عالیہ بھٹ نے کانز ریڈ کارپٹ پر ٹوٹے ہار کو کیسے سنبھالا؟
اشاعت کی تاریخ: 26th, May 2025 GMT
بالی وڈ کی حسینہ عالیہ بھٹ کا کانز فلم فیسٹیول 2025 کے ریڈ کارپٹ پر ٹوٹے ہار کو سنبھالتے ہوئے دیا گیا پوز تعریفوں کو مرکز بن گیا۔
عالیہ بھٹ کا فیشن سینس نہایت منفرد، جدید اور متوازن ہے۔ وہ ان چند اداکاراؤں میں سے ہیں جو فیشن کو صرف لباس تک محدود نہیں رکھتیں بلکہ اسے ایک مکمل اندازِ زندگی کا حصہ بناتی ہیں۔
اپنے اعلیٰ فیشن سینس کا ثبوت دیتے ہوئے اس سال بھی عالیہ بھٹ نے کانز فلم فیسٹیول 2025 میں اپنی شاندار شرکت سے نہ صرف مداحوں بلکہ عالمی فیشن انڈسٹری کو بھی متاثر کیا۔
کانز فلم فیسٹیول 2025 کی اختتامی تقریب میں عالیہ نے گلوبل فیشن برانڈ گوچی کی پہلی ساڑھی پہنی۔
اس مونوگرام اور سوروسکی کرسٹل سے مزین نیوڈ کلر کے لباس نے ساڑھی، دوپٹہ اور مغربی انداز کو آپس میں ملا کر ایک نیا انداز پیش کیا۔
ریڈ کارپٹ پر چلتے ہوئے عالیہ کا مالابار گولڈ اینڈ ڈائمنڈز کا چوکر ہار اچانک کھل گیا۔ تاہم، عالیہ نے گھبرانے کے بجائے انتہائی پُروقار انداز میں اپنے ہاتھوں سے ہار کو تھام لیا اور کیمروں کے سامنے مسکراتے ہوئے پوز دیا۔
View this post on Instagram
A post shared by Priyanshu Goel | Celebrity Jewellery (@the_gemtlemen)
یہ لمحہ کیمرے میں قید ہو گیا اور سوشل میڈیا پر وائرل ہو گیا جہاں مداحوں اور فیشن ماہرین نے ان کے اعتماد اور پیشہ ورانہ رویے کی تعریف کی۔
عالیہ بھٹ کی وائرل تصاویر میں وہ اپنے ہاتھ کو بازو اور گرن کے درمیان رکھ کر پُراعتمادی کو چہرے پر سجا کر پوز دیتی دکھیں جس کو دیکھ کر یہ اندازہ لگانا مشکل ہے کہ انکی گردن کی زینت بننے والا ہار ٹوٹ چکا ہے۔
عالیہ کے اس ردعمل نے نہ صرف ممکنہ خرابی کو ایک یادگار لمحے میں بدل دیا بلکہ ان کی اسٹائل آئیکون کی حیثیت کو مزید مستحکم کیا۔
وائرل ہونے والی تصاویر یہاں دیکھیں:
ذریعہ: Daily Mumtaz
کلیدی لفظ: عالیہ بھٹ
پڑھیں:
جنوبی کوریا میں موت کاروبار کا ذریعہ کیسے بن گئی؟
جنوبی کوریا میں تیزی سے بڑھتی عمر رسیدہ آبادی اور کم شرحِ پیدائش کے باعث تدفین اور موت سے متعلق پیشوں کی مانگ میں نمایاں اضافہ ہو رہا ہے۔
تازہ اعداد و شمار کے مطابق ملک کی آبادی کا تقریباً نصف حصہ 50 سال یا اس سے زائد عمر کا ہے، جبکہ شرحِ پیدائش دنیا میں سب سے کم سطح پر پہنچ چکی ہے۔
یہ بھی پڑھیے: نو عمر لڑکے کی خودکشی: اوپن اے آئی کی جانب سے چیٹ جی پی ٹی پر والدین کا کنٹرول متعارف
اسی کے نتیجے میں تدفین سے متعلق پیشوں میں نوجوانوں کی دلچسپی بڑھ رہی ہے۔ بوسان انسٹی ٹیوٹ آف سائنس اینڈ ٹیکنالوجی میں درجنوں طلبا کو تدفین کی تربیت دی جا رہی ہے۔
ملک میں اکیلے رہنے والے افراد کی شرح اب 42 فیصد ہو چکی ہے، جس نے تنہائی میں موتکے واقعات میں اضافہ کر دیا ہے۔
جنوبی کوریا ترقی یافتہ ممالک میں سب سے زیادہ خودکشی کی شرح رکھنے والا ملک بھی ہے، جس کے باعث حکومت کو عمر رسیدہ اور اکیلے رہنے والے شہریوں کے لیے سماجی و فلاحی اقدامات بڑھانے کی ضرورت پر زور دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اموات تدفین جنوبی کوریا خودکشی
جامعہ کراچی کے عقب میں جھاڑیوں میں آگ لگ گئی