پاکستانی ٹک ٹاک اسٹار ثنا یوسف کا ان کے گھر کے اندر قتل
اشاعت کی تاریخ: 3rd, June 2025 GMT
اسلام آباد (اُردو پوائنٹ ۔ DW اردو۔ 03 جون 2025ء) پولیس کے مطابق 17 سالہ ثنا یوسف کو پیر کے روز اس کے گھر میں گولی مار کر ہلاک کر دیا گیا ، جس کے بعد تحقیقات کا آغاز ہوا۔ ثنا یوسف، سوشل میڈیا پلیٹ فارمز ٹک ٹاک اور انسٹاگرام پر مجموعی طور پر دس لاکھ سے زائد فالوورز کی حامل تھیں۔ ان کے قتل نے پاکستان میں آن لائن شخصیات، خاص طور پر نوجوان خواتین، کی سلامتی کے بارے میں تشویش کو مزید بڑھا دیا ہے۔
ہم اس کیس کے بارے میں کیا جانتے ہیں؟پولیس نے ثنا یوسف کی والدہ کی شکایت پر ایک نامعلوم ملزم کے خلاف مقدمہ درج کر لیا ہے۔
وفاقی وزیرداخلہ محسن نقوی نے اپنی ایک ایکس پوسٹ میں ایک مقامی ٹی وی چینل کے اسکرین شارٹس شیئر کرتے ہوئے اسلام آباد پولیس کو شاباش دی ہے کہ انہوں نے واقعے کے چند ہی گھنٹوں کے اندر ملزم کے حراست میں لے لیا ہے۔
(جاری ہے)
محسن نقوی نے اپنے بیان میں لکھا ہے کہ ملزم کے قبضے سے ایک پستول اور مقتولہ ٹک ٹاکر کا فون برآمد کیا گیا ہے جب کہ ملزم نے اعتراف جرم بھی کیا ہے۔
اس سے قبل مقامی پولیس اسٹیشن کے ایس ایچ او نے ڈی ڈبلیو کو بتایا تھا کہ ''قتل متاثرہ لڑکی کے گھر کے اندر ہوا اور بظاہر قاتل اس کا جاننے والا تھا۔‘‘
انہوں نے مزید کہا، ''ملزم گھر کا جانا پہچانا مہمان تھا، جو ان کے ذاتی تعلق کو ظاہر کرتا ہے۔
‘‘معروف پاکستانی صحافی عاصمہ شیرازی نے بھی ابتدائی تفتیش کے حوالے سے ڈی ڈبلیو سے گفتگو میں بتایا کہ ملزم کو گھر میں آنے کی اجازت سے بظاہر یہی لگتا ہے کہ ملزم اس گھرانے کا جانا پہچانا فرد تھا۔
پاکستانی اخبار ڈان نے ابتدائی پولیس معلومات کی بنیاد پر بتایا ہے کہ ملزم پیر کو شام پانچ بجے کے قریب متعلقہ گھر میں داخل ہوا اور اُس نے ثنا یوسف کے سینے میں دو گولیاں ماریں۔
ثنا کو فوراً ہسپتال منتقل کیا گیا، مگر وہ زخموں کی تاب نہ لاتے ہوئے دم توڑ گئیں۔ ثنا یوسف کون تھیں؟ثنا یوسف سوشل میڈیا پر اپنے مختصر ویڈیوز اور طرزِ زندگی سے متعلق مواد کی وجہ سے جانی جاتی تھیں۔ وہ ثقافت، خواتین کے حقوق اور نوجوانوں کو بااختیار بنانے کے موضوعات پر مبنی مواد پوسٹ کرنے کے لیے مقبول تھیں۔ ان کی ویڈیوز میں اکثر مزاحیہ کلپس، حوصلہ افزا پیغامات اور ثقافتی جھلکیاں شامل ہوتیں جو نوجوان ناظرین کے ساتھ گہرا ربط رکھتی تھیں۔
ان کی موت کے بعد سوشل میڈیا پر زبردست گفتگو ہو رہی ہے جب کہ #JusticeForSanaYousaf کا ہیش ٹیگ بھی ٹرینڈ کر رہا ہے۔واضح رہے کہ حال ہی میں ایک پاکستانی نژاد شخص، جو کچھ عرصہ پہلے ہی امریکہ سے اپنے خاندان کے ساتھ واپس آیا تھا، نے اپنی 15 سالہ بیٹی کو اس کے ٹک ٹاک مواد کی وجہ سے قتل کرنے کا اعتراف کیا تھا۔
پاکستان میں ٹک ٹاک استعمال کرنے والوں کی تعداد 5 کروڑ 40 لاکھ سے زیادہ ہے۔ تاہم، حکام اس ایپ پر مواد کے حوالے سے تحفظات کے باعث اسے متعدد بار بند کر چکے ہیں۔
.
ذریعہ
ذریعہ: UrduPoint
کلیدی لفظ: تلاش کیجئے ثنا یوسف کہ ملزم ٹک ٹاک
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار