کیا پنجاب میں 2 پاور ہاؤسز کام کررہے ہیں؟
اشاعت کی تاریخ: 25th, May 2025 GMT
لاہور(نیوز ڈیسک)مریم نواز اس وقت ایک طاقتور وزیراعلیٰ پنجاب ہیں، ٹرانسفر، پوسٹنگ یا کوئی اور کام سب وزیراعلیٰ کی مرضی کے مطابق ہورہے ہیں۔ کچھ روز قبل وزیر اعلیٰ پنجاب مریم نواز نے پارلیمانی پارٹی سے خطاب کرتے ہوئے ایم پی ایز کو کہاکہ جو کام میں کام کررہی ہوں تمام لوگ اس کو اون کریں اور اس کا کریڈٹ لیں۔
کچھ ماہ قبل نواز شریف نے بھی پنجاب کے تمام ڈویژنز کے لیگی اراکین اسمبلی سے ملاقاتیں کی تھیں جس میں ان کو یہی ہدایات دی گئی تھیں کہ اگر تجاوزات کے حوالے سے حلقوں میں انہیں تنقید کا سامنا ہے تو اپنے حلقے کے لوگوں کو بتائیں کہ شہروں کی خوبصورتی کے لیے یہ ضروری ہے، ان ملاقاتوں کے حوالے سے ذرائع سے یہ خبریں بھی چلائی گئیں کہ نواز شریف نے کابینہ میں توسیع کا گرین سگنل دے دیا ہے۔
ذرائع نے بتایا تھا کہ لاہور کے علاوہ پنجاب کے مختلف ڈویژنز سے ایک ایک صوبائی وزیر بنایا جائے گا۔
اب ذرائع کے مطابق ابھی تک کابینہ میں توسیع کا فیصلہ نہیں ہوا، تاہم بجٹ منظوری کے بعد اس معاملے کو دیکھا جاسکتا ہے۔ ’جن ایم پی ایز کو امید تھی کہ وہ کابینہ میں شامل ہو جائیں گے وہ اب قیادت سے خاصے ناراض نظر آتے ہیں۔‘
اراکین اسمبلی کے کام نہ ہونے کی وجہ سے انہیں وزیراعلیٰ پنجاب سے شکایات ہیں، جس کی وجہ سے اب ایم پی ایز کا رخ اسپیکر ہاؤس کی طرف ہے۔ اگرچہ پنجاب میں پاور کا مرکز وزیر اعلیٰ سیکریٹریٹ ہے مگر اسپیکر ہاؤس میں بھی اپنی طاقت کا بھر پور استعمال کیا جا رہا ہے۔
اراکین اسمبلی کیوں اسپیکر ہاؤس کی طرف دیکھ رہے ہیں؟
لیگی ذرائع کے مطابق وزیراعلیٰ سیکریٹریٹ میں اراکین اسمبلی کی شنوائی نہ ہونے کے باعث ایم پی ایز نے اسپیکر ہاؤس کی طرف رخ کرلیا ہے۔ اسپیکر پنجاب اسمبلی ایوان میں موجود اراکین کو مضبوط بنانا چاہتے ہیں، کچھ عرصہ قبل صوبائی وزیر معدنیات شیر علی گورچانی کی سیکریٹری معدنیات بابر امان نہیں سن رہے تھے تو اس معاملے کو پنجاب اسمبلی کی استحقاق کمیٹی کو ریفر کیا گیا جس میں چیئرمین استحقاق کمیٹی سمیع اللہ خان نے اسپیکر پنجاب اسمبلی ملک احمد خان کو بتایا کہ سیکریٹری معدنیات ایک ذہنی مریض ہیں۔
چیئرمین استحقاق کمیٹی نے سیکریٹری معدنیات کو عہدے سے ہٹانے کی تجویز دی جس پر اسپیکر صوبائی اسمبلی ملک احمد خان نے بابر امان کو عہدے سے ہٹا کر معاملہ جوڈیشل کمیٹی کو بھیج دیا۔
ملک احمد خان نے کہاکہ استحقاق کمیٹی 4 روز میں سیکریٹری معدنیات پر مفصل رپورٹ تیار کرے، چیف سیکریٹری ان کو عہدے سے ہٹا کر کاپی وزیراعلیٰ اور پنجاب اسمبلی کو بھیجیں، جس کے بعد انہیں عہدے سے ہٹا دیا گیا۔
اس طرح کا ایک اور معاملہ بھی سامنے آیا جب اراکین نے سیکریٹری صحت کے حوالے شکایات کے انبار لگا دیے، یہ شکایات کے انبار بھی اراکین نے اسپیکر پنجاب اسمبلی ملک احمد خان کے سامنے رکھے۔
پنجاب اسمبلی کے 50 سے زیادہ اراکین اسمبلی نے سیکریٹری صحت علی جان کے خلاف تحریک استحقاق جمع کراتے ہوئے کہاکہ یہ عوامی نمائندوں کی سفارشات ماننے سے انکاری ہیں، جس پر انہیں بھی عہدے سے ہٹا دیا گیا۔
’مریم نواز کے پسندیدہ بیوروکریٹ کو عہدے سے ہٹا دیا گیا‘
سابق سیکریٹری صحت علی جان وزیراعلیٰ مریم نواز کے پسندیدہ بیوروکریٹس میں سے تھے۔ شہباز شریف کے دور میں بھی وہ سیکرٹری صحت کے طور کام کرتے رہے۔
ذرائع نے بتایا کہ اراکین اسمبلی کی نظریں اس وقت اسپیکر ہاؤس کی طرف ہیں، اسپیکر ہاؤس میں اراکین اسمبلی کا تانتا بندھا رہتا ہے، اراکین اسمبلی کے چھوٹے موٹے کام اسپیکر ملک احمد خان اپنی طاقت کے ساتھ حل کروا رہے ہیں۔
اراکین اسمبلی کا کہنا ہے کہ وزیراعلیٰ پنجاب مریم نواز سے ملاقات نہیں ہوتی، وزیراعلیٰ سیکریٹریٹ ایم پی ایز کی سنتا نہیں ہے، سینیئر وزیر مریم اورنگرزیب بھی کسی کی نہیں سنتیں، اور غیر منتخب لوگ عہدوں پر بیٹھ گئے ہیں جسکی وجہ سے اراکین کو پریشانی کا سامنا کرنا پڑا ہے۔
یہ پہلی بار ہوا ہے کہ اسپیکر ملک احمد خان کی طرف اراکین اسمبلی دیکھ رہے ہیں، اسپیکر بھی ان کی سنتے ہیں اور معاملات حل کرتے ہیں۔ اسپیکر پنجاب اسمبلی نے اپنے دروازے سب کے لیے کھول رکھے ہیں وہ عوام کی ترجمانی بھر پور طریقے سے کر رہے ہیں۔
کسی ایم پی اے کی تضحیک نہیں ہونی چاہیے، اسپیکر ملک احمد خان
اسپیکر پنجاب اسمبلی ملک احمد خان نے بتایا کہ 18ویں ترمیم کے بعد صوبوں کو بااختیار بنایا گیا ہے، اور اب ایوان بااختیار ہے۔
انہوں نے کہاکہ ہم نے استحقاق کمیٹی سمیت دیگر کمیٹیوں کو مضبوط بنایا ہے، اسپیکر کو آئین کے مطابق پاورز دی گئی ہیں میں ان کو استعمال کر رہا ہوں، آئین سے ہٹ کر کچھ نہیں کیا جارہا۔
انہوں نے کہاکہ میں چاہتا ہوں کہ جو لوگ منتخب ہو کر ایوان میں آئے ہیں ان کی سنی جائے، انہیں مضبوط بنایا جائے، پنجاب اسمبلی کے ایوان کو مضبوط بنایا جائے، کسی ایم پی اے کی تضحیک نہیں ہونی چاہیے۔
انہوں نے کہاکہ کسی ایم پی اے کی تضحیک اس ایوان کی تضحیک ہے، جو میں برداشت نہیں کروں گا، میں ان کے ساتھ کھڑا ہوں۔
مزید پڑھیں :وفاقی سرکاری ملازمین کے لیے جڑواں شہروں سمیت 13بڑے شہروں میں ہاؤسنگ منصوبے شروع کرنے کا فیصلہ
ذریعہ: Daily Ausaf
کلیدی لفظ: اسپیکر پنجاب اسمبلی اسمبلی ملک احمد خان اسپیکر ہاؤس کی طرف سیکریٹری معدنیات استحقاق کمیٹی اراکین اسمبلی کو عہدے سے ہٹا ایم پی ایز اسمبلی کی مریم نواز اسمبلی کے کی تضحیک کے مطابق نے کہاکہ رہے ہیں
پڑھیں:
اسپیکر سندھ اسمبلی اویس قادر شاہ سے ایران کے قونصل جنرل اکبر عیسی زادہ کی ملاقات
