غزہ میں امریکا کے خوراک کے تقسیم کے مراکز فلسطینیوں کیلیے موت کا پھندا بن گئے
اشاعت کی تاریخ: 2nd, June 2025 GMT
اسرائیلی فوج نے غزہ کے علاقے رفح میں امریکی حمایت یافتہ امدادی مراکز پر خوراک کے حصول کے لیے جمع ہزاروں فلسطینیوں پر اسرائیلی فوج نے فائرنگ کی تھی۔
عالمی خبر رساں ادارے کے مطابق جنوبی غزہ کے جن 2 امدادی مراکز پر فائرنگ کی گئی وہ غزہ ہیومینیٹیرین فاؤنڈیش (GHF) کے زیر انتظام تھے۔
خیال رہے کہ غزہ ہیومینیٹیرین فاؤنڈیش (GHF) امریکا اور اسرائیل کی حمایت امدادی تنظیم ہے جس کے مراکز کو سب سے محفوظ تصور کیا جاتا تھا۔
اس واقعے سے یہ تاثر ابھرا ہے کہ مظلوم فلسطینیوں کو ٹریپ کیا گیا اور جن مراکز کو وہ محفوظ سمجھ کر امداد کے لیے جمع ہوئے۔ وہیں اُن پر گولیاں برسائی گئیں۔
عینی شاہدین نے میڈیا کو بتایا کہ فائرنگ اسرائیلی فوجی ٹینکوں سے کی گئی جس میں 32 فلسطینی شہید اور 200 سے زائد زخمی ہوگئے تھے۔
اسرائیلی فوج کی فائرنگ میں شہید اور زخمی ہونے والوں میں زیادہ تر خواتین اور بچے شامل ہیں۔ زخمیوں میں سے 10 سے زائد کی حالت نازک ہے۔
دوسری جانب اسرائیلی حکومت نے امدادی مراکز پر فائرنگ کے الزام کو مسترد کرتے ہوئے کہا کہ نقاب پوش حملہ آوروں نے شہریوں کو نشانہ بنایا تھا۔
ادھر امریکی ادارہ "غزہ ہیومینیٹیرین فاؤنڈیشن" نے تو سرے سے ہی فائرنگ کے واقعے کی تردید کرتے ہوئے اسے "من گھڑت رپورٹنگ" قرار دیا۔
خیال رہے کہ اس تنظیم GHF نے غزہ میں 26 مئی سے اپنی امدادی سرگرمیوں کا آغاز کیا تھا لیکن ایگزیکٹو ڈائریکٹر اور سابق امریکی فوجی جیک ووڈز نے امداد کی تقسیم شروع ہونے سے قبل ہی استعفیٰ دے دیا تھا۔
ان کا کہنا تھا کہ یہ منصوبہ انسانی اصولوں بشمول غیر جانبداری، انسانیت اور آزادی کے مطابق قابل عمل نہیں ہے۔
اقوام متحدہ اور دیگر بین الاقوامی اداروں نے بھی GHF کو اسرائیل کے فوجی مقاصد کے حصول کا ذریعہ قرار دیتے ہوئے کسی قسم کی معاونت سے صاف انکار کر دیا تھا۔
اقوام متحدہ کے فلسطینی پناہ گزین ادارے کے سربراہ فلپ لازارینی نے کہا کہ امدادی مراکز اب فلسطینیوں کے لیے موت کا پھندا بن چکے ہیں۔
الجزیرہ کی رپورٹر ہند خضری نے بتایا کہ فلسطینی یہ جانتے ہوئے بھی کہ یہ امدادی مراکز متنازع اور قابل بھروسہ نہیں ہیں، صرف ایک وقت کے کھانے کے لیے اپنی جان خطرے میں ڈال رہے ہیں۔
رپورٹر نے مزید بتایا کہ ان علاقوں میں فلسطینیوں کے پاس اور کوئی چارہ نہیں بچا۔ خوراک کی شدید قلت ہے اور ایک کلو آٹے کی قیمت 20 امریکی ڈالر تک پہنچ چکی ہے۔
یاد رہے کہ GHF کی تقسیم کردہ راشن کٹس میں صرف ایک کلو آٹا، چند پیکٹ پاستا، اور چند ڈبے فاوہ بینز کے شامل ہیں جو ایک خاندان کے لیے ناکافی اور غیرمتوازن غذا ہے۔
فلسطینی میڈیکل ریلیف سوسائٹی کے رہنما بَسّام زقوط نے بتایا کہ پرانی امدادی تقسیم کا نظام 400 مقامات پر مشتمل تھا، جو اب گھٹ کر صرف چار تک محدود کر دیا گیا ہے جہاں معمر افراد اور معذوروں کی ضروریات کا بھی خیال نہیں رکھا جاتا۔
.
