کراچی: مویشی منڈی ڈیوٹی سے غیر حاضری پر 11 پولیس اہلکار برطرف
اشاعت کی تاریخ: 31st, May 2025 GMT
کراچی:
ڈی آئی جی ویسٹ زون عرفان علی بلوچ نے مویشی منڈی میں ڈیوٹی سے مسلسل غیر حاضری پر 11 پولیس اہلکاروں کو نوکری سے برطرف کردیا۔
اس حوالے سے جاری حکم نامے میں تمام ڈیوٹی افسران کو ہدایت کی گئی ہے کہ وہ اپنے تھانوں کی حدود میں مویشی منڈی پر مامور نفری کو حاضری کا پابند بنائیں۔
آئندہ غیر حاضری کی صورت میں 10 ہزار روپے جرمانہ اور 3 غیر حاضریوں پر نوکری سے برطرفی کی سزا دی جائے گی اور اس ضمن میں کوئی رعایت نہیں برتی جائے گی۔
نوکری سے برطرف کیے جانے والوں میں 2 اہلکار پولیس ہیڈ کوراٹر ویسٹ زون جبکہ دیگر 9 اہلکار ڈسٹرکٹ سینٹرل انویسٹی گیشن پولیس نیو کراچی، گلبرگ، شارع نور جہاں اور لیاقت آباد کے شامل ہیں۔
.ذریعہ: Express News
پڑھیں:
میہڑ: ٹیچر صدف حاصلو کا قتل، پولیس اہلکار سمیت 2 ملزمان گرفتار
—فائل فوٹوسندھ کے ضلع دادو کی تحصیل میہڑ میں ٹیچر صدف حاصلو کے قتل کے الزام میں 2 ملزمان کو گرفتار کر لیا گیا۔
ایس ایس پی دادو نے بتایا ہے کہ گرفتار ملزمان میں 1 پولیس اہلکار اور دوسرا سہولت کار شامل ہے۔
انہوں نے بتایا کہ قمبر میں 3 ماہ قبل ملزم پولیس اہلکار نے شادی سے انکار پر اپنی منگیتر صدف حاصلو کو قتل کر دیا تھا۔
سندھ کے ضلع قمبر شہداد کوٹ کے گوٹھ راہوجہ کے قریب پولیس اہلکار نے فائرنگ کرکے لیڈی ٹیچر کو قتل کردیا تھا، خاتون ٹیچر کو شادی سے انکار پر اہلکار نے قتل کیا تھا، ملزم کی تلاش جاری ہے۔
ایس ایس پی دادو کا کہنا ہے کہ گرفتار دوسرے ملزم نے پولیس اہلکار کو اپنے گھر میں پناہ دے رکھی تھی۔
انہوں نے بتایا کہ ملزم کی گرفتاری کے لیے سندھ حکومت نے 25 لاکھ روپے کا انعام مقرر کیا تھا۔
ایس ایس پی کے مطابق ڈی آئی جی لاڑکانہ نے ملزم کی گرفتاری کے لیے تحقیقاتی کمیٹی بنائی تھی۔
انہوں نے یہ بھی بتایا ہے کہ گرفتار ملزمان کے خلاف مقدمات درج کر کے کارروائی شروع کر دی گئی ہے۔
گرمیوں کی آمد کے ساتھ مٹی کے گملوں کی مانگ میں اضافہ