لاہور قلندرز نے ٹی ٹوئنٹی کرکٹ میں نیا ریکارڈ بنا دیا
اشاعت کی تاریخ: 26th, May 2025 GMT
پی ایس ایل 10 کافائنل جیتنے والی لاہور قلندرز کی ٹیم نے ٹی ٹوئنٹی کرکٹ کا نیا ریکارڈ بھی بنا دیا۔لاہور قلندرز نے کوئٹہ گلیڈی ایٹرز کو شکست دے کر تیسری بار پی ایس ایل کا ٹائٹل اپنے نام کیا، کوئٹہ گلیڈی ایٹرز نے 201 رنز کا ہدف دیا۔قلندرز نے یہ ہدف آخری اوور کی پانچویں گیند پر چار وکٹوں کے نقصان پر پورا کر لیا، اس فتح کے ساتھ قلندرز نے نیا ریکارڈ بھی بنا دیا۔ٹی ٹوئنٹی کرکٹ میں لاہور قلند رز نے کسی بھی فائنل میں سب سے بڑا ہدف کامیابی سے عبور کیا اور ٹی ٹوئنٹی کرکٹ میں پہلی مرتبہ کوئی ٹیم اتنا بڑا ہدف عبور کر پائی۔واضح رہے کہ ٹی ٹوئنٹی میں اس سے قبل سب سے بڑا ہدف 200 رنز کا آئی پی ایل کی ٹیم کولکتہ نائٹ رائیڈرز نے عبور کیا تھا۔
.ذریعہ: Nawaiwaqt
کلیدی لفظ: ٹی ٹوئنٹی کرکٹ
پڑھیں:
پی ایس ایل 10 کی ٹیم آف دی ٹورنامنٹ کا اعلان کردیا گیا، کپتان کون؟
پاکستان سپر لیگ (پی ایس ایل) 10 کے اختتام کے بعد ٹیم آف دی ٹورنامنٹ کا اعلان کردیا گیا۔
تیسری بار ایونٹ کا ٹائٹل اپنے نام کرنے والی لاہور قلندرز کے کپتان شاہین شاہ آفریدی کو پی ایس ایل الیون کا کپتان مقرر کیا گیا ہے، ٹیم کا انتخاب کمنٹری ٹیم کے اراکین کی جانب سے کیا گیا۔
یہ بھی پڑھیں جیتی ہوئی 3 پی ایس ایل ٹرافیز کے ساتھ شاہین آفریدی کی تصویر وائرل
واضح رہے کہ گزشتہ روز لاہور کے قذافی اسٹیڈیم میں کھیلے گئے میچ میں لاہور قلندرز نے سنسنی خیز مقابلے کے بعد کوئٹہ گلیڈی ایٹرز کو شکست دے کر ایونٹ کا ٹائٹل اپنے نام کیا۔
شاہین شاہ آفریدی کی قیادت میں لاہور قلندرز نے تیسری بار فائنل میں فتح حاصل کی۔
پی ایس ایل الیون میں کوئٹہ گلیڈی ایٹرز کے تین کھلاڑی حسن نواز، ابرار احمد اور فہیم اشرف نے جگہ بنائی ہے۔
اس کے علاوہ لاہور قلندرز کے سکندر رضا جنہوں نے کوئٹہ گلیڈی ایٹرز کے جبڑوں سے فتح چھین کر لاہور قلندرز کو کامیابی دلوائی، کارکردگی کی بنیاد پر ٹیم میں جگہ بنانے میں کامیاب رہے۔
پی ایس ایل الیون میں کراچی کنگز کے بھی تین کھلاڑی شامل ہیں، جن میں کپتان ڈیوڈ وارنر، جیمز ونس اور فاسٹ بولر حسن علی شامل ہیں، جبکہ خوشدل شاہ بارہویں کھلاڑی کے طور پر ٹیم میں شامل ہیں۔
پی ایس ایل الیون میں اسلام آباد یونائیٹڈ کے صاحبزادہ فرحان اور پشاور زلمی کے فاسٹ بولر علی رضا بھی جگہ بنانے میں کامیاب رہے۔
یہ بھی پڑھیں پی ایس ایل 10 کا کامیابی سے انعقاد پرامن پاکستان کی جیت ہے، چیئرمین پی سی بی محسن نقوی
پی ایس ایل الیون
پی ایس ایل الیون شاہین شاہ آفریدی، فخر زمان، صاحبزادہ فرحان، ڈیوڈ وارنر، جیمز ونس، حسن نواز، سکندر رضا، فہیم اشرف، حسن علی، علی رضا اور ابرار احمد شامل ہیں، جبکہ کراچی کنگز کے خوشدل شاہ کو بارویں کھلاڑی کے طور پر شامل کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان سپر لیگ پی ایس ایل ٹیم آف دی ٹورنامنٹ شاہین شاہ آفریدی لاہور قلندرز وی نیوز
خضدار سکول بس حملے کا معاملہ دنیا کے سامنے اٹھانے کافیصلہ