آپریشن بُنْيَان مَّرْصُوْص مکمل، پاکستان نے بھارت کیساتھ 22 اپریل سے 10مئی تک کے معرکےکو ’معرکہ حق‘ کا نام دے دیا
اشاعت کی تاریخ: 12th, May 2025 GMT
راولپنڈی(نیوز ڈیسک)معرکہ حق،آپریشن “بنیان مرصوص”: پاکستان کی تاریخ ساز جوابی کارروائی،پاکستان کی مسلح افواج نے 10 مئی 2025 کو بھارت کی جانب سے 6 اور 7 مئی کی درمیانی شب شروع کی گئی بزدلانہ جارحیت اور بے گناہ پاکستانی شہریوں، خواتین، بچوں اور بزرگوں کی شہادت کے جواب میں عظیم الشان آپریشن “بنیان مرصوص” کامیابی سے مکمل کیا۔
یہ کارروائی بھارتی حملوں کے خلاف انصاف، انتقام اور قومی وقار کی بحالی کا وعدہ تھا، جو الحمدللہ مسلح افواج نے پورا کر دکھایا۔
مسلح افواج نے اللہ رب العزت کی مدد، نصرت اور کرم کا شکر ادا کرتے ہوئے کہا کہ مظلوموں کو جواب دینا ایمان کا تقاضا ہے، اور ہم عاجزی سے سجدہ ریز ہیں کہ اللہ نے ہمیں اپنے عزم کو عمل میں بدلنے کی توفیق عطا فرمائی۔
ہم اپنے شہداء کے اہلِ خانہ کے ساتھ اظہارِ ہمدردی کرتے ہیں اور زخمیوں کی جلد صحت یابی کے لیے دعا گو ہیں۔
ہم ہر اُس سپاہی، افسر، ہوا باز اور سیلر کے ممنون ہیں جن کی بہادری، پیشہ ورانہ مہارت اور قربانی سے یہ کامیابی ممکن ہوئی۔
ہم پاکستانی قوم کے بھی شکر گزار ہیں جنہوں نے بھرپور حمایت اور دعا کے ذریعے ہمیں تقویت بخشی۔
پاکستانی نوجوانوں نے سائبر اور معلوماتی محاذ پر فرنٹ لائن سپاہیوں کا کردار ادا کیا۔
پاکستانی میڈیا نے بھارتی جھوٹ اور وار مونسٹرنگ کا ڈٹ کر مقابلہ کیا، اور ’’بنیان مرصوص‘‘ کی طرح سیسہ پلائی دیوار ثابت ہوا۔
ہم اپنے سائنسدانوں اور انجینئرز کے بھی شکر گزار ہیں جنہوں نے اس کامیابی کے لیے جدید ٹیکنالوجی تیار کی۔
تمام سیاسی جماعتوں کی غیر مشروط حمایت اور یکجہتی نے دفاعِ وطن کے محاذ کو مزید مضبوط کیا۔
وزیر اعظم پاکستان اور اُن کی کابینہ کے فیصلے قومی تقدیر بدلنے کا باعث بنے۔
آپریشن “بنیان مرصوص” ایک مثالی ’’ٹری سروسز جوائنٹ آپریشن‘‘ تھا۔ فضائی، زمینی، بحری اور سائبر میدانوں میں مربوط کارروائیوں کے ذریعے دشمن کو فیصلہ کن ضربیں لگائی گئیں۔
پاکستان آرمی کے “فتح” سیریز میزائل (F1 اور F2)، پاک فضائیہ کے پریسیژن گائیڈڈ ہتھیار، جدید ترین گھومنے والے ڈرونز اور توپخانے نے بھارتی فوج کے 26 بڑے اہداف کو نشانہ بنایا، جن میں وہ تمام تنصیبات شامل تھیں جہاں سے پاکستانی شہریوں پر حملے کیے گئے۔
اہم اہداف:
بھارتی ایئرفورس اور ایوی ایشن بیسز: سورت گڑھ، سرسا، بھُج، نالیا، آدم پور، بھٹنڈہ، برنالہ، حلواڑہ، آونتی پورہ، سری نگر، جموں، ادھم پور، ممون، امبالہ، پٹھان کوٹ – سب کو شدید نقصان پہنچایا گیا۔
بریہموس میزائل اسٹوریج (بیاس، نگروٹہ) تباہ کیے گئے۔
ایس-400 بیٹریز (آدم پور، بھُج) مکمل طور پر ناکارہ بنا دی گئیں۔
لاجسٹک و سپورٹ سائٹس، ملٹری ہیڈکوارٹرز (10 بریگیڈ، 80 بریگیڈ – نوشہرہ و کے جی ٹاپ) تباہ کیے گئے۔
بھارتی انٹیلیجنس یونٹس، پراکسی ٹریننگ سینٹرز (راجوری، نوشہرہ) مکمل طور پر ختم کر دیے گئے۔
ایل او سی کے پار، بھارتی توپخانے، پوسٹس اور لاجسٹک بیسز کو مسلسل نشانہ بنایا گیا، یہاں تک کہ انہوں نے سفید جھنڈے اٹھا کر جنگ بندی کی درخواست کی۔
بھارتی ڈرونز کی فضائی خلاف ورزی کے جواب میں پاکستان کے مسلح ڈرونز دہلی سے گجرات تک بھارتی حساس علاقوں میں مسلسل پرواز کرتے رہے، جو پاکستان کی مہلک طویل فاصلے کی یو اے وی صلاحیت کا ثبوت تھا۔
پاک افواج نے بھارتی سائبر انفراسٹرکچر پر بھی مؤثر کارروائی کی، جو ان کے آپریشنز کی بنیاد تھے۔
اس جنگ میں پاکستان نے محدود ٹیکنالوجیز کا استعمال کیا اور ردعمل میں غیر معمولی ضبط کا مظاہرہ کیا۔ تمام اہداف وہی تھے جو پاکستانی شہریوں کے قتلِ عام میں ملوث تھے۔
اس دوران بھارت کی طرف سے کے پی اور بلوچستان میں دہشت گردی میں اضافہ واضح کرتا ہے کہ وہ پاکستان میں دہشت گردی کا براہِ راست سرغنہ ہے۔ لیکن پاک افواج نے مغربی محاذ پر بھی بیک وقت بھرپور انسداد دہشت گردی آپریشنز جاری رکھے۔
مارکۂ حق ایک قومی طاقت کی بہترین مثال بنی، جس میں عوام، افواج، حکومت، میڈیا، اور نوجوان سب یکجان ہو گئے۔
جب بھی پاکستان کی خودمختاری کو چیلنج کیا جائے گا، جواب فیصلہ کن اور ہمہ گیر ہوگا۔
“وہ چالیں چلتے ہیں، اور اللہ بھی چالیں چلتا ہے، اور اللہ سب سے بہتر چال چلنے والا ہے”
(سورۃ الانفال)
پاکستان زندہ باد
افواجِ پاکستان پائندہ باد
مزیدپڑھیں:پاک فوج نے دشمن کو منہ توڑ جواب دیا، وزیراعظم سے ترکیہ کے سفیر کی ملاقات
ذریعہ: Daily Ausaf
کلیدی لفظ: بنیان مرصوص پاکستان کی افواج نے
پڑھیں:
کرکٹ: بھارت اور پاکستان کی ایک دوسرے کے کھلاڑیوں کے خلاف شکایت
اسلام آباد (اُردو پوائنٹ ۔ DW اردو۔ 25 ستمبر 2025ء) کرکٹ ایشیا کپ 2025 کے دوران بھارت اور پاکستان کے درمیان تنازعات کا سلسلہ ختم ہونے کے بجائے وسیع تر ہوتا جا رہا ہے۔
اطلاعات ہیں کہ بھارتی کرکٹ بورڈ نے گزشتہ اتوار کے روز ایشیا کپ کے سپر چار کے میچ کے دوران مبینہ 'اشتعال انگیز اشاروں' پر پاکستانی کھلاڑی حارث رؤف اور صاحبزادہ فرحان کے خلاف آئی سی سی میں باضابطہ شکایت درج کرائی ہے۔
پاکستانی کرکٹ بورڈ نے بھی بھارتی کرکٹ ٹیم کے کپتان سوریہ کمار یادو کے ایک متنازعہ بیان کے خلاف انٹرنیشنل کرکٹ کونسل میں شکایت درج کرائی ہے۔
بھارتی خبر رساں ادارے پی ٹی آئی نے یہ خبر ذرائع کے حوالے سے دی تھی، جسے بھارت کے بیشتر میڈیا اداروں نے تفصیل سے شائع کیا ہے۔
(جاری ہے)
پاکستانی کھلاڑیوں کے خلاف شکایت کیا ہے؟بھارتی ایجنسی کا کہنا ہے کہ اسے معتبر ذرائع سے معلوم ہوا ہے کہ بھارتی کرکٹ بورڈ (بی سی سی آئی) نے بدھ کے روز پاکستان کے دونوں کرکٹرز کے خلاف شکایت درج کرائی تھی اور آئی سی سی کو ای میل موصول ہوئی ہے۔
