الیکشن کمیشن نااہلی کیس: عمر ایوب کی استدعا منظور
اشاعت کی تاریخ: 4th, June 2025 GMT
---فائل فوٹو
الیکشن کمیشن نے قومی اسمبلی میں قائدِ حزبِ اختلاف عمر ایوب کی نااہلی کیس میں وقت دینے کی استدعا منظور کر لی۔
الیکشن کمیشن میں اپوزیشن لیڈر عمر ایوب کے خلاف آرٹیکل 62 اور 63 کے تحت نااہلی کیس کی سماعت ہوئی۔
رہنما پی ٹی آئی عمر ایوب سماعت پر الیکشن کمیشن پہنچے۔
دورانِ سماعت عمر ایوب نے استدعا کی کہ انہیں وکیل کرنا ہے، اس لیے انہیں وقت دیا جائے، بجٹ پراسیس چل رہا ہے، 27 جون کے بعد تک کیس کی سماعت رکھیں۔
ممبر کے پی نے عدالت میں کہا کہ آپ کا وکیل الیکشن کمیشن میں پیش ہوتا ہے۔
اس پر عمر ایوب نے عدالت کو بتایا کہ وہ وکیل میرے دوسرے کیس میں پیش ہو رہا ہے، میں فاننس کمیٹی کا رکن ہوں اور اپوزیشن لیڈر ہوں۔
درخواست گزار عمر ایوب کے وکیل نے اپنے مؤقف میں کہا کہ 90 دن میں کیس کا فیصلہ کرنا ہے۔
چیف الیکشن کمشنر نے اپنے ریمارکس میں کہا کہ اگست تک ہمارے پاس وقت ہے، یہ درست کہہ رہے ہیں کہ اپوزیشن لیڈر ہیں، بجٹ سے متعلق ان کی ذمہ داری ہے۔
بعدازاں عدالت نے عمر ایوب کی استدعا منظور کرتے ہوئے اپوزیشن لیڈر کے خلاف نااہلی کیس کی سماعت یکم جولائی تک ملتوی کردی۔
.
ذریعہ
ذریعہ: Jang News
کلیدی لفظ: الیکشن کمیشن اپوزیشن لیڈر نااہلی کیس عمر ایوب
پڑھیں:
سپریم کورٹ: اے پی ایس شہداء لواحقین کو پیکیج نہ ملنے پر وفاقی حکومت سے جواب طلب
فائل فوٹوسپریم کورٹ نے اے پی ایس شہداء لواحقین کو پیکیج نہ ملنے پر وفاقی حکومت سے جواب طلب کرلیا۔
کیس کی سماعت جسٹس محمد علی مظہر کی سربراہی میں تین رکنی بینچ نے کی، جسٹس عرفان سعادت نے کہا کہ درخواست 25 دن تاخیر سے دائر کی گئی۔
پشاور ہائیکورٹ فیصلے پر توہین عدالت کی درخواست شہداء کےلواحقین کی جانب سے دائر کی گئی تھی، پشاور ہائیکورٹ نے توہین عدالت کی درخواست خارج کردی تھی۔
درخواست گزار کے وکیل نے کہا کہ شہداء کے لواحقین کو اعلان کردہ پیکیج نہیں ملا۔
جسٹس محمد علی مظہر نے کہا کہ اگر کوئی پیکیج ملا ہے تو سب کو دیں، وفاقی حکومت بتائے کہ پشاور ہائیکورٹ فیصلے پر عملدرآمد ہوا یا نہیں۔
کیس کی مزید سماعت غیر معینہ مدت کیلئے ملتوی کردی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