محراب پور، حادثات وواقعات میں 2افراد جاں بحق، شہری موٹر سائیکلوں سے محروم
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
محراب پور(جسارت نیوز)دو ٹریفک حادثات میں ایک جاں بحق، متعدد زخمی ، پہلا حادثہ کنڈیارو پولیس تھانہ کی حدود میں قومی شاہراہ پر ہوا جہاں ٹرالر کی ٹکر سے ریاض ملاح شو روم والا جاں بحق ہوگیا، پولیس کے مطابق نوجوان کچی آبادی کا رہائشی اور ڈرائیور تھا، ٹرالر کو تحویل میں لیکر پولیس مزید تفتیش کر رہی ہے، دوسرا حادثہ کورائی پولیس تھانہ کی حدود میں دادو روڈ پر ہوا جہاں تیز رفتار ڈاٹسن ٹائی راڈ ٹوٹنے کے باعث الٹ گئی، اس حادثے میں ڈرائیور وحید علی پہنور سمیت متعدد افراد معمولی زخمی ہوگئے جنہیں ابتدائی طبی بعد اسپتال سے گھروں کو روانہ کر دیاگیا، پولیس کے مطابق زخمیوں کا تعلق دادو ضلع کے شہر فلجی سے تھا۔دوسری جانب مہران ہائی پر حادثے میں نوجوان جاں بحق، قومی شاہراہ پر حادثے میں نوجوان زخمی ہوگیا، کوٹ لالو پولیس تھانہ کی حدود میں مہران ہائی وے پر لجپال ہوٹل کے پاس موٹر سائیکل کے درمیان آمنے سامنے تصادم کے نتیجہ میں گاؤں سرائی دریا خان خاص خیلی کا رہائشی نوجوان مہتاب خاص خیلی جاں بحق ہوگیا، پولیس کے مطابق حادثے میں تین افراد زخمی ہوئے جنہیں اسپتال منتقل کر دیا ہے نعش ضروری کارروائی بعد ورثا حوالے کر دی ہے۔مورو پولیس تھانہ کی حدود میں قومی شاہراہ پر نامعلوم گاڑی کی زد میں آکر یار جان ولد الہی بخش شدید زخمی ہوگیا جسے اسپتال منتقل کر دیا ہے، پولیس کے مطابق زخمی نوجوان ملیر کراچی کے گائوں اللہ بچائو گبول کا رہائشی ہے پولیس مزید تفتیش کر رہی ہے۔ڈکیتی اور چوری واردات میں دو شہری موٹر سائیکل سے محروم، ٹریفک حادثہ مسافر بس الٹ گئی مسافر معجزانہ طور پر محفوظ، ہالانی پولیس تھانہ کی حدود میں محراب پور رابطہ سڑک (لنک روڈ) پر گاؤں سہراب انڑ کے پاس رہزنوں نے اسلحہ کے زور پر بھریا روڈ کے رہائشی عبد الغفار مغل سے موٹر سائیکل، نقدی اور موبائل فون چھین لیا، مورو پولیس تھانہ کی حدود میں علاج کیلئے اسپتال آنے والے مستقیم سیال کی موٹر سائیکل چابی چور چرا کر لے گیا، اکری پولیس تھانہ کی حدود میں مہران ہائی وے پر سکھر سے کراچی جانے والی مسافر بس موٹر سائیکل سوار کو بچاتے ہوئے الٹ گئی، پولیس کے مطابق اس حادثے میں 8 مسافر معمولی زخمی ہوئے جنہیں ابتدائی طبی امداد بعد منزل مقصود پر روانہ کر دیا گیا۔
ذریعہ: Jasarat News
کلیدی لفظ: پولیس تھانہ کی حدود میں پولیس کے مطابق موٹر سائیکل
پڑھیں:
کراچی میں خونی ٹرالر ایک اور شہری کی جان لے گیا
پولیس نے بروقت کارروائی کرتے ہوئے تیز رفتار ٹرالر کے ڈرائیور سلیمان خان کو گرفتار کر لیا۔ اسلام ٹائمز۔ شہر قائد میں تیز رفتار ٹرالر کی ٹکر سے موٹر سائیکل سوار نوجوان جاں بحق اور دوسرا زخمی ہوگیا۔ تفصیلات کے مطابق کراچی میں دندناتے بے لگام ڈمپرز، ٹرالے اور ٹینکرز کی ٹکر سے شہریوں کی ہلاکت کا سلسلہ تھم نہیں رہا۔ تازہ واقعہ لانڈھی کے علاقے اسپتال چورنگی کے قریب پیش آیا، جہاں تیز رفتار ٹرالر نے موٹر سائیکل سوار کو روند ڈالا۔ حادثے میں ایک نوجوان جاں بحق اور دوسرا زخمی ہوگیا، ریسکیو ذرائع کے مطابق جاں بحق ہونے والے نوجوان کی شناخت 20 سالہ کاشان کے نام سے ہوئی، جبکہ زخمی نوجوان 19 سالہ جواد ہے۔ ٹینکر کی ٹکر سے پیش آنے والے حادثے میں جاں بحق نوجوان کی لاش اور زخمی کو جناح اسپتال منتقل کر دیا گیا۔ پولیس نے بروقت کارروائی کرتے ہوئے تیز رفتار ٹرالر کے ڈرائیور سلیمان خان کو گرفتار کر لیا ہے۔ پولیس کے مطابق حادثے سے متعلق مزید معلومات اکٹھی کی جا رہی ہیں۔
کیماڑی تھانہ جیکسن، ایس ایچ او گٹکا ماوا کنگ کے سامنے بے بس نکلا