اسلام آباد میں امریکہ کے یومِ آزادی کی تقریب، وزیر اعظم شہباز شریف کی خصوصی شرکت، نیٹلی بیکر کا دوستی اور تعاون پر زور
اشاعت کی تاریخ: 4th, June 2025 GMT
اسلام آباد (نیوز ڈیسک) ریاستہائے متحدہ امریکہ کے 249ویں یومِ آزادی کے موقع پر اسلام آباد میں ایک شاندار تقریب کا انعقاد کیا گیا، جس میں وزیر اعظم پاکستان شہباز شریف، نائب وزیر اعظم، وفاقی وزراء، سفارتی برادری کے نمائندگان، ممتاز مہمانان اور مختلف شعبہ ہائے زندگی سے تعلق رکھنے والے افراد نے شرکت کی۔
تقریب سے خطاب کرتے ہوئے امریکہ کی ناظم الامور نیٹلی بیکر نے تمام مہمانوں کو خوش آمدید کہا اور پاکستان کے ساتھ دیرینہ تعلقات کا ذکر کرتے ہوئے دوستی، اعتماد، باہمی ترقی اور تعاون پر مبنی تعلقات کو سراہا۔
نیٹلی بیکر نے کہا کہ یہ میرے لیے اعزاز ہے کہ میں اسلام آباد میں ایک بار پھر سفارتی خدمات سر انجام دے رہی ہوں۔ پاکستان کے عوام کی گرمجوشی، ثقافت، کرکٹ، فیشن اور مہمان نوازی ہمیشہ سے متاثر کن رہی ہے۔”
انہوں نے امریکی یومِ آزادی کی تاریخی اہمیت پر روشنی ڈالتے ہوئے کہا کہ چار جولائی صرف آزادی کا جشن نہیں بلکہ مساوات، خودمختاری اور خوشحالی جیسی اقدار کی تجدید کا دن ہے، جو امریکہ اور پاکستان کے درمیان شراکت داری کی بنیاد بھی ہیں۔”
پاکستان کے ساتھ طویل شراکت داری اور مشترکہ کامیابیاں
نیٹلی بیکر نے دونوں ممالک کے درمیان گزشتہ 78 سالوں پر محیط رفاقت کا احاطہ کرتے ہوئے بتایا کہ تعلیم، صحت، زراعت، قدرتی آفات میں مدد، اور کاروبار کے فروغ جیسے شعبوں میں مل کر اہم اقدامات کیے گئے ہیں۔ انہوں نے یو ایس ایڈ (USAID) کی خدمات کو سراہتے ہوئے کہا کہ:
“یو ایس ایڈ کی بدولت پاکستان میں لاکھوں افراد کی زندگیوں میں بہتری آئی۔ یہ شراکت داری پاکستان کے مستقبل پر مثبت اور دیرپا اثرات مرتب کرے گی۔”
دفاعی تعاون، سیکیورٹی اور انسداد دہشتگردی میں سنگ میل
انہوں نے انسداد دہشت گردی کے میدان میں حالیہ کامیابیوں، خصوصاً ایبےگیٹ حملے کے منصوبہ ساز کی حوالگی پر پاکستان کی کاوشوں کو سراہا اور کہا:
“یہ ہمارے دفاعی تعلقات میں ایک اہم سنگ میل ہے، جس نے دونوں ممالک کو مزید محفوظ بنایا۔”
معاشی تعاون اور ٹیکنالوجی میں شراکت داری کا فروغ
نیٹلی بیکر نے کہا کہ پاکستان اور امریکہ معاشی ترقی، توانائی، ڈیجیٹل مارکیٹس اور ٹیکنالوجی کے میدان میں بھی شراکت داری کو فروغ دے رہے ہیں۔ انہوں نے کہا کہ:
“ہم پاکستان کو بین الاقوامی سرمایہ کاری، جدید ٹیکنالوجی، کرپٹو، اور ڈیجیٹل فنانس میں ترقی کرتے دیکھنا چاہتے ہیں۔”
ثقافت، کھیل اور عوامی روابط کی اہمیت
انہوں نے دونوں ممالک کے درمیان کرکٹ، فیشن، موسیقی اور ثقافت کے شعبوں میں قربت کو خوش آئند قرار دیا اور کہا کہ:
“ہماری شراکت داری کی کوئی حد نہیں۔ ہم ایک ایسا مستقبل چاہتے ہیں جہاں دونوں اقوام ترقی، خوشحالی اور امن کے راستے پر ایک ساتھ گامزن ہوں۔”
