آرمی چیف جنرل عاصم منیر کی فیلڈ مارشل کے عہدے پر ترقی کا نوٹیفکیشن جاری
اشاعت کی تاریخ: 20th, May 2025 GMT
آرمی چیف جنرل سیّد عاصم منیر کی فیلڈ مارشل کے عہدے پر ترقی کا نوٹیفکیشن جاری کردیا گیا۔
آرمی چیف کی فیلڈ مارشل کے عہدے پر ترقی کا نوٹیفکیشن وزارت دفاع کی طرف سے جاری کیا گیا ہے۔
یہ بھی پڑھیں حکومت نے آرمی چیف جنرل عاصم منیر کو فیلڈ مارشل کے عہدے پر ترقی دینے کی منظوری دے دی
واضح رہے کہ وزیراعظم شہباز شریف کی زیرصدارت وفاقی کابینہ کے اجلاس میں آرمی چیف جنرل سید عاصم منیر کو فیلڈ مارشل کے عہدے پر ترقی دینے کا فیصلہ کیا گیا۔ جبکہ ایئر چیف مارشل ظہیر احمد بابر کی مدت ملازمت مکمل ہونے کے باوجود ان کی خدمات جاری رکھنے کا بھی متفقہ فیصلہ کیا گیا۔
حکومت پاکستان کی جانب سے معرکہ حق، آپریشن بنیان مرصوص کی اعلیٰ حکمتِ عملی اور دلیرانہ قیادت کی بنیاد پر ملک کی سلامتی کو یقینی بنانے اور دشمن کو شِکست فاش دینے پر جنرل سید عاصم منیر (نشان امتیاز ملٹری) کو فیلڈ مارشل کے عہدے پر ترقی دینے کی منظوری دے دی گئی۔
وفاقی کابینہ نے کہاکہ 6 اور 7 مئی 2025 کی رات بھارت نے پاکستان پر بلا اشتعال اور بلا جواز جنگ مسلط کی، پاکستان کی سول آبادی میں معصوم شہریوں بشمول خواتین اور بچوں کو نشانہ بنایا گیا۔ دشمن کی جانب سے پاکستان کی خود مختاری اور سرحدی سالمیت کو پامال کرنے کی مذموم کوشش کی گئی۔
وزیراعظم نے صدر مملکت آصف علی زرداری سے ملاقات کرکے انہیں اس فیصلے کے حوالے سے اعتماد میں لیا۔
حکومت نے ایئر چیف مارشل ظہر احمد بابر سدھو کی مدت ملازمت پوری ہونے پر ان کی خدمات کو جاری رکھنے کا بھی متفقہ فیصلہ کرلیا۔
یہ بھی پڑھیں ایئر چیف مارشل ظہیر احمد بابر کی مدت ملازمت پوری ہونے پر ان کی خدمات جاری رکھنے کا فیصلہ
وفاقی کابینہ نے یہ بھی فیصلہ کیاکہ افواج پاکستان کے افسران و جوانوں، غازیان، شہدا اور مختلف شعبوں سے تعلق رکھنے والے پاکستانی شہریوں کو آپریشن بنیان مرصوص کے دوران ان کی گراں قدر خدمات کے اعتراف میں اعلیٰ سرکاری ایوارڈز سے نوازا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آرمی چیف جنرل سید عاصم منیر فیلڈ مارشل نوٹیفکیشن جاری وی نیوز.ذریعہ: WE News
کلیدی لفظ: ا رمی چیف فیلڈ مارشل نوٹیفکیشن جاری وی نیوز فیلڈ مارشل کے عہدے پر ترقی ا رمی چیف جنرل
پڑھیں:
پی پی ایس سی کا مختلف اسامیوں کے تحریری اور حتمی نتائج کا نوٹیفکیشن جاری
قیصر کھوکھر : سیکرٹری پنجاب پبلک سروس کمیشن، افضال احمد نےمحکمہ ریونیو، اطلاعات و ثقافت، بلدیات، معدنیات، ہاؤسنگ، مواصلات، اور دیگر مختلف محکموں کی اسامیوں کے تحریری اور حتمی نتائج کا نوٹیفکیشن جاری کردیا ہے۔
پنجاب پبلک سروس کمیشن نے حکومت پنجاب کے 13 مختلف محکموں کی اسامیوں کے تحریری اور حتمی نتائج کا اعلان کیا ہے۔
