بھارت اپنی ناکامی کا بدلہ معصوم عوام سے لینا چاہتا ہےآفاق احمد
اشاعت کی تاریخ: 22nd, May 2025 GMT
خضدار میں معصوم بچوں کی بس پر بزدلانہ حملہ بھارتی دہشت گردی ہے،شہادت پر غم وغصہ کا اظہار
آرمی چیف عاصم منیر کوفیلڈمارشل کی تقرری پر مبارکباد پیش کرتے ہیں،چیئر مین مہاجر قومی موومنٹ
مہاجر قومی موومنٹ پاکستان کے چیئر مین آفاق احمد نے بلوچستان کے علاقے خضدار میں بچوں کی اسکول بس پر دہشت گردی کے حملے اور اس میںہونے والی معصوم لوگوں کی شہادت پر گہرے غم وغصہ کا اظہار کرتے ہوئے آفاق احمد نے کہا کہ دہشت گردی کی کوئی بھی کارروائی ہمارے عزم و حوصلے کوکمزور نہیں کرسکتی ، بھارت جنگ میںاپنی ناکامی کا بدلہ معصوم عوام سے لینا چاہتا ہے جوجنگی اصولوں کے قطعی منافی ہے۔انہوں نے کہا کہ بھارت حالیہ جنگ میں بدترین ناکامی کا بدلہ میدان جنگ میں لینے کے بجائے معصوم بچوں کی بس پر بزدلانہ حملے کرکے لینا چاہتا ہے جس کی شدید الفاظ میں مذمت کرتے ہیں ،ہم پہلے بھی جنگ کی حق میںنہیں تھے اور ناہی اب ایسا کوئی ارادہ رکھتے ہیں لیکن بھارت کی کسی بھی جارحیت کا جواب اس کی زبان میں دینے کی صلاحیت رکھتے ہیںیہ بات بھارت کو بھولنی نہیں چاہیے۔ آفاق احمد نے کہا کہ خضدار میں ہونے والی شہادتوں پر تمام قوم رنجیدہ ہے اور متاثرہ افراد کے خاندانوں کے دکھ میں برابر کی شریک ہے اللہ رباالعزت شہدا کے درجات بلندجبکہ لواحقین کو صبر جمیل عطافرمائے۔ اس موقع پر آفاق احمد نے آرمی چیف عاصم منیرکو فیلڈمارشل بننے پر مبارکباد پیش کی جبکہ اس بات کا اقرار کیاکہ بھارت کے خلاف آرمی چیف اور جوانوں نے جس بہادری کا مظاہرہ کیا وہ یقیناقابل ستائش ہے ، جس نے تمام قوم کا سر دنیا میں فخر سے بلند کیا ہے۔
ذریعہ: Juraat
کلیدی لفظ: ا فاق احمد نے
پڑھیں:
بنیان مرصوص کے جذبے سے دہشت گردی کا خاتمہ کریں گے، امیر مقام
سوات – : وزیر امور کشمیر اور پاکستان مسلم لیگ (ن) خیبرپختونخوا کے صدر انجینئرامیرمقام نے وزیراعظم شہبازشریف اور اپنی طرف سے باجوڑ دھماکے میں شہید ہونے والے اوڈیگرام سوات سے تعلق رکھنے والے اسسٹنٹ کمشنر باجوڑ شہید فیصل اسماعیل کی قبر پر حاضری دی، پھولوں کی چادر چڑھائی اور فاتحہ خوانی کی۔
وفاقی وزیر امیر مقام نے شہید کی عظیم قربانی کو خراجِ عقیدت پیش کیا۔ اس موقع پر پولیس کے چاق و چوبند دستے نے قومی ہیرو کو گارڈ آف آنر پیش کیا،
امیر مقام نے شہید کے اہل خانہ سے گہرے دکھ اور افسوس کا اظہار کیا۔ انہوں نے شہید فیصل اسماعیل کی بہادری اور فرض شناسی کو زبردست الفاظ میں خراجِ عقیدت پیش کرتے ہوئے کہا کہ شہدا پاکستان کی سلامتی، دفاع اور عوام کے جان و مال کے تحفظ کے لیے عظیم قربانیاں دے رہے ہیں
انہوں نے کہا:”شہید فیصل اسماعیل نے قوم کے لئے اپنی جان قربان کر دی۔
قوم ان کے حوصلے، عزم اور جذبے کو سلام پیش کرتی ہے۔ ہم لواحقین کے ساتھ کھڑے ہیں اور انہیں یقین دلاتے ہیں کہ حکومت شہدا کی قربانیاں رائیگاں نہیں جانے دے گی۔ دہشت گردوں کا نام و نشان مٹایا جا رہا ہے۔ بنیان مرصوص کے جذبے سے دہشت گردی کا خاتمہ کریں گے
وفاقی وزیر نے دہشت گردی کے خلاف جنگ جاری رکھنے اور عوام کی جان و مال کے تحفظ کو یقینی بنانے کے عزم کا اعادہ بھی کیا۔ انہوں نے علاقائی امن و امان برقرار رکھنے میں سول افسران اور قانون نافذ کرنے والے اداروں کے کردار کو سراہا۔
اس موقع پر مقامی حکام، انتظامیہ اور سینئر پولیس افسران موجود تھے۔
ہم شام اور لبنان کے ساتھ تعلقات کی بحالی کے خواہاں ہیں، صیہونی وزیر خارجہ