ملاقات کے دوران قونصل جنرل اکبر عیسی زادہ نے بتایا کہ مجلس شوری اسلامی (ایران) کے اسپیکر محمد باقر قالیباف جلد پاکستان کے سرکاری دورے پر آئیں گے جس دوران وہ صدرِ مملکت، وزیرِ اعظم، چیف آف آرمی اسٹاف اور اسپیکر قومی اسمبلی سے ملاقاتیں کریں گے جبکہ ایرانی اسپیکر کراچی بھی آئیں گے اور اسپیکر سید اویس قادر شاہ سے ملاقات کریں گے۔ اسلام ٹائمز۔ اسپیکر صوبائی اسمبلی سندھ سید اویس قادر شاہ سے اسلامی جمہوریہ ایران کے قونصل جنرل اکبر عیسی زادہ نے ملاقات کی۔ قونصل جنرل کے ہمراہ مجلس شوری اسلامی (ایران) کے ڈائریکٹر جنرل خوسروی بھی موجود تھے۔ اسپیکر سید اویس قادر شاہ کے ہمراہ رکن صوبائی اسمبلی ڈاکٹر فوزیہ حمید بھی ملاقات میں شریک تھیں، اسپیکر سید اویس قادر شاہ نے معزز مہمانوں کو خوش آمدید کہا اور نیک خواہشات کا اظہار کیا۔ اکبر عیسی زادہ نے سابق اسپیکر آغا سراج درانی کے انتقال پر تعزیت کا اظہار کیا، ایران اور پاکستان پارلیمانی دوستی گروپ کے چیئرمین فدا حوسین مالکی کا پیغامِ یکجہتی بھی پہنچایا۔ ملاقات کے دوران قونصل جنرل اکبر عیسی زادہ نے پاکستان اور ایران کے درمیان موجود تاریخی، ثقافتی، مذہبی اور اقتصادی تعلقات کو اجاگر کیا اور باہمی تجارت و تعاون کے فروغ کی خواہش ظاہر کی۔ انہوں نے بتایا کہ مجلس شوری اسلامی (ایران) کے اسپیکر محمد باقر قالیباف جلد پاکستان کے سرکاری دورے پر آئیں گے جس دوران وہ صدرِ مملکت، وزیرِ اعظم، چیف آف آرمی اسٹاف اور اسپیکر قومی اسمبلی سے ملاقاتیں کریں گے جبکہ ایرانی اسپیکر کراچی بھی آئیں گے اور اسپیکر سید اویس قادر شاہ سے ملاقات کریں گے۔
قونصل جنرل نے مزید بتایا کہ ایران کے اسپیکر ایک مشترکہ اقتصادی فورم قائم کرنے کے خواہاں ہیں اور تجویز دی ہے کہ اسپیکر سید اویس قادر شاہ اس فورم کے سندھ چیپٹر کی قیادت کریں، جس میں معروف کاروباری نمائندے شامل ہوں گے۔ اسپیکر سید اویس قادر شاہ نے تجویز کو سراہا اور بتایا کہ وہ ایرانی اسپیکر کے متوقع دورے پر پہلے ہی اسپیکر قومی اسمبلی سے بات چیت کر چکے ہیں۔ انہوں نے تجویز دی کہ ایرانی اسپیکر اور وفد کی میزبانی سندھ اسمبلی میں کی جائے، جہاں اراکینِ اسمبلی اور صوبائی وزرا معزز مہمانوں کا خیرمقدم کریں اور انہیں اسمبلی کے دونوں ایوانوں کا دورہ کرایا جائے۔ قونصل جنرل اکبر عیسی زادہ نے اسپیکر سید اویس قادر شاہ کا شکریہ ادا کیا اور ملاقات کو مفید قرار دیا۔ اس موقع پر اسپیکر سید اویس قادر شاہ نے مہمان وفد کو سندھ اسمبلی کی یادگاری شیلڈ پیش کی اور سندھ کی روایت کے مطابق اجرک اور ٹوپی کا تحفہ پیش کیا اور قونصل جنرل اکبر عیسی زادہ نے بھی اسپیکر سید اویس قادر شاہ کو یادگاری سووینیر پیش کیا۔
کراچی، نادرن بائی پاس پر پلاسٹک کے گودام میں آگ لگ گئی