وزیراعظم آزاد کشمیر کا استعفیٰ سے انکار، پیپلز پارٹی کی نمبر گیم مکمل
اشاعت کی تاریخ: 28th, October 2025 GMT
آزاد کشمیر میں حکومت سازی کا معاملہ فیصلہ کن مرحلے میں داخل ہوچکا ہے اور وزیراعظم آزاد کشمیر چوہدری انوار الحق کی جانب سے استعفیٰ دینے سے انکار اور تحریک عدم اعتماد کا ڈٹ کر مقابلہ کرنے کا اعلان کیا جاچکا ہے، جبکہ دوسری جانب مخالفین نے تحریک عدم اعتماد لانے کے لیے کوششیں تیز کرتے ہوئے وزیر اعظم کو دن 2 بجے تک کی مہلت دے رکھی ہے۔
پیپلز پارٹی نے وزیر اعظم انوار الحق کو استعفیٰ نہ دینے کی صورت میں تحریک عدم اعتماد کا سامنا کرنے کا اعلان کردیا ہے۔ اس سلسلے میں گزشتہ روز پاکستان مسلم لیگ ن نے بھی پیپلز پارٹی کا ساتھ دینے کی یقین دہانی کروائی ہے۔ مسلم لیگ ن کی جانب سے یقین دہانی کرانے کے بعد پیپلز پارٹی کے پاس اس وقت 36 ارکان کی حمایت موجود ہے۔
یہ بھی پڑھیے: آزاد کشمیر میں حکومت کی تبدیلی کے وفاق پر کیا اثرات مرتب ہوں گے؟
ذرائع کا کہنا ہے کہ تحریک عدم اعتماد کی کامیابی کی صورت میں چیئرمین پیپلز پارٹی بلاول بھٹو نئے وزیر اعظم کے نام کا اعلان کریں گے۔ چوہدری لطیف اکبر اور چوہدری یاسین میں سے کسی ایک کا نام فائنل کیا جائے گا۔ دوسری جانب اسپیکر اسمبلی لطیف اکبر وزارتِ عظمیٰ کے لیے مضبوط امیدوار قرار دیے جارہے ہیں۔
ذرائع کے مطابق آزاد کشمیر اسمبلی کے ارکان کی کل تعداد 53، ایک رکن کے استعفے کے بعد 52 رہ گئی ہے۔ تحریک عدم اعتماد لانے کے لیے پیپلز پارٹی کو 27 ارکان کی حمایت درکار ہے اور ان کے اپنے ارکان کی تعداد 17 ہے جبکہ مسلم لیگ ن کے 9 بندوں کی حمایت کے بعد ارکان کی تعداد 36 ہوجائے گی۔ کیونکہ بیرسٹر سلطان گروپ اور فارورڈ بلاک کے مجموعی طور پر 10 ارکان نے پہلے ہی پیپلز پارٹی کی حمایت کردی ہے۔
وزیر اعظم انوار الحق کے گروپ میں مجموعی طور پر 10 ارکان اسمبلی موجود ہیں، پی ٹی آئی آزاد کشمیر کے پاس 4 ممبران اسمبلی ہیں، مسلم کانفرنس اور جے کے پی پی کے پاس ایک ایک نشست ہے، جبکہ اوورسیز نشست پر منتخب رکن محمد اقبال پہلے ہی استعفیٰ دے چکے ہیں۔
یہ بھی پڑھیے: آزاد کشمیر حکومتی تبدیلی: ن لیگ کا تحریک عدم اعتماد میں پیپلز پارٹی کا ساتھ دینے کا اعلان
تاہم، اس بات کا بھی امکان ظاہر کیا جارہا ہے کہ مسلم لیگ ن اپنی اسٹریٹجی میں تبدیلی لاسکتی ہے۔ مسلم لیگ ن پہلے ہی اعلان کرچکی ہے کہ عدم اعتماد میں پیپلز پارٹی کا ساتھ دینے کے بعد وہ حکومت میں نہیں شامل ہوں گے اور اگلے الیکشن میں اپنی پوزیشن مظبوط کرنے کے لیے اپوزیشن بینچز پر ہی بیٹھیں گے۔
اس حوالے سے ذرائع کا کہنا ہے کہ مسلم لیگ ن کے سینیئر رہنما جو وزیر اعظم انوار الحق کی کابینہ میں شامل ہیں جن میں کرنل وقار ن، سردار عامر الطاف، عنصر ابدالی اور اظہر صادق سمیت 7 وزرا ابھی تک وزیر اعظم کی حمایت کر رہے ہیں۔ یہی وجہ ہے کہ وزیر اعظم پر امید دکھائی دے رہے ہیں کہ عدم اعتماد کے وقت پیپلز پارٹی اور ن لیگ کا جو اتحاد ہے ٹوٹ جائے گا۔
یہ بھی پڑھیے: نمبر گیم پوری ہے تو عدم اعتماد کیوں نہیں لاتے؟ وزیراعظم آزاد کشمیر انوارالحق کا مخالفین کو پیغام
ذرائع نے بتایا کہ وزیر اعظم پر امید ہیں کہ ن لیگ اور پیپلز پارٹی میں سے ایک فارورڈ بلاک بن سکتا ہے، اس لیے وہ تحریک عدم اعتماد کا ڈٹ کر مقابلہ کرنے کے لیے تیار ہیں۔ یہی وجہ ہے کہ ان کی جانب سے استعفیٰ کا امکان بظاہر نظر نہیں آرہا۔ تاہم، خاص ملاقاتوں کا سلسلہ جاری ہے۔
