واٹس ایپ صارفین کیلئے خوشخبری، کمپنی نے یوزر نیم فیچر کے اجرا کی تاریخ بتادی
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
واٹس ایپ نے صارفین کے لیے ایک اہم فیچر ’یوزر نیم‘ متعارف کرانے کی تیاری مکمل کر لی ہے، جس کے بعد اب فون نمبر شیئر کیے بغیر بھی رابطہ ممکن ہو سکے گا۔ کمپنی کے مطابق یہ فیچر 2026 میں مرحلہ وار متعارف کرایا جائے گا۔
واٹس ایپ کی تازہ اپ ڈیٹس پر نظر رکھنے والی ویب سائٹ WABetaInfo کی رپورٹ کے مطابق کمپنی نے بزنس اکاؤنٹس استعمال کرنے والے اداروں اور صارفین کو ہدایت دی ہے کہ وہ اپنے سسٹمز اور ورک فلو کو اس فیچر کے مطابق اپ ڈیٹ کریں۔
میٹا کی ملکیت رکھنے والی اس مقبول میسجنگ ایپ نے بتایا کہ نیا فیچر اختیاری (optional) ہوگا، یعنی صارف خود فیصلہ کرے گا کہ اپنے پروفائل پر فون نمبر دکھانا ہے یا صرف یوزر نیم۔
کمپنی کے مطابق، یوزر نیم کے استعمال سے صارفین کو کئی فوائد حاصل ہوں گے، جن میں سب سے اہم پرائیویسی اور تحفظ میں اضافہ ہے۔ اس فیچر کے ذریعے صارفین اپنی ذاتی معلومات کو خفیہ رکھتے ہوئے بھی رابطے میں رہ سکیں گے۔
رپورٹ میں مزید بتایا گیا ہے کہ حالیہ بیٹا ورژن میں یوزر نیم ریزرو کرنے کا آپشن شامل کیا گیا ہے، جو فی الحال ابتدائی مراحل میں ہے۔
واٹس ایپ نے واضح کیا ہے کہ بزنس اکاؤنٹس کو اپنے سسٹمز کو اپ گریڈ کرنے کے لیے جون 2026 تک کا وقت دیا گیا ہے، جس کے بعد یوزر نیم فیچر کو عالمی سطح پر باضابطہ طور پر متعارف کرایا جائے گا۔
ذریعہ
ذریعہ: Jasarat News
کلیدی لفظ: واٹس ایپ یوزر نیم کے مطابق
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
وزارت آئی ٹی نے 1.67 ارب روپے سے زاید کے فنڈز طلب کرلیے