ورلڈ ایتھلیٹکس چیمپیئن شپ، ارشد ندیم کا بڑا امتحان آج
اشاعت کی تاریخ: 18th, September 2025 GMT
جاپان میں جاری ورلڈ ایتھلیٹکس چیمپئن شپ 2025 میں جیولن تھرو کے بڑے مقابلے کا وقت آ گیا ہے، جہاں بالآخر پاکستان کے ارشد ندیم اور بھارت کے نیرج چوپڑا ایک دوسرے کے خلاف میدان میں اتریں گے۔ دونوں کھلاڑیوں نے جمعرات کو ہونے والے فائنل کے لیے کوالیفائی کر لیا ہے۔
فائنل کے لیے کوالیفائی کرنے والے ارشد ندیم اور نیرج چوپڑا سمیت 12 ایتھلیٹس کی فہرست میں جرمنی کے جولیان ویبر، گریناڈا کے اینڈرسن پیٹرز، کینیا کے جولیئس ییگو اور امریکا کے کرٹس تھامپسن شامل ہیں۔
The moment is here! ???????? Arshad Nadeem takes the field TODAY in the Javelin Throw Final at the World Athletics C’ships in Tokyo.
⏰ 3:23 PM (PKT)
Pakistan’s Olympic hero now aims for world glory – 6 throws, 1 dream: GOLD.
Best of luck champ, the nation stands with you pic.twitter.com/mbBU06GhWL
— Faizan Lakhani (@faizanlakhani) September 18, 2025
اسی طرح آسٹریلیا کے کیمرون میک اینٹائر، پولینڈ کے ڈیوڈ ویگنر، بھارت کے سچن یادیو، سری لنکا کے رومیش تھرانگا، چیک جمہوریہ کے یاکب وڈلیج اور ٹرینیڈاڈ اینڈ ٹوبیگو کے کیشورن والکاٹ بھی فائنل میں حصہ لیں گے۔
کوالیفکیشن کا طریقہ کارایتھلیٹس نے پہلے راؤنڈ میں 3 تھرو کیے، جن کھلاڑیوں نے 84.5 میٹر یا اس سے زیادہ تھرو کیا، وہ براہِ راست فائنل میں پہنچ گئے، بقیہ 5 کھلاڑی بہترین ریکارڈ کی بنیاد پر فائنل میں شامل ہوئے، مجموعی طور پر37 ایتھلیٹس شریک ہوئے تھے، جنہیں دو گروپس میں تقسیم کیا گیا۔
رینکنگ اور انعامی رقمعالمی رینکنگ میں جولیان ویبر پہلے نمبر پر جبکہ نیرج چوپڑا دوسرے اور اینڈرسن پیٹرز تیسرے نمبر پر ہیں، اسی طرح کیشورن والکاٹ چوتھے اور کینیا کے جولیئس ییگو پانچویں نمبر پر ہیں، اس مقابلے میں پہلے نمبر پر آنیوالے ایتھلیٹ کو 70 ہزار ڈالر جبکہ دوسرے اور تیسرے نمبر پر آنیوالے ایتھلیٹس کو بالترتیب 35 اور 22 ہزار ڈالر انعامی رقم دی جائے گی۔
ارشد ندیم رینکنگ میں کیوں شامل نہیں؟ورلڈ ایتھلیٹکس رینکنگ حاصل کرنے کے لیے مختلف مقابلوں میں پوائنٹس جمع کرنا ضروری ہے، مالی مسائل کے باعث ارشد ندیم زیادہ عالمی مقابلوں میں شرکت نہ کر سکے، جس کی وجہ سے وہ باضابطہ رینکنگ میں شامل نہیں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارشد ندیم انعامی رقم ٹوکیو رینکنگ نیرج چوپڑا ورلڈ ایتھلیٹکس چیمپیئن شپ
ذریعہ
ذریعہ: WE News
کلیدی لفظ: ٹوکیو نیرج چوپڑا ورلڈ ایتھلیٹکس چیمپیئن شپ ورلڈ ایتھلیٹکس نیرج چوپڑا کے لیے
پڑھیں:
ورلڈ کپ تیاریوں کے لیے سست وکٹوں پر تنقید مسترد، مائیک ہیسن کا دوٹوک مؤقف
