جنگ بندی پر عمل جاری ہے، ٹرمپ نے بغیر کسی شبے کے ثابت کر دیا وہ امن کے پیامبر ہیں: وزیراعظم شہباز شریف
اشاعت کی تاریخ: 4th, June 2025 GMT
جنگ بندی پر عمل جاری ہے، ٹرمپ نے بغیر کسی شبے کے ثابت کر دیا وہ امن کے پیامبر ہیں: وزیراعظم شہباز شریف WhatsAppFacebookTwitter 0 4 June, 2025 سب نیوز
اسلام آباد (آئی پی ایس )پاکستان کے وزیراعظم شہباز شریف نے کہا ہے کہ وہ پاکستان اور انڈیا میں جنگ بندی میں امریکی صدر کے کردار کو سراہتے ہیں۔ شہباز شریف کا کہنا تھا کہ صدر ٹرمپ نے بغیر کسی شبے کے ثابت کردیا وہ امن کے پیامبر ہیں، امن کے فروغ، اقتصادی روابط میں اضافے کے لیے صدر ٹرمپ کی کوششیں قابل ستائش ہیں۔اسلام آباد میں امریکی سفارتخانے میں 249ویں یوم آزادی کی تقریب سے خطاب کے دوران وزیراعظم نے کہا کہ پاکستان اور امریکہ کے تعلقات نئے دور میں داخل ہو رہے ہیں اور دونوں ممالک تعلقات کو مضبوط بنانے کے لیے پرعزم ہیں۔
انھوں نے کہا کہ پاکستان اور انڈیا کے درمیان حالیہ کشیدگی میں کمی کے لیے امریکی دوستوں نے رابطہ کیا۔ انھوں نے کہا کہ دونوں ممالک میں کشیدگی میں کمی اور جنگ بندی کے لیے دوست ممالک کا کردار خوش آئند ہے۔ انھوں نے کہا کہ پاکستان اور انڈیا کے درمیان جنگ بندی پر عمل ہو رہا ہے۔وزیراعظم نے کہا کہ پہلگام واقعے پر انڈیا کو غیرجانبدارانہ عالمی انکوائری کی پیشکش کی، ہماری مخلصانہ پیشکش کے جواب میں انڈیا نے پاکستان پر حملہ کردیا۔
شہباز شریف نے کہا کہ انڈین جارحیت میں خواتین اور بچوں کو بھی نشانہ بنایا گیا۔انھوں نے کہا کہ انڈیا نے جب جارحیت کی تو پاکستان نے اپنے دفاع میں جوابی کارروائی کی جس میں انڈیا کے چھ جہاز مار گرائے۔ان کا کہنا تھا کہ کوئی شک نہیں رہا کہ پہلگام واقعہ انڈیا کا فالس فلیگ آپریشن تھا، پاکستان نے کشیدہ صورتحال میں بھی بہت تحمل کا مظاہرہ کیا، پاکستان ہمیشہ خطے میں امن واستحکام اور خوشحالی کا خواہشمند رہا ہے۔
شہباز شریف نے کہا کہ پاکستان کی ترقی کے لیے مختلف امریکی منصوبے قریبی تعلقات کے عکاس ہیں، ہماری توجہ معیشت کو مضبوط کرنے پر ہے جب کہ امریکا کے ساتھ ٹیرف کے مسئلے سمیت تجارت میں اضافے کے لیے اقدامات جاری ہیں۔
انھوں نے کہا کہ دونوں ملک جمہوری روایات اور آئین کی بالادستی پر یقین رکھتے ہیں جب کہ امریکا، پاکستان کو تسلیم کرنے والے ابتدائی ممالک میں شامل تھا جب کہ امریکہ پہلا ملک ہے جس نے پاکستان کو 1947 میں تسلیم کیا۔
