عظمیٰ بیگ کا احد رضا میر کو گلے لگانا تنقید کی زد میں
اشاعت کی تاریخ: 27th, May 2025 GMT
پاکستانی سینئر اداکارہ عظمیٰ بیگ اور اسٹار احد رضا میر کی ایک دوسرے سے بے تکلفی اور گلے لگانا سوشل میڈیا صارفین کو برہم کر گیا۔
رمضان اسپیشل ڈراما ‘چپکے چپکے’ میں ‘نیک بخت عرف بختو’ کا کا کردار ادا کر کے سب کے دل جیتنے والی عظمیٰ بیگ کے دیگر مشہور ڈراموں میں ‘آنگن’ اور ‘ہم تم’ میں بھی کام کیا اور آج کل ڈراما ‘میری تنہائی’ میں نظر آرہی ہیں۔
عظمیٰ بیگ نے کرئیر میں کم ڈرامے کیے ہیں لیکن جتنے بھی کیے ہیں ان سب میں انکی پرفارمنس کو خوب داد ملی۔
اپنی اداکاری سے سب کو گرویدہ بنانے والی عظمیٰ بیگ کی سوشل میڈیا پر ایک ویڈیو زیرِ گردش ہے جس میں وہ احد رضا میر سے بغل گیر ہوتی نظر آئیں۔
دراصل عظمیٰ بیگ ایک حالیہ تقریب میں اپنے ‘ہم تم’ کے ساتھی اداکار احد رضا میر سے ملیں۔
View this post on InstagramA post shared by SHS BLOG (@shadabhussainsiddiquishsblog)
اس موقع پر انہوں نے احد کو گلے لگایا اورپھر دونوں آپس میں باتیں کرتے نظر آئے۔ احد رضا میر بھی خوش دلی سے ان کی باتیں سنتے اور ان کے ساتھ ہنستے مسکراتے دکھائی دیے۔
روانگی کے وقت احد نے عظمیٰ بیگ کو الوداع بھی کہا اور ایک اور بار گلے لگایا۔ اس ملاقات کی ویڈیو سوشل میڈیا پر وائرل ہو گئی جس کو سوشل میڈیا صارفین نے شدید تنقید کا نشانہ بنا رکھا ہے۔
ان ناقد نے اس ویڈیو پر تبصرہ کرتے ہوئے لکھا کہ ‘ڈراموں میں بیٹا یا پوتا بن جانے سے کوئی سچ میں وہ نہیں ہوجاتا، ایسے گلے کون لگاتا ہے ایک نامحرم کو’ ، ایک اور ناقد نے لکھا کہ ‘آنٹی، آپ بیچارے احد کو کیوں ڈرا رہی ہیں؟’
ایک سوشل میڈیا صارف نے تبصرہ کیا کہ ‘آنٹی، آپ غلط رضا میر کو گلے لگا رہی ہیں یہ احد ہے آپکی عمر کے تو ان کے ابّو آصف رضا میر ہیں۔’
ایک صارف نے تنقید کی کہ ‘یہ ہر کسی کو گلے لگانے کی روایت اتنی عام کیوں کر دی گئی ہے؟ کہاں لکھا ہے ایسے نامحرموں کو گلے لگانا جائز ہے؟’
Post Views: 4.ذریعہ: Daily Mumtaz
کلیدی لفظ: سوشل میڈیا کو گلے
پڑھیں:
دوسروں کے اے سی اتارنے والا سہولیات نہ ملنے کا پروپیگنڈا کررہا :عظمیٰ بخاری
لاہور (نوائے وقت رپورٹ) وزیر اطلاعات و ثقافت پنجاب عظمیٰ بخاری نے بانی پی ٹی آئی کی جانب سے جیل میں سہولیات نہ ملنے کے بیان کو حقائق کے منافی اور سراسر جھوٹ پر مبنی قرار دیا ہے۔ انہوں نے کہا بانی پی ٹی آئی کو جیل میں بی کلاس سہولیات میسر ہیں جو دیگر قیدیوں کو حاصل نہیں۔انہوں نے کہا جو عید والے دن دوپہر بارہ بجے بستر سے اٹھتا ہے، وہ اب عام دنوں میں گندہ پانی ملنے کا جھوٹ کس منہ سے بول رہا ہے؟عظمیٰ بخاری نے کہا جو دوسروں کے اے سی اتارتا رہا، آج خود سہولیات نہ ملنے کا ڈرامہ رچا رہا ہے۔ انہوں نے واضح کیا عوام کو گمراہ کرنے والے شخص کے بیانیے کا مقصد صرف ہمدردیاں سمیٹنا اور اداروں کو بدنام کرنا ہے۔انہوں نے مزید کہا جس جماعت کا لیڈر ہی موجود نہیں، وہ کسی احتجاجی تحریک کا کیا خاک آغاز کرے گی؟9 مئی کے حوالے سے بات کرتے ہوئے عظمیٰ بخاری نے کہا ان مقدمات کے فیصلے آئین اور قانون کے مطابق آ رہے ہیں اور جو لوگ ریاست کے خلاف سازشوں میں ملوث تھے، وہ بغاوت کے مرتکب قرار پا چکے ہیں۔انہوں نے مزیدکہا جو دوسروں کے بچوں کو سیاست کی بھینٹ چڑھاتا رہا، اس کے اپنے بچے امریکہ میں عیش و عشرت کی زندگی گزار رہے ہیں۔ وزیر اطلاعات نے اس عزم کا اعادہ کیا پاکستان کا نوجوان اب باشعور ہو چکا ہے اور کسی فتنے یا جھوٹے بیانیے کے بہکاوے میں نہیں آئے گا۔ انہوں نے کہا حکومت اور ادارے آئین و قانون کے مطابق ہر سازش کا جواب دیں گے۔
پی ٹی آئی بھی مخصوص نشستوں کی تقسیم کیخلاف پشاور ہائیکورٹ پہنچ گئی