محکمہ پرائمری اینڈ سیکنڈری ہیلتھ کیئر، ڈائریکٹوریٹ آف ڈرگ کنٹرول میں لاء آفیسر کی 2 آسامیوں کے لیے 11 امیدوار تحریری امتحان میں کامیاب قرار پائے ہیں۔
سپورٹس بورڈ پنجاب، یوتھ افیئرز اینڈ اسپورٹس ڈیپارٹمنٹ میں اسسٹنٹ ڈائریکٹر اسٹیٹ مینجمنٹ کی ایک آسامی کے لیے 5 امیدوار تحریری امتحان میں کامیاب ہوئے ہیں۔
محکمہ اطلاعات و ثقافت کے ذیلی ادارے پنجاب جرنلسٹس ہاؤسنگ فاؤنڈیشن میں ایڈمنسٹریٹر کی ایک آسامی کے لیے ایک امیدوار کو حتمی طور پر کامیاب قرار دیا گیا ہے۔
محکمہ معدنیات میں جیولوجسٹ کی آسامیوں کے لیے 2 امیدواروں کو حتمی طور پر کامیاب قرار دیا گیا ہے۔
محکمہ بلدیات، لوکل گورنمنٹ اینڈ کمیونٹی ڈویلپمنٹ میں میونسپل آفیسر (فنانس) / ڈپٹی میونسپل آفیسر / اسسٹنٹ ڈائریکٹر کی آسامیوں کے لیے 6 امیدواروں کو حتمی طور پر کامیاب قرار دیا گیا ہے۔
محکمہ آبپاشی میں سب انجینئر (سول) سرگودھا زون کی 18 اسامیوں کے لیے 17 امیدواروں کو حتمی طور پر کامیاب قرار دیا گیا ہے جبکہ اقلیتی کوٹہ کی ایک آسامی موزوں امیدوار نہ ملنے کی وجہ سے خالی رہی۔
محکمہ ہاؤسنگ اربن ڈویلپمنٹ اینڈ پبلک ہیلتھ انجینئرنگ، واسا گوجرانوالہ میں اسسٹنٹ ڈائریکٹر (سول انجینئرنگ) کی 3 آسامیوں کے لیے 3 امیدواروں کو کامیاب قرار دیا گیا ہے۔
راولپنڈی ڈویلپمنٹ اتھارٹی میں اسسٹنٹ ڈائریکٹر (پلاننگ / بلڈنگ کنٹرول / میٹروپولیٹن لینڈ یوز) کی 3 آسامیوں کے لیے 3 امیدوار حتمی طور پر کامیاب قرار دیے گئے ہیں۔
ڈپٹی کمشنر / ڈسٹرکٹ کلیکٹر آفس جہلم میں اسٹینوگرافر کی 10 آسامیوں میں سے 2 امیدواروں کو کامیاب قرار دیا گیا ہے جبکہ 8 آسامیاں موزوں امیدواروں کی عدم دستیابی کی وجہ سے خالی رہ گئیں۔
ڈپٹی کمشنر / ڈسٹرکٹ کلیکٹر آفس بہاولنگر میں اسٹینوگرافر کی 10 آسامیاں مشتہر کی گئیں جن میں سے ایک امیدوار کو کامیاب قرار دیا گیا ہے جبکہ 9 آسامیاں موزوں امیدوار نہ ہونے کی وجہ سے خالی رہ گئیں۔
محکمہ سروسز اینڈ جنرل ایڈمنسٹریشن میں کمیونیکیشن سیکیورٹی اسسٹنٹ کی ایک آسامی کے لیے ایک امیدوار کو حتمی طور پر کامیاب قرار دیا گیا ہے۔
محکمہ آبپاشی لاہور زون میں ضلعدار (سروس کوٹہ) کی ایک آسامی کے لیے ایک امیدوار کو کامیاب قرار دیا گیا ہے
محکمہ اسپیشلائزڈ ہیلتھ کیئر اینڈ میڈیکل ایجوکیشن میں سینئر رجسٹرار گائناکالوجی کی 60 آسامیوں کے لیے 57 امیدواروں کو حتمی طور پر کامیاب قرار دیا گیا ہے، جبکہ اقلیتی کوٹہ اور خصوصی افراد کوٹہ کی 3 آسامیاں خالی رہ گئیں۔
حتمی فہرستیں پنجاب پبلک سروس کمیشن کی ویب سائٹ پر بھی دستیاب ہیں۔
معمولی تلخ کلامی پر فائرنگ سے شہری کو زخمی کرنے والا ملزم گرفتار
Ansa Awais Content Writer
سانحہ سوات کے بعد دریا کے قریب قائم ہوٹلوں اور تجاوزات کیخلاف گرینڈ آپریشن