ملک بھر میں یوم تشکر، ریلیاں، واہگہ بارڈر پر جشن، بھارت پریڈ سے فرار
اشاعت کی تاریخ: 12th, May 2025 GMT
لاہور+ اسلام آباد+ گوجرانوالہ + شیخوپورہ + قصور + ننکانہ + فیروز والہ (خصوصی نامہ نگار + اپنے سٹاف رپورٹر سے + خبر نگار + نمائندگان) وزیراعظم شہباز شریف کی اپیل پر بھارتی جارحیت کا منہ توڑ جواب دینے اور آپریشن بنیان مرصوص کی کامیابی پر اتوار کو ملک بھر میں یومِ تشکر منایا گیا۔ وطن عزیز کی سلامتی، سالمیت اور استحکام کیلئے اجتماعی دعائوں اور نوافل کا اہتما م کیا گیا۔ اللہ رب العزت کے حضور سجدہ شکر بجا لایا گیا۔ شہداء و غازیوں کے لیے خصوصی دعائیں کی گئیں اور دشمن پر لرزہ طاری کرنے والی بہادر افواج پاکستان کی بے مثال بہادری کو خراج تحسین پیش کرنے کے ساتھ ساتھ اور پوری قوم کے حوصلے اور وحدت کو سراہا گیا۔ شکر گڑھ میں کرتار پور سے نورکوٹ تک احسن اقبال کی قیادت میں ریلی نکالی گئی۔ اس موقع پر انہوں نے کہا کہ پاک فضائیہ کے شاہینوں کا دنیا میں کوئی ثانی نہیں، کل مسلح افواج کے بھارت کو جواب نے ان کی چیخیں نکال دیں۔ چیخیں امریکہ تک سنی گئیں۔ وفاقی دارالحکومت اسلام آباد میں پاکستان مسلم لیگ (ن) کے مرکزی سیکرٹریٹ میں اظہار تشکر کے موقع پر ایک عظیم الشان تقریب ہوئی جس سے وفاقی وزیر پارلیمانی امور ڈاکٹر طارق فضل چوہدری، نائب صدر انجم عقیل خان اور دیگر قائدین نے خطاب کیا۔ پاکستان شریعت کونسل کے امیر مولانا زاہد الراشدی، جنرل سیکرٹری مولانا عبدالرئوف فاروقی، ڈپٹی سیکرٹری جنرل مولانا عبدالرف محمدی، سیکرٹری اطلاعات پروفیسر حافظ منیر احمد اور دیگر قائدین نے کہا ہے کہ بھارتی قیادت کو یہ بات سمجھ لینی چاہیے کہ پاکستان اپنی سرزمین اور خود مختاری پر کسی قسم کا سمجھوتہ نہیں کر سکتا۔ محکمہ اوقاف و مذہبی امور پنجاب کے زیرِاہتمام عسکری و سیاسی لیڈرشپ کی جرات و بہادری کو خراج ِ تحسین پیش کیا گیا۔ مرکزی تقریب جامع مسجد دربار حضرت علی ہجویریؒ میں منعقد ہوئی، سیکرٹری / چیف ایڈ منسٹریٹر اوقاف پنجاب ڈاکٹر طاہر رضا بخاری نے خصوصی شرکت کرتے ہوئے کہا کہ پوری قوم کو فتح مبارک، افواجِ پاکستان نے دفاع ِ وطن کو ناقابلِ تسخیر ثابت کیا۔ مفتی محمد رمضان سیالوی‘ ڈپٹی ڈائریکٹر اوقاف آصف اعجاز، زونل ایڈ منسٹریٹر اوقاف شیخ محمد جمیل اور منیجر اوقاف طاہر مقصود نے بھی شرکت کی۔ اسلامی جمہوری اتحاد کے سربراہ اور مرکزی جماعت اہل حدیث کے امیر علامہ زبیر احمد ظہیر اور جماعت کے مرکزی رہنماؤں نے نمازِ ظہر کے بعد جامعہ عمر بن عبدالعزیز گلبرگ میں شکرانے کے نوافل ادا کئے اور حکومت، افواجِ پاکستان اور پوری قوم کو فتح عظیم حاصل کرنے پر خراجِ تحسین پیش کیا۔ علامہ زبیر احمد ظہیر نے کہا ہے کہ افواجِ پاکستان نے میدان جنگ میں ہمیشہ شاندار فتح حاصل کی۔ امریکہ، انڈیا اور اسرائیل کا غرور اور تکبر ملیامیٹ ہو چکا ہے۔ پاکستان مرکزی مسلم لیگ کے زیر اہتمام یومِ فتح منایا۔ ریلیوں میں شرکاء نے پاکستانی پرچم تھامے "پاکستان زندہ باد" اور "افواج پاکستان پائندہ باد" کے فلک شگاف نعرے لگائے۔ قاری محمد یعقوب شیخ، چوہدری محمد سرور، شیخ فیاض احمد، مزمل اقبال ہاشمی، حافظ ابوالحسن اور احسن تارڑ سمیت مرکزی مسلم لیگ کے رہنماؤں نے مختلف شہروں میں ریلیوں سے خطاب کیا۔ ریسکیو 1122 لاہور کے ضلعی ہیڈکواٹرز میں یوم تشکر منایا گیا۔ ریسکیورز نے سبز ہلالی پر چم کو سلامی پیش کی۔ تقریب سے ریجنل ایمرجنسی افسر ڈاکٹر فواد شہزاد مرزا‘ ضلعی ایمرجنسی آفیسر شاہد وحید نے بھی خطاب کیا۔ نولکھا چرچ لاہور میں پاک فوج کو سلام پیش کرنے کے لئے بین المذاہب تشکر ریلی کا اہتمام کیا گیا۔ ڈاکٹر مجیل ایبل‘ مولانا محمد عاصم مخدوم اور پنڈت بھگت لال کھوکھر نے قیادت کی۔ گوجرانوالہ چیمبر آف کامرس اینڈ انڈسٹری کے صدر رانا محمد صدیق خاں‘ سینئر نائب صدر احمد نوید رانجھا‘ نائب صدر چودھری محمد یوسف‘ ایگزیکٹو ممبران اور دیگر سینئر قائدین نے راہوالی کینٹ تک ریلی نکالی۔ گوجرانوالہ میں مہمند فلاحی تنظیم کے زیراہتمام ایک بہت بڑی پاکستان زندہ باد ریلی نکالی گئی۔ قیادت جوہر علی خان‘ عطاء الرحمنٰ خان‘ شیر علی خان‘ شاہ محمود حاجی اور نور زمان مہمند و دیگر نے کی۔ پاکستان علما کونسل کے زیراہتمام پاک فوج زندہ باد، دفاع پاکستان ریلی نکالی گئی،جس کی قیادت مولانا زبیر کھٹانہ نے کی، ریلی میں مولانا نور حسین غزنوی، ذیشان عالم، ملک نواز، محمد ندیم، عثمان بٹ، قاری نواب دین ساجد، رانا شعیب، چوہدری شرافت، مولانا غلا م کھٹانہ، یونس ساقی، حاجی اکمل وٹو، خواجہ امتیاز، رانا ندیم سمیت شہریوں کی کثیر تعداد میں شرکت کی، ینگسن آباد اور مارٹن پورچک نمبر371 کی مسیحی برادری کی طرف سے پاکستان زندہ باد ریلی نکالی گئی قیادت اعجاز کندن لعل کلاریا (شنکر) نیکی جبکہ ریلی میں چوہدری رنجیت لعل نمبردار, پادری عمران عرفان گل اور ماسٹر آشر جان سمیت مسیحی مردو خواتین کی بڑی تعداد نے شرکت کی, ریلی میں بھارت کے اندر جاکر تباہی مچانے والے پاک فضائیہ کے بہادر پائلیٹ کامران مسیح کے اہل خانہ نے بھی خصوصی شرکت کی۔ ناکوں چنے چبوانے والا ینگسن آباد کا بہادر بیٹا کامران مسیح ہمارا فخر ہے۔ مرکزی مسلم لیگ ننکانہ کے زیرِ اہتمام جنرل سیکرٹری ثاقب مجید کی قیادت میں سانگلہ ہل، شاہ کوٹ اور ننکانہ صاحب میں ریلیاں نکالی گئیں۔ مرکزی جمعیت اہلحدیث ضلع ننکانہ نے یومِ تشکر منایا۔ جمعیت علمائے اسلام کی جانب سے جامع مسجد اشرفیہ (اونچی مسجد، غلہ منڈی) سے ایک بڑی ریلی نکالی گئی۔ قیادت مولانا یحییٰ خورشید، مولانا کاشف جاوید، مولانا عرفان اشرف، مولانا خلیق الرحمان، مولانا قاری ارشد، قاری فاروق، ڈاکٹر افضل، خان اقبال خان، ملک انور، میاں عابد، حافظ محمد احمد اور دیگر نے کی۔ ننکانہ میں الفتح ریلی کی قیادت ڈپٹی کمشنر محمد تسلیم اختر راؤ نے کی۔ شیخوپورہ میں مرکزی مسلم لیگ کے زیر اہتمام ریلی نکالی گئی‘ قیادت وسطی پنجاب کے امیر شیخ فیاض احمد، اور ضلعی جنرل سیکرٹری میاں حبیب الرحمن نے کی۔ ضلعی نائب صدر چودھری طارق محمود گجر ،سٹی امیر حافظ انعام الرحمن، شمعون بھٹہ ، چودھری شہزاد علی ورک ، عبدالرحمن ، ابوفراس، حاجی محمد سلیم ، ڈاکٹر عتیق وڑائچ نے بھی شرکت کی۔ ریسکیو 1122 قصور نے سول سوسائٹی کے ساتھ ملکر یوم تشکر منایا۔ ڈسٹرکٹ ایمرجنسی آفیسر ریسکیو 1122 ڈاکٹر نیئر عالم خان نے ریلی کی قیادت کی۔ مسلم لیگ (ن) مرکزی دفتر رچنا ٹاؤن فیروز والا میں ایم پی اے پیر اشرف رسول نے کارکنوں اور شہریوں میں مٹھائی تقسیم کی۔ کوٹ عبدالمالک میں بھی مسلم لیگ کے دفتر میں کارکنوں میں مٹھائی تقسیم کی گئی۔ دریں اثناء عظیم کامیابی کا جشن منانے کے لئے اتوار کو ہزاروں پاکستانی شہری واہگہ بارڈر پہنچے جہاں فضاء اﷲ اکبر ‘ پاک فوج زندہ باد‘ اور پاکستان پائندہ باد کے فلک شگاف نعروں سے گونجتی رہی۔ پریڈ کے اختتام پر شہریوں نے پاکستان رینجرز پنجاب کے جانبازوں پر پھولوں کی پتیاں نچھاور کیں۔ اس دوران بھارتی سائیڈ پر مکمل سناٹا چھایا رہا‘ دشمن کا سٹیڈیم خالی رہا‘ بی ایس ایف انڈیا کے جوان پریڈ میں شریک نہیں ہوئے‘ صرف خاموشی سے ترنگا اتارا گیا۔ تحریک دعوت توحید کے مرکزی قائدمیاں محمد جمیل کی اپیل پریوم تشکرمناتے ہوئے مساجدمیں نوافل اداکیے گئے۔میاں محمدجمیل نے کہا کہ اللہ تعالٰی پرتوکّل اورقوت ایمانی نے گائے کے پجاریوںکوگھٹنے ٹیکنے پرمجبورکردیا۔
.ذریعہ: Nawaiwaqt
کلیدی لفظ: مرکزی مسلم لیگ ریلی نکالی گئی مسلم لیگ کے تشکر منایا کی قیادت اور دیگر یوم تشکر شرکت کی نے بھی کے زیر نے کہا
پڑھیں:
‘ایرانی عوام پاکستان کی طرف سے حمایت کبھی نہیں بھولیں گے،’ ایرانی سفیر کا پاکستانی حکومت اور قوم کے لیے اظہار تشکر
پاکستان میں تعینات ایرانی سفیر رضا امیری مغدم نے ایران اسرائیل کشیدگی کے دوران حمایت پر پاکستان کا شکریہ ادا کیا ہے۔
سماجی رابطے کی ویب سائٹ ایکس پر پوسٹ کرتے ہوئے انہوں نے لکھا کہ ایران کے تاریخی اور اہم موڑ پر جب کہ ہماری سرزمین ایک باوقار اور فیصلہ کن جنگ بندی کے نفاذ کے ساتھ ایک عظیم اور جراتمندانہ فتح کا جشن منا رہی ہے، میں پاکستان کی حکومت اور عوام کا دل سے شکریہ ادا کرنا چاہتا ہوں۔
ان کا کہنا تھا کہ صہیونی ریاست کے غیرمنصفانہ اور مسلط کردہ جارحیت کے خلاف، جس کا نشانہ برادر اور دوست اسلامی ملک ایران بنا، پاکستان نے ثابت قدمی اور وقار کے ساتھ ہمارے ساتھ کھڑے ہو کر اپنی غیر متزلزل حمایت اور یکجہتی کا مظاہرہ کیا ہے۔
انہوں نے صدر مملکت آصف علی زرداری، وزیراعظم محمد شہباز شریف، آرمی چیف جنرل فیلڈ مارشل عاصم منیر، نائب وزیراعظم و وزیر خارجہ اسحاق ڈار، وزیر دفاع خواجہ آصف، قومی اسمبلی اور سینیٹ کے ارکان، مذہبی رہنماؤں، سیاسی جماعتوں، اور میڈیا کے نمائندگان کا ان کے ‘اصولی اور جراتمندانہ’ موقف پر شکریہ ادا کیا۔
At this historic and momentous juncture, as the great nation of Iran celebrates a dignified and decisive victory—culminating in the imposition of a just and powerful ceasefire upon the belligerent adversary—I wish to extend my heartfelt appreciation to the government and people…
— Reza Amiri Moghadam (@IranAmbPak) June 25, 2025
ایرانی سفیر نے لکھا کہ میں پاکستان کی وزارت خارجہ کا دلی طور پر شکرگزار ہوں جس نے اقوام متحدہ، سلامتی کونسل اور او آئی سی سمیت مختلف عالمی فورمز پر اسلامی جمہوریہ ایران کے حق میں مسلسل اور مضبوط حمایت فراہم کی ہے۔
انہوں نے کہا کہ ایران اور پاکستان کے عوام اور حکومتیں تاریخی طور پر ہمیشہ ایک دوسرے کے ساتھ کھڑی رہی ہیں، ایران کے عوام پاکستانی قوم کی جانب سے برادری اور حمایت کے اس تاریخی مظاہرے کو کبھی نہیں بھولیں گے۔
رضا امیری نے لکھا کہ یہ تاریخ ساز فتح مسلم امہ کی اجتماعی یادداشت میں فخر، طاقت، خود اعتمادی، ہمت اور سچائی کی بالادستی اور باطل پر حق کے غلبے کی علامت کے طور پر ہمیشہ یاد رکھی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی