سینیٹر ڈاکٹر شہزاد وسیم سے جرمن وفاقی وزارت خارجہ کے مندوب کی ملاقات
اشاعت کی تاریخ: 29th, May 2025 GMT
اسلام آباد : جرمن وفاقی وزارت خارجہ کے سینئر مندوب ٹوبیاس کراؤس نے سینیٹر ڈاکٹر شہزاد وسیم سے ان کی رہائش گاہ پر ملاقات کی، جس میں باہمی دلچسپی کے امور اور علاقائی صورتحال پر تبادلہ خیال کیا گیا۔
ملاقات کے دوران سینیٹر ڈاکٹر شہزاد وسیم نے حالیہ بھارتی جارحیت کا مؤثر اور فوری جواب دینے پر پاکستانی افواج کو خراج تحسین پیش کرتے ہوئے کہا کہ پاکستان نے نہ صرف اپنی روایتی دفاعی صلاحیت کو برقرار رکھا بلکہ جدید جنگی تکنیکوں اور فضائی مہارت میں بھی اپنا لوہا منوایا۔
انہوں نے اس بات پر زور دیا کہ پاکستان کا سچائی پر مبنی مؤقف بین الاقوامی سطح پر پذیرائی حاصل کر رہا ہے۔
سینیٹر شہزاد وسیم نے مسئلہ کشمیر کو عالمی سطح پر اجاگر کیے جانے کو پاکستان کی بڑی سفارتی کامیابی قرار دیا۔
انہوں نے پاکستان، افغانستان اور چین کے وزرائے خارجہ کے درمیان ہونے والے حالیہ بیجنگ مذاکرات کو نہایت اہمیت کا حامل قرار دیتے ہوئے کہا کہ سی پیک کو افغانستان تک توسیع دینے کا فیصلہ ایک تاریخی پیش رفت ہے۔ انہوں نے کہا کہ یہ اقدام افغانستان میں استحکام، خطے میں اقتصادی خوشحالی اور دہشت گردی کے خلاف مشترکہ کوششوں کو تقویت دینے میں کلیدی کردار ادا کرے گا۔
ملاقات کے اختتام پر دونوں فریقین نے باہمی تعاون کو فروغ دینے اور خطے میں امن و ترقی کے لیے مل کر کام کرنے کے عزم کا اظہار کیا۔
ذریعہ: Daily Mumtaz
پڑھیں:
فلسطین کے مسئلہ پر پاکستان اور ترکیہ مل کر کام جاری رکھیں گے
سٹی 42 : پاکستان اور ترکی نے فلسطین کے مسئلے پر پاکستان اور ترکیہ کا مل کر کام جاری رکھنے پر اتفاق کیا ہے۔ پاکستان کے وزیر خٓرجہ اسحاق ڈار اور ترکیہ کے وزیر خارجہ حکان فدان نے استنبول میں ملاقات کی اور اس امر پر اتفاق کیا کہ فلسطین کے مسئلے پر پاکستان اور ترکیہ مل کر کام جاری رکھیں گے۔
وزیرِ خارجہ اسحاق ڈار کی ترک ہم منصب حکان فدان سے استنبول میں ملاقات کے دوران دونوں وزرائے خارجہ نے برادرانہ تعلقات اور باہمی تعاون کے عزم کو دہرایا، ساتھ ہی علاقائی و بین الاقوامی امور پر قریبی رابطہ برقرار رکھنے پر بھی اتفاق کیا گیا۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
اسلام آباد میں پاکستان کی وزارت خٓرجہ نے آج شب بتایا کہ اسحاق ڈٓر اور حکان فدان کی ملاقات "وزرائے خارجہ کے غزہ پر وزارتی اجلاس"کے موقع پر ہوئی۔ اس اہم ملاقات میں پاکستان اور ترکیہ کے تعلقات کے مثبت تسلسل پر اطمینان کا اظہار کیا گیا۔سیاسی، اقتصادی اور دفاعی شعبوں میں تعاون مزید بڑھانے کے عزم کا اعادہ کیا گیا۔
وزارت خارجہ نے بتایا کہ ملاقات میں فلسطین کے مسئلے پر پاکستان اور ترکیہ کا مل کر کام جاری رکھنے پر اتفاق کیا گیا، دونوں وزارائے خٓرجہ نے غزہ میں پائیدار امن کے قیام کی ضرورت پر زور دیا۔
لاہور: سیف سٹی اتھارٹی کا پولیس ڈرونز پائلٹ پروجیکٹ کا آغاز
دونوں وزرائے خارجہ نے برادرانہ تعلقات اور باہمی تعاون کے عزم کو دہرایا۔ علاقائی و بین الاقوامی امور پر قریبی رابطہ برقرار رکھنے پر بھی اتفاق کیا گیا۔
Waseem Azmet
پاکستان اور افغانستان کے مذاکرات ناکام ہوگئے، طالبان حکومت افغان عوام کو غیر ضروری جنگ میں دھکیلنا چاہتی ہے، عطاء تارڑ