پاک فوج نے 6 اور 7 مئی کی درمیانی شب بھارتی جارحیت میں شہید افسران اور شہریوں کی تعداد جاری کردی
اشاعت کی تاریخ: 13th, May 2025 GMT
پاک فوج نے 6 اور 7 مئی کی درمیانی شب بھارتی جارحیت میں شہید افسران اور شہریوں کی تعداد جاری کردی WhatsAppFacebookTwitter 0 13 May, 2025 سب نیوز
راولپنڈی (آئی پی ایس) پاک فوج نے 6 اور 7 مئی 2025 کی درمیانی شب بھارت کی مسلح افواج کی جانب گئی جارحیت میں شہداء اور زخمیوں کی تعداد بتا دی ہے، جن میں متعدد فوجی جوان بھی شامل ہیں۔
پاک فوج کے شعبہ تعلقات عامہ (آئی ایس پی آر) کی جانب سےجاری بیان میں کہا گیا ہے کہ 6 اور 7 مئی 2025 کی درمیانی شب بھارت کی مسلح افواج نے بلااشتعال، قابلِ مذمت اور بزدلانہ حملے کرتے ہوئے نہتے پاکستانی شہریوں کو نشانہ بنایا۔ ان سفاکانہ حملوں میں خواتین، بچے اور بزرگ نشانہ بنے۔
آئی ایس پی آر کے مطابق بھارتی جارحیت کے نتیجے میں 40 پاکستانی شہری شہید ہوئے جن میں 7 خواتین اور 15 بچے شامل ہیں، جب کہ 121 افراد زخمی ہوئے جن میں 10 خواتین اور 27 بچے بھی شامل ہیں۔
بیان کے مطابق پاکستانی مسلح افواج نے اس سنگین جارحیت کا منہ توڑ جواب دیتے ہوئے ”معرکۂ حق“ کے تحت بھرپور جوابی کارروائی کی، جس کا نام ”آپریشن بنیان مرصوص“ رکھا گیا۔ ان کارروائیوں میں دشمن کو ٹھوس اور ٹھیک نشانہ بناکر بھاری نقصان پہنچایا گیا، اور پاکستان نے اپنی دفاعی صلاحیت کا بھرپور مظاہرہ کیا۔
آئی ایس پی آر کا کہنا ہے کہ وطنِ عزیز کا دفاع کرتے ہوئے 11 پاکستانی فوجی جوان شہید ہوئے اور 78 زخمی ہوئے۔ یہ جوان قوم کے ماتھے کا جھومر ہیں جنہوں نے جرأت، وفاداری اور بے مثال قربانی کا مظاہرہ کرتے ہوئے جامِ شہادت نوش کیا۔
پاک فوج کے شہداء:
نائیک عبد الرحمٰن
لانس نائیک دلاور خان
لانس نائیک اکرام اللہ
نائیک وقار خالد
سپاہی محمد عدیل اکبر
سپاہی نثار
پاک فضائیہ کے شہداء:
اسکواڈرن لیڈر عثمان یوسف
چیف ٹیکنیشن اورنگزیب
سینیئر ٹیکنیشن نجیب
کارپورل ٹیکنیشن فاروق
سینیئر ٹیکنیشن مبشر
قوم ان شہداء کو خراج عقیدت پیش کرتی ہے جن کی قربانی ہمیشہ یاد رکھی جائے گی۔ ان کی جرأت اور حب الوطنی پاکستان کے دفاع کی علامت بن چکی ہے۔
آئی ایس پی آر کا کہنا ہے کہ پاکستان کی مسلح افواج اور پوری قوم شہید شہریوں اور فوجی اہلکاروں کو خراجِ تحسین پیش کرتی ہے اور زخمیوں کی جلد صحت یابی کے لیے دعا گو ہے۔ قوم کسی بھی جارحیت کے سامنے سیسہ پلائی دیوار بنی کھڑی ہے۔ اگر آئندہ کبھی پاکستان کی خودمختاری یا سرحدی سالمیت کو چیلنج کیا گیا تو دشمن کو فی الفور، ہمہ جہت اور فیصلہ کن جواب دیا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآپریشن سندور ،بھارت ماتا کی مانگ میں راکھ بھر گیا، سینیٹر عرفان صدیقی آپریشن سندور ،بھارت ماتا کی مانگ میں راکھ بھر گیا، سینیٹر عرفان صدیقی پشاور میں ڈرونز اور کواڈ کاپٹر اڑانے پر پابندی، دفعہ 144نافذ جی ایچ کیو حملہ کیس، رہنما پی ٹی آئی کی امریکا جانے کی اجازت سے متعلق درخواست مسترد نائب وزیراعظم اسحاق ڈار سے سعودی سفیر کی ملاقات،دوطرفہ تعلقات کے تمام پہلوئوں پر تبادلہ خیال آرمی چیف جنرل عاصم منیر کا سی ایم ایچ کا دورہ ، معرکہ حق کے دوران زخمی ہوئے جوانوں اور شہریوں کی عیادت وزیراعظم کا آپریشن معرکہ حق کے شہدا اور زخمیوں کیلئے پیکیج کا اعلان، ورثا کا ایک کروڑ دیئے جائیں گےCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: کی درمیانی شب اور 7 مئی پاک فوج
پڑھیں:
کراچی میں بارش کے دوران روڈ کارپیٹنگ کی ویڈیو وائرل، شہریوں کی شدید تنقید
سوشل میڈیا پر شہر قائد کی ایک ویڈیو وائرل ہو رہی ہے جس کے بارے میں کہا جا رہا ہے کہ گرومندر کے قریب سڑک کی کارپیٹنگ کا کام جاری تھا کہ اسی دوران بارش ہو گئی۔
ویڈیو وائرل ہونے کے بعد صارفین کی جانب سے انتظامیہ پر خوب تنقید کی جا رہی ہے۔ ایک صارف نے کہا کہ پورے ملک کو پتہ تھا کراچی میں جمعرات سے اتوار تک بارشیں ہوں گی کیا حکومت کو نہیں پتا تھا جو اس دِن ہی سڑک بنانی تھی۔
عادل خان کا کہنا تھا کہ جون اور جولائی کے مہینے میں روڈ کارپیٹنگ کا کام ہوتا ہی نہیں ہے یہ جماعت اسلامی کے کارنامے ہیں، جبکہ ایک صارف کا کہنا تھا کہ ان کو صرف بارش میں کام یاد آتا ہے ویسے یہ سوئے رہتے ہیں۔
ایک صارف کا کہنا تھا کہ کن نااہل لوگوں کو ملک پر مسلط کر دیا ہے۔ غضنفر عباس نے کہا کہ بارشوں کا ایک ہفتہ پہلے ہی بتا دیا گیا تھا تو یہ کام پہلے مکمل نہیں کیا جا سکتا تھا، جبکہ ایک سوشل میڈیا صارف نے کہا کہ جو کہیں نہ ہو وہ کام کراچی میں ہوتا ہے۔
گرومندر پر بارش کے دوران کارپیٹنگ کی ویڈیو پر بلدیہ عظمیٰ کراچی کے ڈائریکٹر جنرل (ڈی جی) ٹیکنیکل سروسز طارق مغل کی جانب سے وضاحتی بیان جاری کیا گیا ہے جس میں ان کا کہنا تھا کہ محرم الحرام سے قبل کراچی کے مختلف علاقوں میں سڑکوں کی مرمت اور کارپیٹنگ کا کام محکمہ انجینئرنگ کی جانب سے جاری تھا۔
انہوں نے کہا کہ گرومندر کے قریب بھی روڈ کارپیٹنگ کا عمل معمول کے مطابق جاری تھا کہ اچانک بارش کا آغاز ہو گیا۔ طارق مغل کے مطابق متعلقہ سڑک پر ڈامر ڈالنے کا عمل مکمل ہو چکا تھا جب بارش شروع ہوئی، جس کے بعد فوری طور پر کام روک دیا گیا اور اسی دوران کسی شہری نے اس کی ویڈیو بنا کر سوشل میڈیا پر شیئر کر دی، جس سے غلط فہمی پیدا ہوئی کہ بارش کے دوران کارپیٹنگ کا عمل جاری رکھا گیا۔
ڈی جی ٹیکنیکل کا مزید کہنا تھا کہ بارش کے مکمل اختتام تک کارپیٹنگ کا کام معطل کر دیا گیا ہے، اور آئندہ بھی موسم کی صورتحال کو مدنظر رکھتے ہوئے ہی کام کا آغاز کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کارپیٹنگ کراچی گرومندر روڈ ویڈیو وائرل
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی