پاکستان کا فلائٹ آپریشن معمول پر آگیا، حج پروازیں بحال
اشاعت کی تاریخ: 13th, May 2025 GMT
پاکستان میں بین الاقوامی فضائی آپریشن بتدریج معمول پر آ گیا ہے اور سعودی عرب سمیت 15 ممالک نے مختلف پاکستانی ایئرپورٹس کے لیے پروازیں بحال کر دی ہیں۔
ایئرپورٹ ذرائع کے مطابق حج فلائٹ آپریشن بھی تیزی سے تکمیل کی جانب گامزن ہے اور ملک بھر سے حجاج کرام کی روانگی کا سلسلہ جاری ہے۔ سعودی ایئر لائن نے بھی آج سے لاہور اور اسلام آباد کے لیے باقاعدہ پروازیں شروع کر دی ہیں۔ جدہ سے لاہور اور اسلام آباد کے لیے سعودی ایئر کی پروازیں باقاعدگی سے آپریٹ کی جا رہی ہیں۔
ایئرلائن ذرائع کا کہنا ہے کہ پاکستانی ایوی ایشن حکام حج پروازوں کو مکمل معمول پر لانے کے لیے بھرپور کوششیں کر رہے ہیں تاکہ تمام عازمین حج کو بروقت روانہ کیا جا سکے۔
مزید پڑھیں: وزرات مذہبی امور نے عازمین حج کو کس بات سے محتاط رہنے کا مشورہ دیا؟
ایئرپورٹ ذرائع کے مطابق، جن 15 ممالک نے پاکستان کے لیے فلائٹ آپریشن بحال کیا ہے، ان میں سعودی عرب، متحدہ عرب امارات، قطر، بحرین، ترکی، عمان، کویت، ملائیشیا، برطانیہ، چین، آذربائیجان، تھائی لینڈ، عراق، ایران اور اٹلی شامل ہیں۔
ایوی ایشن حکام کا کہنا ہے کہ آئندہ چند روز میں مزید پروازوں کی تعداد میں اضافہ متوقع ہے، جس کے بعد فضائی آپریشن مکمل معمول کے مطابق بحال ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: کے لیے
پڑھیں:
بجلی صارفین متوجہ ہوں،اہم اعلان سامنے آگیا
اسلام آباد (نیوز ڈیسک) وفاقی وزیر توانائی اویس لغاری نے کہا ہے کہ بجلی کے مجموعی بلوں میں کمی ہوئی ہے تاہم یہ درست ہے کہ فکسڈ چارجز دوگنا ہو گئے ہیں۔ سبسڈی ملتی رہی تو بجلی کی قیمت میں 5 سے 6 روپے فی یونٹ کمی کرتا رہوں گا۔ آنے والے دنوں میں دوپہر کے وقت شمسی توانائی سے کم نرخوں پر بجلی فروخت کی جائے گی۔
نجی ٹی وی سے گفتگو کرتے ہوئے اویس لغاری نے کہا کہ جب مفتاح اسماعیل خود وزیر تھے تو 18 ہزار میگاواٹ خریدنے جا رہے تھے، ہم صرف 9 ہزار میگاواٹ خریدنے جا رہے ہیں، جس کی تفصیلات موجود ہیں۔ مجھے نہیں معلوم مفتاح اسماعیل کے پاس 26000 میگاواٹ کا اعداد و شمار کہاں سے آیا۔ اس اعداد و شمار میں نیٹ میٹرنگ بھی شامل ہے، جس پر کوئی صلاحیت کی ادائیگی نہیں کی جا رہی ہے۔
اویس لغاری نے کہا کہ جولائی 2025 سے اب تک بجلی کی کھپت میں 8 سے 9 فیصد اضافہ ہوا ہے جب کہ گزشتہ 9 سے 10 ماہ میں بجلی کی کھپت میں تقریباً 7 سے 9 فیصد اضافہ ہوا ہے۔ بجلی کی کھپت بڑھ گئی ہے جو نیپرا کی ویب سائٹ پر دیکھی جا سکتی ہے۔ جب میں وزارت میں آیا تو اس میں سے 9 ہزار میگاواٹ لی۔ بقیہ 9000 میگاواٹ بجلی داسو اور بھاشا سے خریدی جائے گی۔ اس 9,000 میگاواٹ میں 1,200 میگاواٹ کا ایٹمی پلانٹ بھی شامل ہے۔
وفاقی وزیر کے مطابق میں نے پاور ڈویژن کے اخراجات آدھے اور ڈسکوز کے نقصانات کو کم کیا ہے۔ اس سال ڈسکوز کے نقصانات کو 586 ارب روپے سے کم کر کے 300 ارب روپے کر دوں گا۔ میں نے ٹیکس دہندگان کا پیسہ آدھا کر دیا ہے جو ہمارے فضول خرچیوں پر استعمال ہو رہا تھا۔ اگر سبسڈی جاری رہی تو بجلی کی قیمت میں 4، 5 سے 6 روپے کمی کرتا رہوں گا، میں نے ٹیکس دہندگان کے 600 ارب روپے بچائے ہیں۔
مزید پڑھیں۔روس کے کیف سمیت مختلف یوکرینی شہروں پر شدید حملے، 18 افراد ہلاک، 100 سے زائد زخمی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