پی ایس ایل فائنل؛ کیا گلیڈی ایٹرز کپتان کی وجہ سے ہاری؟
اشاعت کی تاریخ: 28th, May 2025 GMT
پاکستان سپر لیگ (پی ایس ایل) میں کوئٹہ گلیڈی ایٹرز کی فرنچائز کو کپتان سعود شکیل کی ناقص فارم کی وجہ سے کڑی تنقید کا نشانہ بنایا جانے لگا۔
قومی ٹیم کے مڈل آرڈر بیٹر سعود شکیل رواں پی ایس ایل سیزن میں کوئٹہ گلیڈی ایٹرز کی کپتانی کے فرائض نبھارہے تھے تاہم وہ 12 میچز کی 11 اننگز میں کوئی ففٹی تک اسکور نہ کرسکے۔
سعود شکیل محض کپتان ہونے کے باعث کوئٹہ گلیڈی ایٹرز کے اسکواڈ کا حصہ رہے جبکہ اس دوران جارح مزاج کرکٹر خواجہ نافع کو صرف مواقع مل سکے، پہلے میچ میں وہ کراچی کنگز کیخلاف 1 اور دوسرے میچ میں انہوں نے ملتان سلطانز کیخلاف 51 رنز کی اننگز کھیلی تاہم اسکے باوجود انہیں بینچ پر بٹھادیا گیا۔
مزید پڑھیں: اسپورٹس پریزینٹر کی آئی پی ایل میں کھلاڑی کو ڈیٹ کرنے کی خبریں
جارح مزاج اوپنر کو فائنل میں بینچ پر بٹھائے جانے پر گلیڈی ایٹرز کے فینز نے کپتان سعود شکیل کو آڑے ہاتھوں لیا۔
سوشل میڈیا پلیٹ فارمز پر شائقین کرکٹ نے تنقید کرتے ہوئے کہا کہ نوجوان کرکٹر خواجہ نافع کو موقع دینے کے بجائے سعود شکیل خود اوپنر آئے، جس کے باعث ٹیم کو نقصان ہوا۔
مزید پڑھیں: "پیسوں سے بڑھ کر کچھ نہیں" عماد کا سکندر رضا کی کمٹمنٹ پر بیان
واضح رہے کہ پی ایس ایل فائنل میں کوئٹہ گلیڈی ایٹرز کے کپتان سعود شکیل محض 4 رنز بناکر پویلین لوٹ گئے تھے جبکہ اس میچ میں حسن نواز نے 76 رنز کی اننگز کھیل کر ٹیم کو 200 رنز کے ہندسے تک پہنچایا تھا۔
.ذریعہ: Express News
کلیدی لفظ: کوئٹہ گلیڈی ایٹرز پی ایس ایل سعود شکیل
پڑھیں:
پاکستان کی ٹیم بہت متوازن ہے، ہرانا چیلنج ہوگا: بنگلادیشی کپتان
بنگلا دیش کرکٹ ٹیم کے کپتان لٹن داس کا کہنا ہے کہ پاکستان ٹیم بہت متوازن ہے،ان کو اچھی کرکٹ کھیل کر ہرانا چیلنج ہوگا۔
بنگلا دیش کرکٹ ٹیم کپتان لٹن داس کا پریس کانفرنس میں کہنا تھا کہ یواے ای کے خلاف سیریز ماضی بن چکی، اب نئی سیریز میں اچھی کرکٹ کھیلنے کی کوشش کریں گے۔پاکستان ٹیم بہت بیلنس ہے۔ ان کو اچھی کرکٹ کھیل کر ہرانا چیلنج ہوگا۔
انہوں نے کہا کہ تسکین احمد، مشفیق الرحمن، ناہید رانا ہمارے اہم بولر تھے، ان کی کمی محسوس ہوگی۔نوجوان کرکٹرز کے پاس خود کو منوانے کا اچھا موقع ہے۔
بنگلادیشی کپتان نے کہا کہ ہر سیریز دوسری سیریز سے مختلف ہوتی ہے۔ ہر کنڈیشنز کے اپنے تقاضے ہوتے ہیں۔بطور کپتان کوشش ہوگی کہ اپنی پرفارمنس سے بھی ٹیم کی پوزیشن مستحکم کروں۔
انہوں نے مزید کہا کہ پی ایس ایل سے کنڈیشز اور پچز کا تھوڑا بہت آئیڈیا ہوا ہے۔
بہتر تھا جنرل عاصم منیر فیلڈ مارشل کی جگہ خود کو بادشاہ کا ٹائٹل دیتے: عمران خان