اطلاعات کے مطابق صاحبزادہ فرحان اور حارث رؤف کی جانب سے الزامات کا تحریری طور پر جواب دیے جانے کی توقع ہے۔ تاہم انہیں سماعت کے لیے انٹرنیشنل کرکٹ کونسل کے (آئی سی سی) کے ایلیٹ پینل کے ریفری رچی رچرڈسن کے سامنے بھی پیش ہونا پڑ سکتا ہے۔
پاکستان کا اعتراض کس بات پر ہے؟ادھر پاکستان کرکٹ بورڈ نے بھی بھارتی ٹیم کے کپتان سوریہ کمار یادیو کے خلاف ایک باضابطہ شکایت درج کرائی ہے، جنہوں نے پاکستان کے خلاف پہلے میچ کی جیت کو پہلگام حملے کے متاثرین کے ساتھ اظہار یکجہتی اور آپریشن سیندور میں شامل ہونے والے فوجیوں کو وقف کرنے کے لیے استعمال کیا تھا۔
اصولوں کے مطابق بین الاقوامی میچوں کے دوران کھلاڑیوں کی جانب سے سیاسی بیان بازی ممنوع ہیں اور پی سی بی کا الزام ہے کہ 14 ستمبر کے پہلے میچ کے بعد سوریا کے تبصرے عین "سیاسی" نوعیت کے ہیں۔
تاہم تکنیکی طور پر یہ دیکھنے کی ضرورت ہے کہ یہ شکایت کب درج کرائی گئی، کیونکہ عموماً اس طرح کی شکایت بیان کے سات دن کے اندر اندر درج کرنے کی ضرورت ہوتی ہے۔
اگر آئی سی سی بھارتی کپتان کو سماعت کے لیے بلاتی ہے، تو انہیں اپنے ان سیاسی بیانات کی وضاحت کرنی پڑے گی، جو اصولی طور ممنوع ہیں۔
بھارت کی شکایت کیا ہے؟21 ستمبر کے روز ایشیا کپ سپر فور کے پہلے میچ کے دوران حارث رؤف کو میدان پر اس طرح کے اشارے کرتے ہوئے دیکھا گیا جیسے جہاز آسمان سے نیچے گر رہا ہو۔ بھارت میں عام تصور یہ پایا جاتا ہے کہ وہ پاکستان کے خلاف بھارتی فوجی کارروائی کا مذاق اڑا نے کے لیے طیارے گرانے کی نقل اتارنے کی کوشش کر رہے تھے۔
بھارتی ٹیم اس وقت میچ جیتنے کے قریب تھی اور ٹیم کے حامی اس دوران پرجوش نعرے بازی کر رہے تھے اسی دوران حارث رؤف نے آسمان سے طیارہ گرنے کے اشارے کیے۔ واضح رہے کہ مئی میں دونوں ملکوں کے درمیان مختصر لڑائی کے دوران پاکستان نے بھارت کے متعدد جنگی طیارے مار گرانے کا دعوی کیا تھا، جس کی بھارت نے بھی کبھی تردید نہیں کی۔
اسی میچ کے دوران صاحبزادہ فرحان نے اپنی نصف سنچری مکمل کرنے کے بعد خوشی کے طور پر اپنے بلے کو مشین گن کی طرح کے اشارے سے اوپر اٹھایا اور جشن منایا۔
البتہ فرحان نے میچ کے بعد صحافیوں سے بات کرتے ہوئے کہا تھا کہ "وہ جشن اس وقت صرف ایک لمحہ تھا، میں 50 رنز بنانے کے بعد زیادہ جشن نہیں کرتا، لیکن، اچانک میرے ذہن میں آیا کہ چلو آج جشن مناتے ہیں۔ میں نے ایسا کیا، مجھے نہیں معلوم کہ لوگ اسے کیسے لیں گے، مجھے اس سے کوئی فرق بھی نہیں پڑتا ہے۔"
حالانکہ ماضی میں مہندر سنگھ دھونی جیسے کھلاڑی بھی خوشی کے موقع پر بیٹ کو بندوق کی طرح اٹھانے کی حرکت کر چکے ہیں۔ تاہم آئی سی سی کی سماعت میں رؤف اور صاحبزادہ دونوں کو اپنے ان اشاروں کی وضاحت کرنا ہو گی اور اگر وہ قائل نہ کر سکے تو ضابطہ اخلاق کے مطابق انہیں پابندیوں کا سامنا کرنا پڑ سکتا ہے۔
کیلیفورنیامیں بھارتی انجینئر پولیس کی فائرنگ سے ہلاک