یاد رہے کہ چوہدری انوار الحق ماضی میں کئی بار اعلانیہ طور پر کہہ چکے ہیں کہ اگر مخالفین ان کو اقتدار سے بے دخل کرنے کے لیے درکار نمبرز پورے کرلیں تو وہ بنا کوئی اعتراض اٹھائے ’گھر چلے جائیں گے‘۔
دوسری طرف پیپلز پارٹی گزشتہ کئی روز سے جوڑ توڑ میں مصروف ہے۔ آزاد کشمیر سے پارٹی قیادت نے صدر آصف زرداری کی بہن فریال تالپور سے کئی ملاقاتیں کیں اور میڈیا پر بھی نمبرز پورے ہونے کے دعوے کیے۔ تاہم ذرائع کا یہ بھی کہنا ہے کہ پیپلز پارٹی میں فی الحال نئے وزیر اعظم کے نام پر اتفاقِ رائے نہیں ہوا۔
یہ بھی پڑھیے: آزاد جموں و کشمیر اسمبلی اسمبلی اب محض دکھاوا بن چکی ہے، سلمان اکرم راجہ
پیپلز پارٹی اور دیگر جماعتوں کا کہنا ہے کہ وزیر اعظم آزاد کشمیر صوبے کے معاملات صحیح طریقے سے نہیں چلا سکے، اور ایکشن کمیٹی کی تحریک کامیاب ہونے سے اتحادی جماعتوں کا سیاسی وقار مجروح ہوا ہے اور وزیر اعظم ہمارے حقوق کی حفاظت کرنے میں ناکام دکھائی دیے ہیں۔
خیال رہے مظفر آباد میں اس وقت سیاسی ماحول گرم ہے اور استعفیٰ نہ آنے کی صورت میں کسی بھی وقت وزیر اعظم کے خلاف عدم اعتماد کی تحریک پیش کردی جائے گی۔ اگر تحریک عدم اعتماد کامیاب ہوجاتی ہے تو پیپلز پارٹی اپنی حکومت بنانے میں کامیاب ہوجائے گی اور ناکام ہونے کی صورت میں 6ماہ سے قبل یہ تحریک دوبارہ پیش نہیں کی جا سکے گی۔
واضح رہے اگر اس بار تحریکِ عدم اعتماد کامیاب ہو جاتی ہے تو یہ 2021 سے 2026 کے درمیان دوسری عدم اعتماد اور چوتھا وزیراعظم ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر پی پی پی عدم اعتماد ن لیگ ووٹ.ذریعہ: WE News
کلیدی لفظ: پی پی پی ن لیگ ووٹ تحریک عدم اعتماد کا پیپلز پارٹی کی صورت میں انوار الحق کہنا ہے کہ مسلم لیگ ن کا اعلان کی حمایت ارکان کی ہے اور کے بعد کے لیے
پڑھیں:
وزیر اعظم آزاد کشمیر کیخلاف تحریک عدم اعتماد پر پارٹی سے مشاورت کریں گے، امیر مقام
وزیر اعظم آزاد کشمیر کیخلاف تحریک عدم اعتماد پر پارٹی سے مشاورت کریں گے، امیر مقام WhatsAppFacebookTwitter 0 28 October, 2025 سب نیوز
اسلام آباد میں وزیراعظم آزاد کشمیر کی تبدیلی اور تحریک عدم اعتماد سے متعلق مسلم لیگ ن کا اجلاس طلب کرلیا گیا۔
وفاقی وزیر امیر مقام نے کہا کہ آج آزاد کشمیر سے مسلم لیگ ن کی قیادت کو بھی بلایا ہے، ہم نے اپنی پارٹی سے مشاورت کرنی ہے کیونکہ مسلم لیگ ن کے ممبران فیلڈ میں ہوتے ہیں۔
انہوں نے کہا کہ آج تحریک عدم اعتماد پر اپنی پارٹی سے مشاورت کریں گے، وزیراعظم آزاد کشمیر سے متعلق فیصلوں پر پارٹی کو اعتماد میں لیں گے۔
امیر مقام نے کہا کہ گراؤنڈ پر تو یہ لوگ ہیں لہذا آزاد کشمیر کی نون لیگ کی قیادت سے مشاورت ہوگی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان اور افغان طالبان کے استنبول میں تین روز سے جاری مذاکرات بے نتیجہ ختم پیپلز پارٹی کی وزیراعظم آزاد کشمیر کو استعفے کیلئے مہلت، انوار الحق کا تحریک عدم اعتماد کا مقابلہ کرنیکا فیصلہ اسرائیلی آرمی چیف کا حماس کے خلاف جنگ جاری رکھنےکا اعلان عدالت نے 9 مئی سمیت 5 مقدمات میں عمران خان اور بشریٰ بی بی کی گرفتاری روک دی پاکستان کے معاشی استحکام کا انقلابی سفر، بھارتی ویب سائٹ کی رپورٹ میں بھی اعتراف “ہیپی برتھ ڈے‘‘ مریم نواز نے زندگی کی 52 بہاریں دیکھ لیں شہبازشریف اور سعودی ولی عہد کی ملاقات، توانائی، تجارت اور نئے منصوبوں پر گفتگوCopyright © 2025, All Rights Reserved
رابطہ کریں ہماری ٹیم
پاک بحریہ نے بحیرہ عرب میں اربوں روپے مالیت کی منشیات پکڑ لیں