ملتان، جے ایس او کے زیراہتمام پاک فوج سے اظہار یکجہتی کے لیے ریلی
اشاعت کی تاریخ: 10th, May 2025 GMT
رہنمائوں نے خطاب کرتے ہوئے کہا کہ بھارت نے رات کی تاریکی میں جس طرح بزدلی کا مظاہرہ کرتے ہوئے پاکستانیوں پر شب خون مار کر بے گناہ شہریوں کا خون بہایا گیا بھارتی حکومت کو شرم انی چاہیے یہی وجہ ہے کہ بھارت کی عوام اور میڈیا بھی مودی سرکار پر لعن طعن کر رہے ہیں۔ اسلام ٹائمز۔ قائد ملت جعفریہ پاکستان علامہ سید ساجد علی نقوی کی اپیل پر پاک آرمی کے ساتھ اظہار یکجہتی کے سلسلے میں یوم دفاع وطن منایا گیا اور پاک فوج سے اظہار یکجہتی کیا گیا ملک و قوم کی سلامتی ترقی وخوشحالی اور امن و امان کے قیام کے لیے خصوصی دعائیں کی گئیں۔ جے ایس او کے زیراہتمام ملتان پریس کلب کے سامنے پاک فوج زندہ باد ریلی نکالی گئی۔ ملتان پریس کلب کے سامنے پاک فوج سے اظہار یکجہتی کرتے ہوئے علامہ سید کاشف ظہور نقوی، مولانا علی سجاد نقوی، جے ایس او کے مرکزی صدر محمد اکبر، بشارت عباس قریشی، الطاف جعفری، مجاہد حسین نے اظہار خیال کرتے ہوئے کہا کہ بھارت نے رات کی تاریکی میں جس طرح بزدلی کا مظاہرہ کرتے ہوئے پاکستانیوں پر شب خون مار کر بے گناہ شہریوں کا خون بہایا گیا بھارتی حکومت کو شرم انی چاہیے یہی وجہ ہے کہ بھارت کی عوام اور میڈیا بھی مودی سرکار پر لعن طعن کر رہے ہیں۔
اُنہوں نے کہا کہ پاک فوج خطے کے امن کو تباہ ہونے سے بچانے کے لیے صبر و تحمل کا مظاہرہ کر رہی ہے جس پر عالمی برادری نے پاکستان کے امن کی کوششوں پر خراج تحسین پیش کیا ہے، پاک فوج نے جس طرح جرات و بہادری کا مظاہرہ کرتے ہوئے دشمن کے طیارے مار گرائے اس سے بھی دنیا بھر میں پاک فوج کا مورال بلند ہوا ہے پاک فوج لاکھوں میں نہیں بلکہ 24 کروڑ ہے جس کا ہر جوان ملکی سرحدوں کی حفاظت کے لیے ہمہ وقت تیار رہتا ہے ہم پاک ارمی کو یقین دلاتے ہیں کہ ہر مشکل گھری میں ہمارا ہر کارکن اپ کے شانہ بشانہ کھڑا ہوگا اور دشمن کی نیند حرام کرنے میں ہم اپنا بھرپور کردار ادا کریں گے اور دشمن کے دلوں میں ایسا خوف پیدا کریں گے کہ دشمن سرحدوں سے دور نظر ائے گا اور دشمن پاکستان کا نام لیتے ہوئے بھی ڈرے گا۔
ذریعہ: Islam Times
کلیدی لفظ: اظہار یکجہتی کا مظاہرہ کر کرتے ہوئے کہ بھارت پاک فوج کے لیے
پڑھیں:
بھارتی سرپرستی میں سرگرم دہشتگرد عناصر کا جلد خاتمہ کیا جائے گا: صدر و وزیراعظم
صدرِ مملکت آصف علی زرداری نے بلوچستان کے ضلع مستونگ میں سکیورٹی فورسز پر فتنہ الہندوستان کے دہشت گردوں کے حملے کی شدید الفاظ میں مذمت کی ہے۔صدر مملکت نے کہا ہے کہ بھارت کی سرپرستی میں سرگرم دہشت گرد عناصر کا جلد قلع قمع کیا جائے گا اور پاکستان کی سلامتی و خودمختاری پر کوئی سمجھوتہ نہیں کیا جائے گا۔انہوں نے اس بزدلانہ کارروائی کو ریاست پاکستان کے خلاف دشمن عناصر کی مایوس کن سازش قرار دیا اور میجر محمد رضوان طاہر، نائیک ابنِ امین اور لانس نائیک محمد یونس کو زبردست خراجِ عقیدت پیش کرتے ہوئے ان کے بلند درجات اور اہلِ خانہ کے لیے صبر جمیل کی دعا کی۔اپنے بیان میں صدر آصف علی زرداری نے کہا کہ قوم اپنے بہادر شہداء کی عظیم قربانیوں کو سلام پیش کرتی ہے۔انہوں نے سکیورٹی فورسز کی بروقت اور جرأت مندانہ کارروائی کو سراہتے ہوئے کہا کہ جوابی حملے میں دہشت گردوں کو جہنم واصل کرنا فورسز کی پیشہ ورانہ مہارت اور قومی عزم کی عکاسی کرتا ہے۔علاوہ ازیں پاکستان کے وزیر اعظم شہباز شریف نے مستونگ واقعہ کی مذمت کرتے ہوئے شہداء کے درجات کی بلندی کے لیے دعا کی اور لواحقین کے ساتھ تعزیت کا اظہار کیا۔وزیراعظم نے کہا کہ ملک سے ہر قسم کی دہشت گردی کے مکمل خاتمے کے لیے پر عزم ہیں، سکیورٹی فورسز کے جوان ملک کی حفاظت کے لیے سیسہ پلائی ہوئی دیوار کی طرح کھڑے ہیں۔انہوں نے کہا کہ سکیورٹی فورسز کے اہلکاروں کی قربانیاں بے مثال ہیں، دہشت گردوں کا مکمل خاتمہ کیا جائے گا۔ادھر وزیراعلیٰ پنجاب مریم نواز شریف نے مستونگ میں سکیورٹی فورسز کی گاڑی کے قریب دھماکے کی مذمت کرتے ہوئے میجر رضوان طاہر، نائیک ابن امین اور لانس نائیک محمد یونس کی قربانی کو لازوال قرار دیا ہے۔وزیراعلیٰ پنجاب نے سوگوار خاندانوں سے اظہار ہمدردی و تعزیت کیا ہے۔علاوہ ازیں گورنر خیبرپختونخوا نے مستونگ میں سکیورٹی فورسز پر حملہ کی مذمت کرتے ہوئے افسروں اور جوانوں کو لازوال قربانیوں پر سلامت پیش کیا ہے۔فیصل کریم کنڈی نے کہا کہ وطن کے بہادرسپوتوں کی ملک و قوم کے لیے قربانیاں رائیگاں نہیں جائیں گی، دہشت گردوں کے خلاف جنگ میں پوری قوم اپنی مسلح افواج کے ساتھ متحد کھڑی ہے۔
کالا شاہ کاکو کے قریب ٹرین کی بوگیاں پٹری سے اتر گئیں، 25 مسافر زخمی