تعاون بڑھانے کی ضرورت، گورنر پنجاب: فلپائنی اعزازی قونصل جنرل کی ملاقات
اشاعت کی تاریخ: 10th, May 2025 GMT
لاہور (نیوز رپورٹر) گورنر پنجاب سردار سلیم حیدر سے گورنر ہائوس لاہور میں فلپائن کے اعزازی قونصل جنرل فہدل شیخ نے ملاقات کی۔ دونوں ملکوں کے درمیان دو طرفہ تعلقات کو تعلیم، سیاحت اور تجارت کے شعبے میں بڑھانے پر تبادلہ خیال کیا گیا۔ اس موقع پر گورنر پنجاب سردار سلیم حیدر نے کہا کہ پاکستان فلپائن کے ساتھ دو طرفہ تعاون کو بڑی اہمیت دیتا ہے۔ تعلیم، تجارت اور سیاحت کے شعبے میں تعلقات کو وسعت دینے کے وسیع مواقع موجود ہیں، بالخصوص ٹیکسٹائل اور فارماسوٹیکل سیکٹر میں تجارت کو فروغ دینے کی ضرورت ہے۔ پاکستان فلپائن کے درمیان سٹوڈنٹس ایکسچیج پروگرام جلد شروع کر دیا جائے گا۔ پاکستان سے دو طلبہ کسی بھی شعبے میں فلپائن میں جا کر مفت تعلیم حاصل کریں گے اور اسی پروگرام کے تحت فلپائن سے دو طلباء پاکستان کے تعلیمی اداروں میں مفت تعلیم حاصل کریں گے۔ بعد ازاں گورنر پنجاب سردار سلیم حیدر خان نے لاہور میں فلاحی لنگر خانے کا دورہ کیا۔
.
ذریعہ
ذریعہ: Nawaiwaqt
کلیدی لفظ: گورنر پنجاب
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی