردی اقوام عالم کےلیےخطرہ بن گئی
بھارت کی ہلاکتوں کو تسلیم نہ کرنے کی کوشش قابل فہم ہے کیونکہ ان کے ہاں ناکامیوں کو دبانے کا رواج ہے۔ اس سے قبل انہوں نے اپنے پائلٹ ابھینندن کو اعلیٰ فوجی انعام بھی دیا، حالانکہ ان کا طیارہ مار گرایا گیا تھا اور امریکا نے تصدیق کی تھی کہ پاکستان کا کوئی بھی ایف طیارہ تباہ نہیں ہوا۔
بھارت نے مزید جارحانہ اقدامات جاری رکھتے ہوئے 7 اور 8 مئی کو بھی کارروائیاں جاری رکھیں اور اس بار 3 قسم کے اہداف یعنی بھارت میں سکھ مذہبی مقامات، پاکستان کے فوجی اور شہری اہداف کو نشانے پر رکھنے کی کوشش کی۔
سکھ اہداف کو نشانہ بنانے کا مقصد سکھوں کو پیغام دینا کہ وہ حکومت کی حمایت میں رویہ رکھیں، اسے پاکستانی حملہ قرار دے کر پاکستان کے خلاف نفرت پھیلانا اور ملبوں کو استعمال کرکے انہیں پاکستان کے کریش شدہ جہاز ظاہر کرنا شامل تھا۔
یہ بھی پڑھیے: لاہورمیں فوجی تنصیب پر ڈرون حملہ ہوا، انڈیا کی طرف سے ڈرونز بھیجنے کا عمل جاری ہے،جنہیں تباہ کیاجارہا ہے، آئی ایس پی آر
فوجی اہداف کو نشانہ بنانے کا مقصد پاکستان کی دفاعی اور حملہ آور صلاحیتوں کو کمزور بنانا جبکہ شہری اہداف کو نشانے پر رکھنے کا مقصد عوام میں مایوسی پھیلانا تھا۔ الحمدللہ، پاکستان نے ایک بار پھر بھرپور دفاعی جواب دیا اور زیادہ تر ڈرونز کو مار گرایا۔ یہ قابلِ غور ہے کہ ڈرون کا اڑانا معمول کی بات ہے، مگر اسے مار گرانا غیرمعمولی ہے۔
بھارت نے پلواما کے تقریباً 2 ہفتے بعد پاکستان کے خلاف جارحیت کا آغاز کیا ہے۔ پاکستان قومی جذبات کی ترجمانی کرتے ہوئے اس بڑھتی ہوئی جارحیت کا مناسب وقت اور جگہ پر جواب دے گا، قوم کو اپنی افواج کی صلاحیتوں پر مکمل اعتماد رکھنا چاہیے۔
بھارت اس وقت بڑے پیمانے پر اور بیک وقت غلط معلومات پھیلانے کی مہم چلا رہا ہے تاکہ عوام کے مورال اور اعتماد کو متاثر کیا جا سکے۔ عوام کو ہوشیار رہنا ہے اور صرف تصدیق کے بعد معلومات شیئر کرنی چاہئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت حملہ حملہ مذموم منصوبہ.ذریعہ: WE News
کلیدی لفظ: بھارت حملہ حملہ پاکستان کے خلاف بھارت نے اہداف کو
پڑھیں:
ٹیکس وصولی میں اضافہ اطمینان بخش، ایف بی آر اہداف تبدیل نہیں ہونگے: وزیراعظم
اسلام آباد (خبرنگار خصوصی) وزیراعظم شہباز شریف نے کہا ہے کہ حکومت چھوٹے اور درمیانے درجے کے کاروبار کے فروغ کے حوالے سے ترجیحی بنیادوں پر کام کر رہی ہے۔ اپنی زیرصدارت سمال اینڈ میڈیم انٹرپرائز ڈویلپمنٹ اتھارٹی کی سٹیئرنگ کمیٹی کے اجلاس سے خطاب میں وزیراعظم نے کہا کہ چھوٹی اور درمیانے درجے کی صنعتیں ملکی ترقی و معیشت میں اہم مقام رکھتی ہیں۔ اجلاس کو سمیڈا میں اصلاحات اور سمیڈا کے اقدامات پر بریفنگ دی گئی جس میں بتایا گیا کہ وزیراعظم کی ہدایت پر 3 کروڑ روپے سالانہ تک کا کاروبار کرنے والی کمپنیوں کو مائیکرو انٹرپرائزز کا درجہ دے کر سمیڈا کے دائرہ کار میں شامل کر لیا گیا ہے۔ ویمن انٹر پرینیورشپ پالیسی کا مسودہ تیار ہے جسے جلد وفاقی کابینہ میں منظوری کے لئے پیش کیا جائے گا۔ جبکہ سمیڈا خواتین کے لئے خصوصی ڈیجیٹل پورٹل کا اجرا جلد کیا جا رہا ہے۔ سمیڈا وفاقی ادارہ شماریات کی مدد سے معیشت کے 20 شعبوں کا سروے کرا رہا ہے۔ علاوہ ازیں شہباز شریف نے چھوٹے اور درمیانے درجے کے کسانوں کیلئے کم لاگت قرضوں کے حصول میں آسانی پیدا کرنے کی ہدایت دیتے ہوئے کہا ہے کہ کسانوں کو کم لاگت قرض کی فراہمی حکومت کی اولین ترجیحات میں شامل ہے۔ زرعی پیداوار میں اضافے کیلئے کم رقبے والے کسان کو عزت اور تکریم دینی ہوگی۔ وزیراعظم نے اجلاس سے خطاب میں کہا کہ چھوٹے کسانوں کو کم لاگت قرض کے حصول میں بیش بہا مشکلات کا سامنا کرنا پڑتا ہے۔ انہوں نے زرعی ترقیاتی بینک کی بہتری کیلئے اصلاحات کا نفاذ تیز کرنے اور چھوٹے پیمانے کے کسانوں کو آسان شرائط پر کم لاگت قرض کی فراہمی کیلئے نجی بنکوں کی حوصلہ افزائی کی ہدایت کی۔ انہوں نے کہا کہ وہ زرعی ترقیاتی بنک اور کسانوں کو قرضوں کی فراہمی کیلئے اقدامات پر ہر تین ہفتے بعد اجلاس کی صدارت خود کریں گے۔ دوسری جانب شہباز شریف نے ایف بی آر میں اصلاحات کے نتیجے میں جی ڈی پی کے تناسب سے ٹیکس وصولی میں اضافے کو اطمینان بخش قرار دیتے ہوئے کہا ہے کہ آئندہ مالی سال کی ٹیکس وصولی اوراصلاحاتی اہداف میں کوئی تبدیلی نہیں کی جائے گی۔ فیڈرل بورڈ آف ریونیو اور کسٹم کلیئرنس کے اصلاحاتی نظام سے عوامی آگاہی کے لیے دونوں ادارے وزارت اطلاعات و نشریات کے تعاون سے اپنی استعداد کار کو بڑھائیں۔ وفاقی حکومت اور میں بذات خود حکام کی طرف سے لیے گئے اصلاحاتی اقدامات کی مکمل حمایت اور تحفظ کروں گا۔ آئندہ مالی سال میں پہلے سے عائد کردہ ٹیکسز کا موثر اور عمدہ نفاذ ٹیکس کلیکشن کو مزید بڑھانے میں کلیدی کردار ادا کرے گا۔ ایف بی آر کے آئندہ مالی سال کے ٹیکس وصولی اور دیگر اصلاحاتی اہداف کے منظور شدہ مقررہ وقت میں کوئی تبدیلی نہیں کی جائے گی۔ وزیراعظم نے ہدایت کی کہ اصلاحات کی راہ میں سرخ فیتے اور ادارہ جاتی رکاوٹیں ختم کر کے اصلاحات کے مستقل نفاذ کو یقینی بنائیں۔ کسٹم کلیئرنس میں انقلابی اصلاحات کی ملک بھر میں یکساں اور موثر نفاذ کو یقینی بنایا جائے۔ کسٹم کلیئرنس کے اصلاحاتی ایجنڈا میں ٹیکنالوجی کے استعمال سے ادارہ جاتی کارروائیوں میں درکار وقت کو کم سے کم کیا جائے۔ ایف بی آر اصلاحات کے نتیجے میں ٹیکس کلیکشن کے ثمرات کو آئندہ مالی سال میں برقرار رکھنے کے لیے وفاق اور صوبے باہمی ہم آہنگی اور مربوط حکمت عملی سے کام کریں۔ وزیراعظم کو بتایا گیا کہ ان کی خصوصی ہدایت پر انکم ٹیکس گوشوارے جمع کرانے کے فارم کو آن لائن اور اردو میں مرتب کر دیا گیا ہے۔ انکم ٹیکس گوشواروں کے آن لائن فارم کو آسان فہم کرنے اور اردو زبان میں لاگو کرنے سے تقریباً 84 فیصد فائلرز مستفید ہوں گے۔ ایف بی آر نے نئی مالی سال کے پہلے ماہ جولائی میں اپنا ٹیکس وصولی کا ہدف پورا کیا ہے اور آئندہ مہینوں میں بھی مکمل ہدف حاصل کرنے کی توقع ہے۔ ملک بھر میں کسٹم کلیئرنس کے لیے ڈیجیٹل انفورسمنٹ سٹیشنز کا قیام ترجیحی بنیادوں پر جاری ہے۔ فیڈرل بورڈ آف ریونیو اور کسٹم کلیئرنس میں اصلاحات کے نفاذ کے لیے پالیسی فریم ورک، حکمت عملی میں تبدیلی اور مختلف شعبوں میں اقدامات مقررکردہ ٹارگٹ کے مطابق جا ری ہیں۔
پاک بحریہ کے پی این ایس شمشیر کی امریکی بحری جہاز کے ساتھ مشترکہ مشق