وزیراعظم نے کہا کہ پاکستان اور امریکہ کے تعلقات کی ایک تاریخ ہے، دونوں ممالک کے تعلقات ایک نئے دور میں داخل ہوررہے ہیں جب کہ دونوں ممالک تعلقات کو مضبوط بنانے کے لیے پرعزم ہیں۔وزیراعظم کا کہنا تھا کہ نائن الیون کے بعد دہشتگردی کے خلاف عالمی جنگ شروع ہوئی تو 2018 میں پاکستان نے دہشت گردی کا مکمل خاتمہ کردیا تھا۔ انھوں نے کہا کہ دہشت گردی کے خلاف جنگ میں پاکستان نے بھاری جانی ومالی نقصان اٹھایا۔ انسداد دہشت گردی کے لیے پاکستان کی قربانیاں کسی سے کم نہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم کی ایم کیو ایم وفد کو کے فور منصوبے، کراچی ٹرانسپورٹ کے مسائل حل کرنے کی یقین دہانی وزیراعظم کی ایم کیو ایم وفد کو کے فور منصوبے، کراچی ٹرانسپورٹ کے مسائل حل کرنے کی یقین دہانی امریکہ دورے کا دوسرا مرحلہ، بلاول بھٹو واشنگٹن ڈی سی پہنچ گئے پاک بھارت جنگ میں ریاست مخالف پروپیگنڈے کا الزام، علیمہ خان اور آفتاب اقبال سمیت 4 افراد طلب خیبرپختونخوا کابینہ میں بڑے پیمانے پر رد و بدل کا فیصلہ،کئی اہم ناموں کی شمولیت،متعدد کا اخراج وزیر اعظم کی زیر صدارت قومی اقتصادی کونسل کا اجلاس، ایک ہزار ارب روپے کے ترقیاتی بجٹ کی منظوری پاکستان اور امریکا تعلقات کو مضبوط بنانے کیلئے پر عزم ہیں، وزیراعظمCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: نے کہا کہ پاکستان اور انھوں نے کہا کہ دونوں ممالک شہباز شریف پاکستان نے کو مضبوط امن کے کے لیے
پڑھیں:
وزیرِاعظم شہباز شریف سعودی عرب کے دو روزہ دورے پر جدہ روانہ
اسلام آباد (اُردو پوائنٹ ۔ DW اردو۔ 05 جون 2025ء) پاکستانی وزیرِاعظم شہباز شریف آج پانچ مئی بروز جمعرات سعودی عرب کے دو روزہ سرکاری دورے پر جدہ روانہ ہو گئے ہیں۔ وہ یہ دورہ سعودی ولی عہد شہزادہ محمد بن سلمان کی دعوت پر کر رہے ہیں۔
پاکستان کی سرکاری خبررساں ایجنسی اے پی پی کے مطابق وزیرِاعظم کے ہمراہ ایک اعلیٰ سطحی وفد بھی روانہ ہوا ہے۔
اس وفد کے اراکین سعودی عرب میں عید الاضحیٰ منائیں گے اور عید کے دن سعودی ولی عہد و وزیرِاعظم سے ملاقات کریں گے۔(جاری ہے)
پاکستانی دفتر خارجہ کے مطابق ملاقات میں دو طرفہ تعلقات کو مزید مستحکم بنانے سے متعلق اہم امور پر تبادلہ خیال ہوگا، جن میں تجارت و سرمایہ کاری، مسلم امہ کی فلاح و بہبود، اور علاقائی امن و سلامتی شامل ہیں۔
دفتر خارجہ کے بیان میں مزید کہا گیا ہے کہ وزیرِاعظم کا یہ دورہ پاکستان اور سعودی عرب کے درمیان گہرے، آزمودہ اور دیرینہ تعلقات کی عکاسی کرتا ہے، جو باہمی عقیدے، اعتماد اور اسٹریٹجک شراکت داری پر قائم ہیں۔
بیان کے مطابق وزیرِاعظم کا یہ دورہ دونوں ممالک کے تعلقات کو مزید مضبوط بنانے اور مختلف شعبوں میں تعاون کے نئے امکانات پیدا کرنے کا باعث بنے گا۔شکور رحیم
ادارت: کشور مصطفیٰ
وزیراعظم کا 4 ملکی دورہ مکمل، تاجکستان سے وطن واپس پہنچ گئے