خیبرپختونخوا کے اسکولوں میں موسم گرما کی تعطیلات کا اعلان
اشاعت کی تاریخ: 22nd, May 2025 GMT
ملک کے کئی حصوں میں بڑھتے درجہ حرارت کے پیش نظر خیبرپختونخوا (کے پی) حکومت نے جمعرات کو صوبے بھر کے تمام سرکاری اور نجی اسکولوں میں موسم گرما کی تعطیلات کے شیڈول کا اعلان کیا ہے۔
یہ بھی پڑھیں:پنجاب میں ہیٹ ویو کی وجہ سے اسکولوں میں عام تعطیلات کا اعلان، اوقات کار بھی تبدیل
محکمہ ایلیمنٹری اینڈ سیکنڈری ایجوکیشن کی جانب سے جاری کردہ نوٹیفکیشن کے مطابق کے پی کے بیشتر اضلاع میں موسم گرما کی تعطیلات 15 جون سے شروع ہوں گی اور 31 اگست تک جاری رہیں گی۔
تاہم بالائی اضلاع کے لیے موسم گرما کی مختصر تعطیلات کا اعلان کیا گیا ہے، جہاں ان علاقوں میں نسبتاً معتدل موسم کو مدنظر رکھتے ہوئے یکم جولائی سے 31 جولائی تک اسکول بند رہیں گے۔
نوٹیفکیشن میں مزید کہا گیا ہے کہ اس شیڈول کا اطلاق صوبائی تعلیمی اتھارٹی کے تحت کام کرنے والے تمام سرکاری اور نجی شعبے کے اداروں پر ہوتا ہے۔
یاد رہے کہ پنجاب حکومت نے اس سے قبل صوبے کے اسکولوں کے لیے موسم گرما کی تعطیلات کا اعلان کیا تھا، جس میں صبح اور دوپہر کی شفٹوں کی مختلف تاریخیں تھیں۔
محکمہ اسکول ایجوکیشن پنجاب کے مطابق دوپہر کی شفٹ سکولوں میں 25 مئی سے گرمیوں کی چھٹیاں ہو رہی ہیں جبکہ دیگر سکولوں میں 28 مئی سے تعطیلات کا آغاز ہو گیا ہے۔
پنجاب کے تمام سرکاری اور نجی اسکول موسمی حالات کے پیش نظر 15 اگست کو دوبارہ کھلنے والے ہیں۔
اسکولوں کو ایک توسیعی مدت کے لیے بند کرنے کا فیصلہ ملک کے کئی حصوں میں شدید گرمی کی لہر کے پیش نظر کیا گیا ہے، جس سے والدین اور ماہرین تعلیم کی جانب سے بچوں کو گرمی سے متعلق بیماریوں سے بچانے کے لیے بروقت اقدامات کرنے کی اپیل کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکولوں کی چھٹیاں خیبرپختونخوا درجہ حرارت محکمہ تعلیم.
ذریعہ
ذریعہ: WE News
کلیدی لفظ: اسکولوں کی چھٹیاں خیبرپختونخوا محکمہ تعلیم موسم گرما کی تعطیلات تعطیلات کا اعلان گیا ہے کے لیے
پڑھیں:
سہیل آفریدی کے خلاف درخواستیں سماعت کے لیے مقرر، فریقین کو نوٹس جاری
وفاقی آئینی عدالت نے سہیل آفریدی کے خلاف دائر مختلف درخواستیں سماعت کے لیے مقرر کردی ہیں، جبکہ عمران خان رہائی فورس کے خلاف دائر درخواست اور خیبرپختونخوا میں 9 مئی کے مقدمات واپس لینے کے خلاف اپیل پر 29 جولائی کو سماعت ہوگی۔
چیف جسٹس جسٹس امین الدین خان کی سربراہی میں آئینی عدالت کا 3 رکنی بینچ ان درخواستوں کی سماعت کرے گا۔
یہ بھی پڑھیں: وزیراعلیٰ خیبر پختونخوا سہیل آفریدی کے وارنٹ گرفتاری، کیا مقدمات کے باعث ان کی کرسی خطرے میں ہے؟
عدالت نے خیبرپختونخوا حکومت سمیت تمام متعلقہ فریقین کو نوٹس جاری کر دیے ہیں، آئینی عدالت اس سے قبل 9 مئی کے مقدمات کی واپسی کے حکومتی فیصلے پر حکم امتناع بھی جاری کرچکی ہے۔
ریڈیو پاکستان کی جانب سے پشاورمیں ریڈیو پاکستان پر حملے سے متعلق مقدمہ واپس لینے کے خیبرپختونخوا حکومت کے فیصلے کو آئینی عدالت میں چیلنج کیا گیا تھا۔
مزید پڑھیں: ریاستی اداروں پر گمراہ کن الزامات لگانے کا کیس: سہیل آفریدی کے ناقابل ضمانت وارنٹ گرفتاری جاری
درخواست میں ریڈیو پاکستان نے مؤقف اختیار کیا ہے کہ مقدمہ خیبرپختونخوا سے کسی دوسرے صوبے منتقل کیا جائے، جس کی استدعا بھی عدالت کے سامنے زیر غور آئے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9 مئی جسٹس امین الدین خان چیف جسٹس حکم امتناع خیبر پختونخوا رہائی فورس ریڈیو پاکستان سہیل آفریدی عمران خان وزیر اعلی وفاقی آئینی عدالت
تحریکِ تحفظِ آئینِ پاکستان کا پارلیمنٹ ہائوس سے دھرنا ختم