اپنے دفاعی اداروں پر فخر ہے، دشمن کو جواب دینا جانتے ہیں، پنجاب اور کےپی گورنرز
اشاعت کی تاریخ: 10th, May 2025 GMT
— فائل فوٹو
صوبہ پنجاب اور خیبر پختونخوا کے گورنرز نے دفاعی اداروں پر فخر کا اظہار کیا گیا ہے۔
پشاور میں میڈیا سے گفتگو کرتے ہوئے گورنر خیبر پختونخوا فیصل کریم کنڈی نے کہا کہ ہم اپنے دفاعی اداروں پر فخر محسوس کرتے ہیں۔
ان کا کہنا تھا کہ ہمارے دفاعی اداروں نے ملک کا اچھا دفاع کیا، ہماری فوج اور اداروں نے بھارت کو مؤثر طریقے سے جواب دیا ہے۔
فیصل کریم کنڈی نے کہا کہ ہم نے پہلے اپنے دفاع میں 5 بھارتی جہاز گرائے، پاکستان نے بھارت کو کرارا جواب دیا، ہماری فضائیہ کسی سے کم نہیں، پشاور میں کاروبارِ زندگی معمول پر ہے۔
سیکیورٹی ذرائع کے مطابق اس وقت پاکستان کی جانب سے بھارت کے خلاف جوابی کارروائی جاری ہے۔
علاوہ ازیں پنجاب کے گورنر سردار سلیم حیدر نے بھارت کو جرات مندانہ جواب دینے پر پاک فوج کو خراجِ تحسین پیش کیا۔
گورنر پنجاب نے کہا کہ ہم امن پسند ہیں لیکن دشمن کو جواب دینا بھی جانتے ہیں، آپریشن بنیان المرصوص نے دشمن کے عزائم کو خاک میں ملا دیا۔
انہوں نے مزید کہا کہ قوم کو پاک فوج کے جذبے اور پیشہ ورانہ صلاحیتوں پر فخر ہے۔
.ذریعہ: Jang News
کلیدی لفظ: دفاعی اداروں
پڑھیں:
وطنِ عزیز کے خلاف دشمن قوتیں ایک بار پھر متحرک ہو چکی ہیں، طاہر کھوکھر
سابق وزیر نے کہا کہ بھارت نے نہ صرف کشمیریوں کے حقِ خودارادیت کو دبا رکھا ہے بلکہ پاکستان کے اندر دہشت گردی کو فروغ دینے میں بھی پیش پیش ہے، بھارت ایک طرف خود کو دنیا میں جمہوریت کا علمبردار ظاہر کرتا ہے اور دوسری جانب کشمیر میں انسانی حقوق کی کھلم کھلا خلاف ورزیاں کر رہا ہے۔ اسلام ٹائمز۔ پاسبانِ وطن پاکستان کے مرکزی صدر اور سابق وزیر سیاحت و ٹرانسپورٹ محمد طاہر کھوکھر نے کہا ہے کہ وطنِ عزیز کے خلاف دشمن قوتیں ایک بار پھر متحرک ہو چکی ہیں جو ملک میں بدامنی پھیلانے، پاک فوج کو بدنام کرنے اور عوام میں انتشار پیدا کرنے کی گھناؤنی سازشوں میں مصروف ہیں تاہم پوری قوم ان ناپاک عزائم کے خلاف متحد ہے اور پاک فوج کے ساتھ مضبوطی سے کھڑی ہے۔ انہوں نے یہ بات ایک اہم پریس بیان میں کہی جس میں انہوں نے حالیہ دہشت گردی کے واقعات، سرحدی کشیدگی اور بھارت کی جارحیت پر شدید تشویش کا اظہار کرتے ہوئے کہا کہ دشمن ملک پاکستان کے امن و استحکام کو سبوتاژ کرنے کے لیے ایک بار پھر اپنے ایجنٹوں کو متحرک کر چکا ہے لیکن پاکستانی قوم افواج پاکستان کی قربانیوں کو کبھی رائیگاں نہیں جانے دے گی۔محمد طاہر کھوکھر نے کہا کہ پاک فوج کے بہادر جوان ملک کے کونے کونے میں عوام کے تحفظ اور امن کی بحالی کے لیے اپنی جانوں کا نذرانہ پیش کر رہے ہیں، ہمارے شہداء ہمارے ہیرو ہیںان کی قربانیاں اس ملک کی بقاء اور آزادی کی ضمانت ہیں جو عناصر ان قربانیوں کو شک کی نگاہ سے دیکھتے ہیں، وہ درحقیقت دشمن کے بیانیے کو فروغ دے رہے ہیں۔
انہوں نے کہا کہ دشمن قوتیں پاکستان کے اندر ایک سوچے سمجھے منصوبے کے تحت عوام اور افواج کے درمیان خلیج پیدا کرنے کی کوشش کر رہی ہیں ہمیں یہ سمجھنے کی ضرورت ہے کہ پاکستان دشمن عناصر کس طرح ہمارے اندر نفرت، بدگمانی اور انتشار پیدا کر رہے ہیں ہمیں متحد ہو کر ان سازشوں کا مقابلہ کرنا ہو گا۔ سابق وزیر نے کہا کہ بھارت نے نہ صرف کشمیریوں کے حقِ خودارادیت کو دبا رکھا ہے بلکہ پاکستان کے اندر دہشت گردی کو فروغ دینے میں بھی پیش پیش ہے، بھارت ایک طرف خود کو دنیا میں جمہوریت کا علمبردار ظاہر کرتا ہے اور دوسری جانب کشمیر میں انسانی حقوق کی کھلم کھلا خلاف ورزیاں کر رہا ہے۔ انہوں نے کہا کہ بھارت کی خفیہ ایجنسیاں پاکستان کے اندر تخریب کاری، دہشت گردی اور فرقہ واریت کو ہوا دینے میں ملوث ہیں۔ کلبھوشن یادیو جیسے بھارتی جاسوس اس بات کا ثبوت ہیں کہ بھارت پاکستان کے امن کو سبوتاژ کرنے کے لیے ہر حد پار کر چکا ہے۔
طاہر کھوکھر نے کہا کہ پاک فوج نہ صرف ملک کی جغرافیائی سرحدوں کی حفاظت کر رہی ہے بلکہ دہشت گردی، قدرتی آفات اور داخلی خطرات کے خلاف بھی ہر اول دستے کے طور پر کردار ادا کر رہی ہے، ہماری افواج صرف جنگی محاذ پر ہی نہیں بلکہ امن و تعمیر کی راہوں میں بھی سب سے آگے ہیں۔انہوں نے کہا کہ پاکستان کا ہر محب وطن شہری افواج پاکستان کی قربانیوں کا دل سے معترف ہے اور کسی بھی قسم کے منفی پروپیگنڈے میں آنے کے بجائے اس مقدس ادارے کا بھرپور دفاع کرے گا۔ انہوں نے کہا کہ آج وقت ہے کہ ہم ذاتی سیاسی اور مسلکی اختلافات کو بالائے طاق رکھ کر ملکی سلامتی کے لیے ایک ہو جائیں جو قومیں اپنی فوج اور اداروں کے ساتھ کھڑی ہوتی ہیں دشمن ان کا کچھ نہیں بگاڑ سکتا، دشمن کی سازشوں کو ناکام بنانے کے لیے ہمیں ایک متحد قوم بن کر سامنے آنا ہو گا۔
اپنے حلف کی پاسداری کرتے ہوئے جرأت مندانہ فیصلے کریں، عمران خان کا چیف جسٹس کو خط