تقریب میں موسیقی، امریکی پکوان، اور روایتی جشن کا اہتمام
تقریب میں امریکی ایئر فورس بینڈ نے دلکش موسیقی پیش کی، جبکہ امریکی روایتی پکوان، باربی کیو اور دیگر کھانوں نے جشن کو مزید پررونق بنایا۔ نیٹلی بیکر نے تقریب کے انعقاد میں معاونت کرنے والی تمام ٹیموں اور حاضرین کا شکریہ ادا کیا۔
آخر میں انہوں نے کہاآج کی تقریب نہ صرف امریکہ کے یومِ آزادی کا جشن ہے بلکہ پاکستان اور امریکہ کے درمیان دوستی اور شراکت داری کا عہدِ نو ہے۔
.ذریعہ: Daily Ausaf
کلیدی لفظ: نیٹلی بیکر نے اسلام آباد شراکت داری پاکستان کے امریکہ کے کے درمیان انہوں نے نے کہا کہا کہ
پڑھیں:
چائنا میڈیا گروپ اور کامسیٹس یونیورسٹی اسلام آباد کے اشتراک سے فکری و ثقافتی ہم آہنگی پر مبنی تقریب “انڈر اسٹینڈنگ شی زانگ ” کا انعقاد
چائنا میڈیا گروپ اور کامسیٹس یونیورسٹی اسلام آباد کے اشتراک سے فکری و ثقافتی ہم آہنگی پر مبنی تقریب “انڈر اسٹینڈنگ شی زانگ ” کا انعقاد WhatsAppFacebookTwitter 0 1 November, 2025 سب نیوز
تقریب میں طلبہ، اساتذہ، محققین، اور ماہرینِ تعلیم کی بڑی تعداد نے شرکت کی
بیجنگ ()
چائنا میڈیا گروپ کے زیرِ اہتمام، کامسیٹس یونیورسٹی اسلام آباد میں ” انڈر اسٹینڈنگ شی زانگ ” کے عنوان سے ایک پروقار تقریب کا انعقاد کیا گیا۔ اس تقریب کا مقصد چین کی تہذیبی عظمت، سماجی ترقی، اور خود اختیار علاقے شی زانگ کی ثقافتی دلکشی کو اُجاگر کرنا تھا۔
تقریب میں طلبہ، اساتذہ، محققین، اور ماہرینِ تعلیم کی بڑی تعداد نے شرکت کی، جنہوں نے اس موقع کو پاکستان۔چین تعلقات میں عوامی رابطوں کے فروغ کی ایک اہم پیش رفت قرار دیا۔
جمعہ کے روز
وزیرِ مملکت برائے قومی ورثہ و ثقافت، حذیفہ رحمان نے اپنے خطاب میں کہا کہ چین کی ترقی کا محور عوام کی فلاح و بہبود ہے، اور چینی قیادت کا عزم ہے کہ ترقی کے سفر میں کوئی ایک بھی فرد پیچھے نہ رہ جائے۔ انہوں نے کہا کہ شی زانگ اس حقیقت کا مظہر ہے کہ جدید ترقی، ثقافتی ہم آہنگی، اور ماحولیاتی تحفظ باہم ہم آہنگ ہو سکتے ہیں۔ ان کا مزید کہنا تھا کہ چائنا میڈیا گروپ جیسے ادارے دونوں ممالک کے مابین باہمی تفہیم اور ثقافتی تعلقات کو مستحکم بنانے میں اہم کردار ادا کر رہے ہیں۔
پاکستان میں چینی سفارت خانے کے ثقافتی قونصلر چن پھنگ نے اپنے خطاب میں کہا کہ شی زانگ، جو کبھی چین کے پسماندہ ترین علاقوں میں شمار ہوتا تھا، آج تعلیم، زراعت، بنیادی ڈھانچے اور ٹیکنالوجی میں مثالی ترقی کا مظہر بن چکا ہے۔ انہوں نے کہا کہ چین نے اپنے عوام کو جدید سہولیات سے آراستہ کرتے ہوئے ثقافتی اور ماحولیاتی توازن کو برقرار رکھا ہے، جو دنیا کے لیے ایک مثال ہے۔ ان کا کہنا تھا کہ چین اور پاکستان باہمی تعاون کے ذریعے ترقی کی نئی راہیں ہموار کر رہے ہیں۔