ذریعہ: Express News
کلیدی لفظ: امدادی مراکز بتایا کہ کے لیے
پڑھیں:
حماس کا اسرائیل پر اسیر کی ہلاکت کا الزام، غزہ میں امداد کی لوٹ مار کا دعویٰ بھی مسترد
فلسطینی مزاحمتی تنظیم حماس نے اسرائیلی حراست میں موجود 65 سالہ قیدی محمد حسین غوادرة کی موت کو جیلوں میں جاری مبینہ طبی غفلت اور خراب رویے کا نتیجہ قرار دیتے ہوئے اسرائیل کو مکمل طور پر ذمہ دار ٹھہرایا ہے۔ حماس کا کہنا ہے کہ اسرائیلی جیلوں میں قیدیوں کے ساتھ بدسلوکی، تشدد اور علاج کی محرومی کی پالیسی منظم انداز میں جاری ہے، تاہم اس طرح کے اقدامات فلسطینیوں کے حوصلے کم نہیں کرسکتے۔
یہ بھی پڑھیں: حماس کی جانب سے واپس کیے گئے اجسام یرغمالیوں کے نہیں،اسرائیل کا دعویٰ
حماس نے کہا کہ فلسطینی اسیران کے حق میں سرگرمیوں میں مزید اضافہ کیا جائے اور عالمی برادری اور انسانی حقوق کے ادارے اسرائیل کو جوابدہ بنائیں۔ اقوام متحدہ سمیت متعدد عالمی تنظیمیں اسرائیلی قید خانوں میں فلسطینیوں کے ساتھ بدسلوکی اور غیر انسانی سلوک پر پہلے ہی تشویش کا اظہار کر چکی ہیں، جبکہ جنگ غزہ کے آغاز کے بعد ایسی شکایات میں نمایاں اضافہ ہوا ہے۔
دوسری جانب حماس نے غزہ میں امدادی سامان کی لوٹ مار سے متعلق امریکی اور اسرائیلی الزامات کو من گھڑت اور گمراہ کن قرار دے دیا ہے۔ غزہ حکومت کے میڈیا آفس کے مطابق یہ الزام فلسطینی پولیس فورس کی ساکھ کو متاثر کرنے کی کوشش ہے، جبکہ حقیقت یہ ہے کہ پولیس اہلکار امدادی قافلوں کی حفاظت کی ذمہ داری انجام دے رہے تھے۔
یہ بھی پڑھیں: اسرائیلی یرغمالیوں کی مزید لاشیں کب حوالے کی جائیں گی؟ حماس کا اہم بیان آگیا
میڈیا آفس کے مطابق امدادی کاررواں کی نگرانی اور حفاظت کے دوران اب تک ایک ہزار سے زائد پولیس اہلکار شہید اور سینکڑوں زخمی ہو چکے ہیں، جو اس بات کا ثبوت ہے کہ وہ امداد کی چوری نہیں بلکہ اسے محفوظ طریقے سے گوداموں تک منتقل کرنے کی کوشش کر رہے تھے۔
بیان میں مزید کہا گیا کہ کئی بین الاقوامی ادارے بھی تصدیق کر چکے ہیں کہ فلسطینی پولیس نے امداد کی ترسیل میں اہم کردار ادا کیا، جبکہ اسرائیلی فورسز نے جان بوجھ کر پولیس اور رضاکاروں کو نشانہ بنایا تاکہ غزہ میں انتشار اور لوٹ مار کو بڑھایا جاسکے۔
یہ بھی پڑھیں: حماس کے غیرمسلح ہونے کے لیے کوئی آخری تاریخ مقرر نہیں کی، امریکا نے واضح کردیا
حماس نے امریکی سینٹرل کمانڈ پر جانبداری کا الزام بھی عائد کیا اور کہا کہ سینٹکام نے اسرائیل کی جانب سے جنگ بندی کی خلاف ورزیوں، شہریوں کی ہلاکتوں اور امدادی سامان کی رکاوٹوں پر خاموشی اختیار کررکھی ہے۔
واضح رہے کہ سینٹکام کی جانب سے جاری ایک ویڈیو پر امریکی سینیٹر مارکو روبیو نے دعویٰ کیا تھا کہ حماس غزہ کے عوام تک امداد پہنچنے سے روک رہی ہے، اور یہ رکاوٹ صدر ٹرمپ کے امدادی پلان کو نقصان پہنچا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل امداد حماس سینٹکام غزہ قیدی
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر