فون دیکھے بغیر میسجز چیک کریں، واٹس ایپ نے آسانی پیدا کردی
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
میٹا نے واٹس ایپ کے ایپل واچ صارفین کو بڑی سہولت دے دی ہے۔ کمپنی نے بالآخر ایپل واچ کیلئے آفICIAL واٹس ایپ ایپ لانچ کر دی ہے جس کے بعد اب صارفین فون نکالے بغیر اپنی گھڑی پر ہی پیغامات، نوٹیفکیشنز اور کالز دیکھ سکیں گے۔
یہ ایپ فی الحال بیٹا ورژن میں دستیاب ہے اور اس میں صارفین میسجز پڑھنے، وائس میسج ریکارڈ کر کے بھیجنے، اور کال نوٹیفکیشنز دیکھنے کی سہولت بھی حاصل کر سکیں گے۔ پہلے ایپل واچ پر صرف میسج نوٹیفکیشن آتے تھے، لیکن اب براہِ راست ان سے انٹریکشن ممکن ہو گیا ہے۔
میٹا کے مطابق ایپل واچ پر بھی واٹس ایپ کے پیغامات اور کالز اینڈ ٹو اینڈ انکرپشن سے محفوظ رہیں گے۔ ایپ کا انٹرفیس بھی اس طرح بنایا گیا ہے کہ گھڑی پر تیزی سے استعمال کیا جا سکے اور اس میں ایک کنکشن انڈیکیٹر بھی موجود ہے جو بتاتا ہے کہ واچ اور فون کا کنکشن فعال ہے یا نہیں۔
کمپنی نے اشارہ دیا ہے کہ مستقبل میں اس ایپ میں مزید فیچرز بھی شامل ہوں گے، یہ اقدام واٹس ایپ کے ملٹی ڈیوائس اور کراس پلیٹ فارم ایکسپیریئنس کو مزید بہتر بنانے کی پالیسی کا حصہ ہے۔
.ذریعہ: Jasarat News
پڑھیں:
سردیوں میں مونگ پھلی کے شوقین افراد کیلئے اہم سوال، روزانہ کتنی مقدار فائدہ مند ہے؟
data-id="863a0a8" data-element_type="widget" data-widget_type="theme-post-content.default">
سردیوں میں مونگ پھلی نہ صرف ذائقے کا لطف بڑھاتی ہے بلکہ یہ صحت کے لیے بھی کئی فوائد کا خزانہ ہے، مونگ پھلی میں پروٹین، فائبر، صحت مند چکنائیاں، وٹامن ای، نیاسین، فولک ایسڈ اور اہم معدنیات شامل ہیں، جو دل کی صحت، دماغی افعال اور پٹھوں کی مرمت میں مددگار ثابت ہوتی ہیں۔
این ڈی ٹی وی کی رپورٹ کے مطابق ماہر غذائیت پریتی تیاگی کا کہنا ہے کہ روزانہ ایک مٹھی (تقریباً 40-50 گرام) مونگ پھلی کھانا بہترین ہے۔ یہ ناشتہ یا دو کھانوں کے درمیان بھوک کم کرنے کے لیے مفید ثابت ہوتی ہے۔ مونگ پھلی کے مکھن کا استعمال بھی محدود رکھنا چاہیے، تقریباً 1.5 چمچ (32 گرام) کافی ہے۔ مناسب مقدار میں مونگ پھلی دل کی بیماریوں کے خطرے کو کم کرنے میں بھی معاون ہو سکتی ہے۔
تاہم زیادہ مونگ پھلی کھانے کے بعض نقصان دہ اثرات بھی ہو سکتے ہیں۔ فائٹک ایسڈ کی موجودگی کی وجہ سے آئرن، زنک، کیلشیم اور منگنیز کے جذب میں رکاوٹ پیدا ہو سکتی ہے۔ زیادہ مقدار میں مونگ پھلی قبض، دست یا اپھارہ جیسے نظام انہضام کے مسائل پیدا کر سکتی ہے۔ نمکین مونگ پھلی بلڈ پریشر بڑھانے کا سبب بن سکتی ہے، جبکہ غیر محفوظ یا مرطوب ماحول میں ذخیرہ کی گئی مونگ پھلی میں افلاٹاکسن پیدا ہونے کا خطرہ ہوتا ہے۔ مونگ پھلی کی شدید الرجی بھی سانس، کھانسی یا جسم میں خارش جیسی پیچیدگیاں پیدا کر سکتی ہے۔
ماہرین کے مطابق مونگ پھلی کھانے کا بہترین وقت صبح یا دن کے دوران ہے، شام کے بعد استعمال نیند اور نظام انہضام پر اثر ڈال سکتا ہے۔ بھنی ہوئی مونگ پھلی اور بغیر اضافی شکر یا ہائیڈروجنائزڈ تیل والا مونگ پھلی مکھن سب سے بہتر انتخاب ہیں۔
مختصراً، روزانہ ایک مٹھی مونگ پھلی آپ کے دل، توانائی کی سطح اور مجموعی صحت کے لیے فائدہ مند ثابت ہو سکتی ہے، بشرطیکہ اسے اعتدال میں استعمال کیا جائے تاکہ فوائد کے ساتھ کسی بھی قسم کی تکلیف سے بچا جا سکے۔
امید ہے سہیل آفریدی میری پیشکش قبول کریں گے، وزیراعظم شہباز شریف