پاکستان کرکٹ ٹیم کے وائٹ بال ہیڈ کوچ مائیک ہیسن نے آسٹریلیا کے خلاف جاری ون ڈے سیریز میں استعمال ہونے والی اسپن فرینڈلی وکٹوں پر ہونے والی تنقید کو مسترد کرتے ہوئے کہا ہے کہ سنہ 2027 ورلڈ کپ کی تیاریوں کے لیے ٹیم کی حکمت عملی جامع تحقیق اور مختلف حالات کے جائزے پر مبنی ہے۔
یہ بھی پڑھیں: ون ڈے ٹیم کی تشکیل پر مسلسل کام جاری، ورلڈ کپ کو ہدف بنایا لیا، مائیک ہیسن
پاکستان نے 3 میچوں کی سیریز کے پہلے ون ڈے میں کم اسکور والے سنسنی خیز مقابلے کے بعد 0-1 کی برتری حاصل کر رکھی ہے تاہم بعض کرکٹ مبصرین نے سوال اٹھایا تھا کہ آیا سست اور اسپن بولنگ کے لیے سازگار وکٹیں ٹیم کو 2027 کے ورلڈ کپ کے لیے مؤثر تیاری فراہم کر سکیں گی یا نہیں۔
سوشل میڈیا پلیٹ فارم ایکس پر اپنے بیان میں مائیک ہیسن نے کہا کہ یہ تصور درست نہیں کہ جنوبی افریقا کی تمام وکٹیں تیز اور باؤنس والی ہوتی ہیں۔
انہوں نے لکھا کہ میں یہ باتیں سن رہا ہوں کہ پاکستان میں موجودہ وکٹیں جنوبی افریقہ میں ہونے والے ورلڈ کپ کی تیاری کے لیے موزوں نہیں ہیں لیکن حقیقت اس سے مختلف ہے۔
I've been hearing a bit of chatter about the pitches here in Pakistan not being the ideal preparation for the World Cup in South Africa. It’s actually a topic I talked about on the latest #PCB podcast.
Firstly the World Cup is jointly hosted in South Africa, Zimbabwe and…
— Mike Hesson (@CoachHesson) June 1, 2026
ہیسن نے یاد دلایا کہ سنہ 2027 کا آئی سی سی مینز کرکٹ ورلڈ کپ صرف جنوبی افریقا میں نہیں بلکہ زمبابوے اور نمیبیا میں بھی کھیلا جائے گا جہاں متعدد میدانوں پر اسپنرز کو نمایاں مدد ملتی ہے۔
مزید پڑھیے: ورلڈ کپ سے قبل پاور پلے اور مڈل اوورز میں بہتری ضروری ہے، ہیڈ کوچ مائیک ہیسن
انہوں نے کہا کہ زمبابوے اور نمیبیا میں ایسے کئی وینیوز موجود ہیں جہاں اسپن ایک اہم عنصر ہوتا ہے اور پاکستان کو وہاں بھی میچز کھیلنے ہیں۔
پاکستانی ٹیم کے ہیڈ کوچ نے سال 2024 میں جنوبی افریقا کے دورے کا حوالہ دیتے ہوئے کہا کہ پارل میں کھیلے گئے ون ڈے میچ میں بھی اسپن بولنگ نے اہم کردار ادا کیا تھا جو اس بات کا ثبوت ہے کہ جنوبی افریقہ کی تمام وکٹوں کو یکساں طور پر تیز اور باؤنس والی قرار نہیں دیا جا سکتا۔
انہوں نے مزید کہا کہ یہ تاثر کہ جنوبی افریقا کی ہر وکٹ رفتار اور باؤنس کے لیے مشہور ہے حقیقت پر مبنی نہیں۔
مزید پڑھیں: دوسرا ون ڈے: آسٹریلیا کی پاکستان کے خلاف بیٹنگ جاری
نیوزی لینڈ سے تعلق رکھنے والے کوچ نے شائقین کو یقین دلایا کہ ٹیم مینجمنٹ نے ورلڈ کپ کے حوالے سے تفصیلی تحقیق کی ہے اور آئندہ 18 ماہ کے دوران مختلف حالات اور وکٹوں پر کھیلنے کی بھرپور تیاری کی جائے گی تاکہ پاکستان عالمی ایونٹ کے لیے ہر ممکن طور پر تیار ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کی اسپن فرینڈلی وکٹس پاکستان کی سلو وکٹس پاکستانی پچز پاکستانی وکٹس مائیک ہیسن ورلڈ کرکٹ کپ 2027
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