استحکام پاکستان و بنیان مرصوص کانفرنس؛ علما کا پاک فوج سے اظہار یکجہتی
اشاعت کی تاریخ: 28th, May 2025 GMT
لاہور:
تحریک اتحاد بین مسلمین کے تحت لاہور میں پاک فوج کو خراج تحسین پیش کرنے کے لیے ’’استحکام پاکستان و بنیان مرصوص کانفرنس‘‘ کا انعقاد کیا گیا۔
کانفرنس میں تمام مکاتبِ فکر کے ممتاز علمائے کرام نے شرکت کی۔ کانفرنس کی صدارت مولانا زبیر ورک نے کی جبکہ مہمان خصوصی سید اسامہ اجمل قاسمی تھے۔ استحکام پاکستان کانفرنس سے جماعت اہلحدیث، وفاقی وزرا اور ممتاز علمائے کرام نے خطاب کیا۔
مقررین نے کانفرنس کے شرکاء سے خطاب کرتے ہوئے کہا کہ ’’پاک فوج نے دشمن کو منہ توڑ جواب دے کر ثابت کیا کہ وہ دنیا کی پہلے نمبر کی فوج ہے۔‘‘
مقررین کا کہنا تھا کہ پاک فوج عالم اسلام کے دلوں کی دھڑکن بن چکی ہے اسلام دشمن قوتیں ہمیشہ ناکام رہیں گی، بھارت خطے میں دہشت گردی پھیلا کر اپنے ناپاک عزائم کی تکمیل چاہتا ہے۔ پاک فوج نے ہمیشہ بھارتی جارحیت کا منہ توڑ جواب دیا، آئندہ بھی دشمن کو ایسا سبق سکھایا جائے گا کہ وہ دوبارہ جرات نہیں کر پائے گا۔
کانفرنس سے خطاب میں مقررین کا کہنا تھا کہ یہ ملک ہمارے آباؤ اجداد کی قربانیوں کا نتیجہ ہے، ہم اسے اتحاد و یگانگت سے سیسہ پلائی دیوار بن کر محفوظ رکھیں گے۔ کشمیر پاکستان کی شہ رگ ہے اس کو آزاد کروانا پاک فوج اور حکومت پر فرض ہو چکا ہے، جذبہ جہاد سے سرشار پاک فوج کے جوان کشمیر کی آزادی کا خواب پورا کریں گے۔
.ذریعہ: Express News
کلیدی لفظ: پاک فوج
پڑھیں:
پی ٹی آئی اہم رہنماؤں نے استحکام پاکستان پارٹی میں شمولیت اختیار کرلی
ویب ڈیسک: استحکام پاکستان پارٹی کی این اے 117 میں بڑی کامیابی، پاکستان تحریک انصاف مینارٹی ونگ کے عہدیداروں نے آئی پی پی میں شمولیت کا اعلان کر دیا۔
عہدیداران نے جنرل سیکرٹری آئی پی پی و کوآرڈینیٹر حلقہ میاں خالد محمود و دیگر سے ملاقات کی، سینئر رہنماء آئی پی پی نے مینارٹی ونگ کے عہدیداروں کو پارٹی پرچم پہنا کر خیر مقدم کیا۔
میکسیول سندھو کی قیادت میں اقلیتی نمائندوں نے استحکام پاکستان پارٹی کے منشور پر مکمل اعتماد کا اظہار کرتے ہوئے کہا کہ صدر آئی پی پی عبدالعلیم خان کی زیر قیادت سیاسی خدمات انجام دینے کیلئے پُرعزم ہیں۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
واضح رہے کہ سابقہ کونسلرز جاوید عاصم، شکیل اختر، سجاد مسیح، روبر اشرف، پاسٹر زاہد، پاسٹر آصف عنائت، پاسٹر جارج گل، ہنی مسیح، عارف سرویا اور عرفان بھٹی آئی پی پی میں شامل ہوئے ہیں۔
اس کے علاوہ عمران کھوکھر، کاشف مسیح، صفدر مسیح، عمران پرویز، اعجاز مسیح، شمروز گل، فرزان کھوکھر، بابر گل، عمانوائل، جمیل مسیح، رفاقت اٹھوال، شہزاد مسیح، وقاص مسیح اور دلاور مٹھو نے بھی پارٹی میں شمولیت کا اعلان کیا ہے۔
لاہور: سیف سٹی اتھارٹی کا پولیس ڈرونز پائلٹ پروجیکٹ کا آغاز
اس موقع پر مسیحی نمائندوں نے گفتگو کرتے ہوئے کہا کہ این اے 117 کی مسیحی برادری کا بہتر مستقبل آئی پی پی سے وابستہ ہے۔
میاں خالد محمود نے کہا کہ استحکام پاکستان پارٹی نے ہمیشہ اقلیتوں کے مساوی حقوق کا تحفظ کیا ہے،بلدیاتی انتخابات میں کامیابی کیلئے گراس روٹ لیول پر پارٹی مضبوط بنا رہے ہیں، شاہدرہ اور گرد و نواح کے نوجوانوں کی آئی پی پی میں دلچسپی خوش آئند ہے۔
کراچی، نادرن بائی پاس پر پلاسٹک کے گودام میں آگ لگ گئی