یوم تکبیر: پاکستان کے ایٹمی دھماکوں کو 27 سال مکمل، ملک بھر میں عام تعطیل
اشاعت کی تاریخ: 28th, May 2025 GMT
پاکستان کے ایٹمی دھماکوں کو 27 سال مکمل ہوگئے۔ 28 مئی 1998 کو پاکستان نے انڈیا کے جوہری دھماکوں کے جواب میں بلوچستان کے علاقے چاغی میں ایٹمی دھماکے کرکے خطے میں طاقت کا توازن برقرار رکھنے کے ساتھ ساتھ اپنے دفاع کے حق کو منوایا۔
یہ بھی پڑھیے: عالمی دباؤ کے باوجود 28 مئی کو ایٹمی دھماکے، یہ تھا ’ایبسلوٹلی ناٹ‘، نواز شریف
جوہری دھماکوں کے بعد پاکستان کا دفاع ناقابل تسخیر ہوگیا۔ اس موقع پر ملک بھر میں یوم تکبیر منایا جاتا ہے اور عام تعطیل کا اعلان کیا گیا ہے۔ یوم تکبیر پر مختلف تقاریب کا انعقاد بھی ہوگا اور پاک فوج کو خراج تحسین پیش کیا جائے گا۔
چیئرمین جوائنٹ چیفف آف اسٹاف کمیٹی اور سروسز چیفس نے یوم تکبیر کے موقع پر اپنے پیغام میں قوم کو مبارکباد دیتے ہوئے کہا ہے کہ مسلح افواج پاکستان کے دفاع کے لیے مکمل طور پر تیار ہیں، یوم تکبیر 1998 کے اس عظیم لمحے کی یاد دلاتا ہے جب پاکستان جوہری طاقت بن کر سامنے آگیا۔
صدر مملکت آصف علی زرداری اور وزیر اعظم شہباز شریف نے بھی یوم تکبیر کے موقع پر قوم کو مبارکباد پیش کی اور کہا کہ ایٹمی قوت کا حصول طاقت کے ذریعے امن قائم رکھنے کا دانشمندانہ فیصلہ تھا۔ ایٹمی قوت ہماری خودمختاری اور قومی سلامتی کو یقینی بناتی ہے۔ انہوں نے کہا ہے کہ حالیہ بھارتی جارحیت کے باوجود پاکستان نے تذویراتی تحمل اور امن کا مظاہرہ کیا۔
یہ بھی پڑھیے: ہم 9 مئی والے نہیں، 10 اور 28 مئی والے ہیں، مریم نواز شریف
دوسری طرف وزیر اعظم شہباز شریف نے کہا ہے کہ نواز شریف نے اقتصادی پابندیوں، دباؤ اور دھمکیوں کو خاطر میں نہ لاتے ہوئے 1998 میں آج کے دن 6 ایٹمی دھماکے کرکے پاکستان کی سرحدوں کو ہمیشہ کے لیے ناقابل تسخیر بنا دیا۔
ان کا کہنا تھا کہ ذولفقار علی بھٹو سے لے کر نواز شریف تک جنہوں نے پاکستان کے ایٹمی پروگرام کو پایہ تکمیل تک پہنچایا قوم ہمیشہ انہیں یاد رکھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایٹمی دھماکے تعطیل یوم تکبیر.ذریعہ: WE News
کلیدی لفظ: ایٹمی دھماکے تعطیل یوم تکبیر پاکستان کے نواز شریف یوم تکبیر
پڑھیں:
ایٹمی دھماکے پُرامن اور محفوظ پاکستان کی ضمانت ہیں: مریم نواز
وزیراعلیٰ پنجاب مریم نواز—فائل فوٹووزیراعلیٰ پنجاب مریم نواز نے کہا ہے کہ ایٹمی دھماکے پُرامن اور محفوظ پاکستان کی ضمانت ہیں۔
یوم تکبیر کے موقع پر جاری کیے گئے پیغام میں انہوں نے کہا کہ 27 سال گزر گئے مگر آج پاکستانی قوم کا سر فخر سے بلند ہے اور بلند رہے گا۔
مریم نواز کا کہنا تھا کہ قوم آج بھی پاکستان مسلم لیگ (ن) کے قائد نواز شریف کی ممنون ہے۔
بھارت کی مسلط کردہ جنگ میں سرخرو ہوکر نکلے ہیں: وزیراعظم
واضح رہے کہ پاکستان کے ایٹمی دھماکوں کے 27 برس مکمل ہوگئے ہیں، پاکستان نے آج ہی کے دن بھارت کے 5 ایٹمی دھماکوں کا جواب دیا، خطے میں طاقت کا توازن بحال کیا اور دفاع کا حق منوایا۔
یوم تکبیر 1998ء کے اُس عظیم لمحے کی یاد دلاتا ہے جب پاکستان جوہری طاقت کے طور پر اُبھرا۔
عالمی بینک کے اعلیٰ سطحی وفد نے منیجنگ ڈائریکٹر آپریشنزانا بجیرڈے کی سربراہی میں بی آئی ایس پی کے ون ونڈو سہولت مرکز کا دورہ