چین میں پاکستان کے سابق سفیر، معین الحق نے اس موقع پر کہا کہ پاکستان۔چین تعلقات محض حکومتی سطح تک محدود نہیں بلکہ عوامی سطح پر بھی ایک مضبوط جذبے کی حیثیت رکھتے ہیں۔ انہوں نے اپنے دورۂ شی زانگ کا حوالہ دیتے ہوئے بتایا کہ وہاں کا جدید انفراسٹرکچر، فائیو جی نیٹ ورک، بلند شرحِ خواندگی اور سماجی ہم آہنگی، چین کے پائیدار ترقیاتی ماڈل کی واضح عکاسی کرتے ہیں۔
سابق سی ای او، خیبرپختونخوا بورڈ آف انویسٹمنٹ، ڈاکٹر حسان داؤد بٹ نے کہا کہ چین کی ترقی وژنری قیادت، محنت، اور اجتماعی سوچ کا عملی نمونہ ہے۔ انہوں نے کہا کہ شی زانگ اس حقیقت کا ثبوت ہے کہ روایت اور جدیدیت کا حسین امتزاج ہی پائیدار ترقی کی کنجی ہے۔
پی آر سی سی ایس ایف کے ایگزیکٹو ڈائریکٹر، خالد تیمور اکرم نے کہا کہ شی زانگ، چین کی ترقی اور سماجی توازن کی ایک شاندار علامت ہے۔ انہوں نے کہا کہ اس نوعیت کی تقریبات پاک۔چین تعلقات میں فکری و علمی اشتراک کو فروغ دیتی ہیں اور خطے میں امن، تعاون، اور ترقی کے پیغام کو تقویت بخشتی ہیں۔
کیمپس انچارج، کامسیٹس یونیورسٹی، پروفیسر ڈاکٹر سہیل اصغر نے کہا کہ “انڈر اسٹینڈنگ شی زانگ” پروگرام نے طلبہ کو چین کی ثقافت، جدیدیت، اور سماجی ہم آہنگی سے براہِ راست روشناس کیا۔ انہوں نے چائنا میڈیا گروپ کا شکریہ ادا کرتے ہوئے کہا کہ ایسی تقریبات نہ صرف علمی و تحقیقی روابط کو مضبوط بناتی ہیں بلکہ نوجوان نسل میں باہمی احترام اور عالمی شعور کو بھی فروغ دیتی ہیں۔
سی ایم جی اُردو سروس کی نمائندہ، وانگ بِنگ شیا (عفت) نے شی زانگ سے متعلق سی ایم جی کی دستاویزی فلم کے نمایاں پہلوؤں کو اجاگر کرتے ہوئے چین کے ثقافتی ورثے کی خوبصورتی اور ترقی کے کامیاب سفر کا جامع احاطہ پیش کیا، جو نہ صرف چین بلکہ پوری انسانیت کے مشترکہ خوابوں کی تعبیر ہے۔
” انڈر اسٹینڈنگ شی زانگ” پروگرام نے نہ صرف چین کی تہذیبی رنگا رنگی اور ترقی کے وژن کو اجاگر کیا بلکہ چین اور پاکستان کے درمیان دوستی، باہمی ربط، اور تعاون کے جذبے کو بھی مزید تقویت بخشی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبردوسرا ٹی ٹوئنٹی، پاکستان نے جنوبی افریقہ کو 9 وکٹوں سے شکست دیدی اسپیکر پنجاب اسمبلی کا بلدیاتی ایکٹ کو آئینی تحفظ فراہم کرنے کا مطالبہ، 27ویں ترمیم کی حمایت کردی پاکستان کو سمندر میں تیل و گیس کی دریافت کیلئے کامیاب بولیاں موصول، ایک ارب ڈالر سرمایہ کاری متوقع سہیل آفریدی کو وزیراعلی بننے پر مبارکباد، ملکر دہشت گردی کا مقابلہ کرینگے، وزیراعظم مہمند ڈیم ہائیڈرو پاور منصوبہ، پاکستان کویت کے درمیان 25ملین ڈالر کے قرض پروگرام پر دستخط شاہ محمود قریشی اسپتال منتقل، پی ٹی آئی پرانی قیادت کی ریلیز عمران خان تحریک چلانے کیلئے ملاقات ایف آئی اے کا یوٹرن، شبر زیدی کے خلاف مقدمہ واپس لینے کا فیصلہCopyright © 2025, All Rights Reserved
رابطہ کریں ہماری ٹیم
اشتہار