پاکستان کے ساتھ اظہارِ یکجہتی، آذربائیجان میں پاک فوج کی فتح کا جشن
اشاعت کی تاریخ: 11th, May 2025 GMT
آذربائیجان میں عوام بڑی تعداد میں سڑکوں پر نکل آئے اور پاکستان سے اظہارِ یکجہتی کرتے ہوئے پاک فضائیہ کی بھارتی فضائیہ پر حالیہ کامیابی کا جشن منایا۔
یہ اظہارِ یکجہتی اُس وقت دیکھنے میں آیا جب پاکستان اور بھارت کے درمیان کشیدگی کے دوران پاکستان نے آپریشن "بُنيانُ المَّرْصُوص" کے تحت دشمن کو مؤثر جواب دیا۔
مشکل حالات میں آذربائیجان اور ترکی نے کھل کر پاکستان کی حمایت کی اور عالمی سطح پر اپنا مؤقف بھی پیش کیا، جسے پاکستانی عوام اور حکومت نے سراہا ہے۔
سوشل میڈیا پر پاکستانی صارفین نے ترکی اور آذربائیجان کے عوام کا شکریہ ادا کرتے ہوئے ان کے جذبے کو قابلِ تحسین قرار دیا۔
واضح رہے کہ پاکستان نے حالیہ کشیدگی میں دشمن کے متعدد اہداف کو کامیابی سے نشانہ بنایا، جس کے بعد دنیا بھر میں پاکستانی عوام کے حق میں آوازیں بلند ہو رہی ہیں۔
ذریعہ: Express News
پڑھیں:
کشمیری عوام کی پاکستان سے غیر متزلزل وابستگی کا اعلان
میڈیا سے گفتگو کرتے ہوئے سمعیہ ساجد نے کہا کہ آج کا کنونشن دراصل کشمیری عوام کی طرف سے دنیا کو یہ دوٹوک پیغام ہے کہ کشمیر کی منزل پاکستان ہے اور رہے گی۔ اسلام ٹائمز۔ مسلم کانفرنس خواتین ونگ کی مرکزی چیئرپرسن اور کشمیر ویمن الرٹ فورم (کواف) کی چیئرپرسن سمعیہ ساجد نے کہا ہے کہ صدر مسلم کانفرنس سردار عتیق احمد خان کی قیادت میں منعقدہ تاریخی و شاندار پاکستان زندہ باد کنونشن اس بات کا واضح ثبوت ہے کہ کشمیری عوام پاکستان کے ساتھ اپنی وفاداری اور وابستگی پر آج بھی اسی طرح قائم ہیں جس طرح ہمارے اسلاف نے 19 جولائی 1949ء کو قراردادِ الحاق پاکستان پیش کرتے وقت اس کا اعلان کیا تھا۔ میڈیا سے گفتگو کرتے ہوئے سمعیہ ساجد نے کہا کہ آج کا کنونشن دراصل کشمیری عوام کی طرف سے دنیا کو یہ دوٹوک پیغام ہے کہ کشمیر کی منزل پاکستان ہے اور رہے گی۔ انہوں نے کہا کہ اس کنونشن نے نہ صرف پاکستان کے ساتھ تعلق کو مضبوطی سے اجاگر کیا ہے بلکہ نئی نسل کے دلوں میں بھی اس عہدِ وفا کو تازہ کر دیا ہے۔ سمعیہ ساجد نے کہا کہ سردار عتیق احمد خان کی ولولہ انگیز قیادت اور مسلم کانفرنس کی مسلسل جدوجہد نے ایک بار پھر کشمیری عوام کو متحد کر کے یہ بات واضح کر دی ہے کہ کشمیری عوام اپنے حقِ خودارادیت کے ساتھ ساتھ پاکستان کے ساتھ اپنے رشتے پر کبھی سمجھوتہ نہیں کریں گے۔ انہوں نے کہا کہ یہ اجتماع دراصل کشمیریوں کے جذبات، قربانیوں اور پاکستان سے محبت کا مظہر ہے جو کسی دباؤ یا جبر سے ختم نہیں کیا جا سکتا۔ انہوں نے مزید کہا کہ مسلم کانفرنس ہی وہ جماعت ہے جس نے کشمیری عوام کو ہمیشہ صحیح سمت دکھائی اور آج بھی اسلاف کے نقشِ قدم پر چلتے ہوئے پاکستان کے ساتھ تعلق کو اپنی منزل سمجھتی ہے۔ پاکستان زندہ باد کنونشن کے کامیاب انعقاد نے ایک نئی تاریخ رقم کی ہے اور یہ پیغام دیا ہے کہ کشمیری عوام ہر حال میں پاکستان کے ساتھ کھڑے ہیں۔
ایف بی آر کا دولت کی نمائش کرنے والے نان فائلرز کیخلاف کارروائی کا فیصلہ